જ્યારે માધુરી દીક્ષિતને પોતાના લુક માટે મળતા હતા તાના, પછી માતાની આ એક સલાહના કારણે ચમકી ગયું તેનું નસીબ

બોલિવુડ

બોલીવુડની ધક-ધક ગર્લ કહેવાતી પ્રખ્યાત અભિનેત્રી માધુરી દીક્ષિત આજે કોઈ ઓળખની મોહતાજ નથી. માધુરીએ પોતાની શ્રેષ્ઠ એક્ટિંગ અને અદભૂત ડાન્સથી લોકોના દિલમાં એક ખાસ જગ્યા બનાવી છે. આજે પણ માધુરી દીક્ષિતના જલવા અકબંધ છે અને ચાહકો તેની એક ઝલક મેળવવા માટે આતુર રહે છે.

પરંતુ તેના જીવનમાં પણ એક એવો સમય હતો જ્યારે લોકો તેને કહેતા હતા કે તે હિરોઈન જેવી નથી લાગતી. આ ઉપરાંત તેને પોતાના લુકને લઈને એવી ઘણી કોમેન્ટ્સ મળતી હતી, જેને સાંભળીને તે ખૂબ જ દુઃખી થઈ જતી હતી. જો કે, દરેક પગલા પર તેની માતાએ તેનો સાથ આપ્યો અને તે એક સફળ અભિનેત્રી બનીને ઉભરી.

જણાવી દઈએ કે આ દિવસોમાં માધુરી પોતાની વેબ સીરિઝ ‘ધ ફેમ ગેમ’ માટે ચર્ચામાં છે. આ વેબ સિરીઝ દ્વારા માધુરીએ માધુરીએ ડિજિટલ ડેબ્યૂ કર્યું છે. આ વેબ સિરીઝના પ્રમોશન દરમિયાન માધુરી દીક્ષિતે પોતાના જૂના દિવસોને યાદ કરતા કહ્યું કે, લોકો કહેતા હતા કે હું હિરોઈન જેવી નથી લાગતી, કારણ કે હું તે સમયે યંગ હતી. દરેકના મનમાં મિથક હતી જે એક હીરોઈન એ કેવી રીતે દેખાવું જોઈએ.

પોતાની વાત આગળ વધારતા માધુરીએ કહ્યું, “મારી માતા ખૂબ જ મજબૂત મહિલા હતી. તે કહેતી હતી કે સારું કામ કરશો તો ઓળખ મળી જશે. મેં હંમેશા તેમની સલાહ માની છે. માઁ મને કહેતી હતી – જો સફળતા મળશે તો લોકો અન્ય ચીજો ભૂલી જશે.”

જણાવી દઈએ કે, માધુરી દીક્ષિતે વર્ષ 1984માં આવેલી ફિલ્મ ‘અબોધ’થી પોતાની કારકિર્દીની શરૂઆત કરી હતી. જો કે તેને પોતાની પહેલી ફિલ્મથી કોઈ ખાસ ઓળખ મળી શકી નથી. ત્યાર પછી માધુરીએ વર્ષ 1988માં રિલીઝ થયેલી ફિલ્મ ‘તેઝાબ’માં કામ કર્યું અને આ ફિલ્મ દ્વારા તે રાતોરાત સુપરસ્ટાર બની ગઈ. ત્યાર પછી માધુરી દીક્ષિતને ઘણી ફિલ્મોની ઓફર મળી.

આ દરમિયાન માધુરી દીક્ષિતે વર્ષ 1999માં ડૉક્ટર શ્રીરામ નેને સાથે લગ્ન કર્યા હતા અને અમેરિકા શિફ્ટ થઈ ગઈ હતી. આ દરમિયાન તેમણે પોતાના બંને બાળકોનું પાલન પોષણ કર્યું અને ફરી એકવાર તેણે વર્ષ 2007માં ફિલ્મ ‘આજા નચલે’થી બોલિવૂડની દુનિયામાં કમબેક કર્યું.

માધુરી અત્યાર સુધીમાં પોતાની કારકિર્દીમાં ‘દિલ તો પાગલ હૈ’, ‘હમ આપકે હૈ કૌન’, ‘દેવદાસ’, ‘દિલ’, ‘આજા નચલે’, ‘રાજા’, ‘કોયલા’, ‘બેટા’, ‘કલંક’ જેવી ઘણી સુપરહિટ ફિલ્મોમાં પોતાની એક્ટિંગના જલવા ફેલાવી ચુકી છે

બે બાળકોની માતા હોવા છતાં માધુરી દીક્ષિતે ફિલ્મ ઈન્ડસ્ટ્રીમાં કામ કરવાનું બંધ નથી કર્યું. 54 વર્ષની ઉંમરમાં પણ માધુરી દીક્ષિત બોલિવૂડ ઈન્ડસ્ટ્રીમાં એક્ટિવ છે અને આજે પણ તે પોતાના લુક, ડાન્સ અને એક્ટિંગથી લોકોને દિવાના બનાવી રહી છે.