જો તમે બોલિવૂડની ફિલ્મો જોવી પસંદ કરો છો, તો તમે તમારા ફેવરિટ કલાકારોને પણ ઓળખી શકો છો. ખાસ કરીને કેટલાક યુવા કલાકારો તો એવા છે જેમના નામ લોકોની જીભ પર રહે છે. જોકે તમે કેટલા પણ ફિલ્મોના શોખીન કેમ ન હોય, જો તમને કોઈ અભિનેતા કે અભિનેત્રીની બાળપણની તસવીર બતાવવામાં આવે તો તમે ગચ્ચા ખાઈ શકો છો.
આજે અમે પણ તમારા માટે એક એવા જ બોલિવૂડ સુપરસ્ટારની તસવીર લાવ્યા છીએ. માત્ર ટ્વિસ્ટ એ છે કે આ તસવીર યુવાનીની નથી પરંતુ બાળપણની છે. હવે તમારા માટે ચેલેન્જ એ છે કે આ તસવીરમાં તમારે ઓળખવાનું છે કે તે અભિનેતા કોણ છે. બસ તમને એટલું જણાવી દઈએ કે આજકાલ આ હીરોની ચર્ચા સૌથી મોટા એક્શન હીરો તરીકે થાય છે.
આ હીરો છે તે નાનું બાળક: જો તમે તસવીર જોઈને હીરોને ઓળખી ગયા તો તમે જીનિયસ કહેવાશો. જો તમે તેને ઓળખી શકતા નથી, તો કોઈ વાત નહિં, અમે તમારી આ સમસ્યાને દૂર કરી દઈએ. બહેનના ખોળામાં જોવા મળી રહેલું આ નાનું બાળક કોઈ અન્ય નહિં પરંતુ બોલીવુડના ઉભરતા એક્શન હીરો અને સુપરસ્ટાર ટાઈગર શ્રોફ છે.
હા, ટાઈગર શ્રોફે ખૂબ ઓછા સમયમાં ફિલ્મી દુનિયામાં એક અલગ જ ઓળખ બનાવી લીધી છે. ટાઈગરની આ બાળપણની તસવીર આ દિવસોમાં સોશિયલ મીડિયા પર વાયરલ થઈ રહી છે. આ તસવીરમાં તે પોતાની નાની બહેન કૃષ્ણા શ્રોફ સાથે જોવા મળી રહ્યા છે. બંને ખૂબ જ ક્યૂટ છે. મોટા થયા પછી પણ બંનેનો બોન્ડિંગ એવો જ છે.
32 વર્ષના છે ટાઇગર: ટાઈગર શ્રોફ આ સમયે 32 વર્ષના છે. તેમનો જન્મ મુંબઈમાં 2 માર્ચ વર્ષ 1990ના રોજ થયો હતો. તે પ્રખ્યાત ફિલ્મી હીરો જેકી શ્રોફના પુત્ર છે. તેમની માતાનું નામ આયશા અને બહેનનું નામ કૃષ્ણા છે. ટાઇગર ફિલ્મોમાં એક્શન સીન આમ જ નથી કરતા. તેમની પાસે માર્શલ આર્ટમાં બ્લેક બેલ્ટ છે, જેના કારણે તે ખૂબ જ ફિટ દેખાય છે.
ટાઇગરનું નામ પહેલા જય હેમંત શ્રોફ હતું. પછી તેમનું નામ બદલીને ટાઇગર રાખવામાં આવ્યું હતું. શરૂઆતના અભ્યાસની વાત કરીએ તો અભિનેતાએ મુંબઈથી જ પોતાનો અભ્યાસ પૂરો કર્યો છે. તેમણે અમેરિકન સ્કૂલ ઑફ બોમ્બેથી સ્કૂલનો અભ્યાસ પૂર્ણ કર્યો. ત્યાર પછી તે એમિટી યુનિવર્સિટી માં આગળના અભ્યાસ માટે ચાલ્યા ગયા.
હીરોપંતીથી શરૂ કરી એક્ટિંગ કારકિર્દી: ટાઈગરે સાજિદ નડિયાદવાલાની ફિલ્મ હિરોપંતીથી પોતાની એક્ટિંગ કારકિર્દીની શરૂઆત કરી હતી. આ ફિલ્મ વર્ષ 2014માં આવી હતી. આ ફિલ્મમાં તેમની હીરોઈન કૃતિ સેનન હતી. ટાઈગરે પહેલી જ ફિલ્મમાં સફળતાના ઝંડા લગાવ્યા હતા. તેમની એક્શનથી લઈને તેમની બોડીના દર્શકો દિવાના થઈ ગયા હતા. ફિલ્મ એ બોક્સ ઓફિસ પર ખૂબ ધૂમ મચાવી હતી.
જોકે તેમને સુપરસ્ટાર બનાવનાર ફિલ્મ ‘બાગી’ છે. આ ફિલ્મની ત્રણ સિક્વલ બની ચુકી છે. ત્રણેયમાં ટાઇગરને જ હીરો તરીકે રાખવામાં આવ્યા છે. પોતાની જબરદસ્ત એક્શનના દમ પર તેમણે ત્રણેય ફિલ્મોને હિટ બનાવી છે. તેમના અફેરની વાત કરીએ તો તેનું નામ અભિનેત્રી દિશા પટાની સાથે જોડવામાં આવે છે.
