ખૂબ જ ખાસ સ્ટાઈલમાં વિરાટ-અનુષ્કા એ સેલિબ્રેટ કર્યો વામિકાનો પહેલો જન્મદિવસ, જુવો તેમની લાડલી ની ક્યૂટ તસવીરો

રમત-જગત

બોલિવૂડની ખૂબ જ સુંદર અભિનેત્રી અનુષ્કા શર્મા અને ડૈશિંગ ક્રિકેટર વિરાટ કોહલી માટે આજનો દિવસ ખૂબ જ ખાસ છે, અને હોવો પણ જોઈએ, કારણ કે આજે આ કપલની લાડલી વામિકા કોહલીનો પહેલો જન્મદિવસ છે. ગયા વર્ષે 11 જાન્યુઆરીએ આ બંનેના જીવનમાં આ નાનકડી પરી આવી હતી.

આ ખાસ પ્રસંગ પર વિરાટ-અનુષ્કાના ચાહકો, મિત્રો અને પરિવારના સભ્યો સોશિયલ મીડિયા પર પોસ્ટ શેર કરીને વામિકાને 1 વર્ષની થવા પર અભિનંદન આપી રહ્યા છે. સોશિયલ મીડિયા પર આજે સવારથી હેશટેગ ‘હેપ્પી બર્થ ડે વામિકા’ પણ ટ્રેન્ડ કરી રહ્યું છે. આ દરમિયાન અનુષ્કાના ભાઈ કર્ણેશ શર્માએ પણ ખાસ પોસ્ટ શેર કરીને પોતાની ભાણેજ ને જન્મદિવસની શુભેચ્છા પાઠવી છે.

મામા કર્ણેશ શર્માએ વામિકા ની વિરાટ અને અનુષ્કા સાથે ની કેટલીલ તસવીરો નું એક કોલાજ શેર કરીને લખ્યું, “હૈપ્પી ગ્રોઈંગ અપ કિડો. સૌથી સારા માતા-પિતા માટે અન્ય ઘણી વધુ સારી યાદો-અનુષ્કા શર્મા-વિરાટ કોહલી.” કર્ણેશે પોતાની પોસ્ટમાં કેક, હાર્ટ અને પાર્ટી વાળા ઘણા ઇમોજી બનાવીને વામિકાને બર્થડે વિશ કરવાની સાથે ઘણો પ્રેમ આપ્યો છે. કર્ણેશે જે તસવીર શેર કરી છે, તેમાં વામિકનો ચેહરો જોવા મળી રહ્યો નથી.

વામિકાના જન્મને આજે એક વર્ષ થઈ ચુક્યું છે, પરંતુ આજ સુધી વામિકાનો ચહેરો સામે નથી આવ્યો. ખરેખર વિરાટ-અનુષ્કાએ નિર્ણય લીધો છે કે જ્યાં સુધી તેમની પુત્રી સોશિયલ મીડિયાની કિંમત સમજવા લાયક ન બને ત્યાં સુધી તે તેમની તસવીર સોશિયલ પ્લેટફોર્મ પર શેર નહીં કરે. ચાહકો નાની વામિકાની એક ઝલક જોવા માટે આતુર રહે છે.

નોંધપાત્ર છે કે, વિરાટ કોહલી આ દિવસોમાં પોતાની ચાલી રહેલી ટેસ્ટ સિરીઝ માટે દક્ષિણ આફ્રિકામાં છે. આવી સ્થિતિમાં તેમની પુત્રી વામિકા અને પત્ની અનુષ્કા શર્મા પણ તેમની સાથે છે.