દેવદત્ત પડિક્કલના શાનદાર પ્રદર્શનથી યુવરાજસિંહ થયો પ્રભાવિત, યુવીએ આ બેટ્સમેનને આપી આ ચેલેંજ

કોરોના વાયરસ જેવી મહામારીની વચ્ચે દેશની બહાર યુએઈમાં આઈપીએલ 2020 ચાલી રહી છે. આઈપીએલમાં તમામ ખેલાડીઓ સારૂ પ્રદર્શન કરવા ઇચ્છે છે. આ દરમિયાન, ઈન્ડિયન પ્રીમિયર લીગમાં રોયલ ચેલેન્જર્સ બેંગલોરના સલામી બેટ્સમેન દેવદત્ત પડિક્કલનું બેટ મોટેથી બોલી રહ્યું છે. આ સીઝનમાં આઈપીએલ કારકિર્દીની શરૂઆત કરી રહેલા આરસીબીના યુવા બેટ્સમેન દેવદત્ત પડિક્કલ શાનદાર ફોર્મમાં જોવા મળી રહ્યા છે. શનિવારે તેણે પોતાની કારકિર્દીની ચોથી આઈપીએલ મેચ રાજસ્થાન રોયલ્સ સામે રમી હતી. આ મેચમાં તેણે અડધી સદી ફટકારી હતી. તમને જણાવી દઈએ કે દેવદત્ત પડિક્કલની આ ત્રીજી અડધી સદી હતી, જે એક નવો આઈપીએલનો રેકોર્ડ છે. દેવદત્ત પડિક્કલ પહેલી ચાર મેચમાં ત્રણ અડધી સદી ફટકારનાર આ ​​લીગનો એકમાત્ર બેટ્સમેન છે જેણે પ્રથમ ચાર મેચોમાં ત્રણ અર્ધસદી ફટકારી છે. તેના શાનદાર પ્રદર્શનની દરેક લોકો પ્રશંસા કરી રહ્યા છે. દેવદત્ત પડિક્કલની તોફાની ઇનિંગ્સથી ભૂતપૂર્વ ભારતીય ખેલાડી યુવરાજ સિંહ પ્રભાવિત થયો છે. યુવરાજસિંહે દેવદત્ત પડિક્કલની પ્રશંસા કરતા બેટ્સમેનને ચેલેંજ પણ આપી છે.

યુવરાજસિંહે દેવદત્ત પડિક્કલને આપી આ ચેલેંજ: તમને જણાવી દઇએ કે દેવદત્ત પડિક્કલે તેની 63 રનની ઇનિંગ્સ દરમિયાન 6 ચોગ્ગા અને એક છગ્ગા ફટકાર્યા હતા. પોતાના આ શાનદાર પ્રદર્શનથી તેણે ચાહકોનું દિલ જીતી લીધું. ચાહકોએ તેમની રમવાની સ્ટાઈલને યુવરાજ સિંહ જેવી ગણાવી છે. યુવરાજસિંહે પણ દેવદત્ત પડિક્કલની શાનદાર ઇનિંગની પ્રશંસા કરી છે. યુવરાજસિંહે તેમના ટ્વિટર એકાઉન્ટ પર ટ્વિટ કરીને લખ્યું છે કે “ફોર્મ ટેમ્પરરી છે, પરંતુ ક્લાસ હંમેશા માટે હોય છે.” જો કે મેં છેલ્લા 8 વર્ષથી આ છોકરાને ફોર્મની બહાર જોયો નથી, જે ખરેખર અવિશ્વસનીય છે. પડિક્કલ ખરેખર સુંદર દેખાઈ રહ્યો છે, જરૂરિયાત છે એક સાથે બેટિંગ કરવાની અને જોઈએ કે કોણ લાંબી હિટ ફટકારી શકે છે. ”

યુવરાજ સિંહના ટ્વિટનો જવાબ આપતા દેવદત્ત પડિક્કલે કહી આ વાત: ભૂતપૂર્વ ભારતીય ખેલાડીની ટ્વિટ પર દેવદત્ત પડિક્કલે તેનું રિએક્શન આપ્યું અને ટ્વીટનો જવાબ આપતા લખ્યું હતું કે, ‘તમારી સાથે કોઈ હરિફાઈ નથી પાજી, ફ્લિક શોટ મારવાનું તમારી પાસેથી જ શીખ્યું છે. હંમેશા તમારી સાથે બેટિંગ કરવા ઇચ્છતો હતો. ” તમને જણાવી દઈએ કે યુવરાજ સિંહ પણ તેની બેટિંગ દરમિયાન સુંદર ફ્લિક શોટ મારતો હતો. તેણે પોતાના ફ્લિક શોટથી ચાહકોને દીવાના બનાવ્યા હતા. જ્યારે દેવદત્ત પડિક્કલે પણ એ જ સ્ટાઇલમાં ફ્લિક શોટ ફટકાર્યો ત્યારે ચાહકોને યુવરાજસિંહની યાદ આવી. સોશિયલ મીડિયા પર આ ટ્વીટ ખૂબ જ ઝડપથી વાયરલ થઈ રહ્યું છે.

જણાવી દઈએ કે શનિવારે રોયલ ચેલેન્જર્સ બેંગ્લોરે શેખ ઝાયદ સ્ટેડિયમ ખાતે રમાયેલી મેચમાં રાજસ્થાન રોયલ્સને 20 ઓવરમાં 154 રન પર જ રોકી દીધા હતા. વિરાટ કોહલીની આગેવાની હેઠળની ટીમની ફિલ્ડિંગ સૌથી શ્રેષ્ઠ હતી. આ મેચમાં યુઝવેન્દ્ર ચહલ અને દેવદત્ત પડિક્કલની જોડીએ ખૂબ સારા કેચ પકડ્યા હતા. વિરાટ કોહલી અને દેવદત્ત પડિક્કલે સાથે મળીને 99 રનની ભાગીદારી કરી હતી. આ રીતે તેણે 155 રનનો પીછો કર્યો હતો. દેવદત્ત પડિક્કલ 63 રને આઉટ થયો હતો, પરંતુ વિરાટ કોહલીએ તેની રમત ચાલુ રાખી હતી અને ફાઈનલ સુધી સ્થિર રહ્યા. 72 રનની ઇનિંગ રમીને રોયલ ચેલેન્જર્સ બેંગ્લોરને જીત અપાવી.