રામભક્ત હનુમાનના આ મંદિરનો પ્રસાદ ઘરે લઈ જવાની નથી મંજુરી, જાણો શું છે તેનું કારણ

ધાર્મિક

હિંદુ ધર્મમાં જોકે 33 કરોડ દેવી-દેવતાઓનો ઉલ્લેખ કરવામાં આવ્યો છે, પરંતુ તેમાંથી બે નામો એવા છે. જેને એકબીજાના પૂરક માનવામાં આવે છે. મર્યાદા પુરુષોત્તમ શ્રી રામ અને બજરંગ બલી એકબીજાના પૂરક માનવામાં આવે છે અને જ્યાં ભગવાન રામ હશે, ત્યાં ભગવાન હનુમાનજી પણ જરૂર મળશે. જણાવી દઈએ કે બજરંગ બલીને ઘણા નામોથી પણ બોલાવવામાં આવે છે. ક્યાંક તેને ભગવાન હનુમાન તો ક્યાંક તેને સંકટમોચન કહેવામાં આવે છે. આટલું જ નહીં ભારતમાં ભગવાન રામના સૌથી મોટા ભક્ત બજરંગ બલીના ઘણા પ્રસિદ્ધ મંદિર છે અને એવું માનવામાં આવે છે કે હનુમાનજીની પૂજા કરવાથી ભક્તોના તમામ દુ:ખ દૂર થઈ જાઈ છે.

નોંધપાત્ર વાત એ છે કે બજરંગ બલીનું આવું જ એક પ્રખ્યાત મંદિર રાજસ્થાનના દૌસામાં આવેલું છે. જેને ‘મેહંદીપુર બાલાજી મંદિર’ તરીકે ઓળખવામાં આવે છે. જણાવી દઈએ કે આ મંદિર રાજસ્થાનમાં દૌસાની બે ટેકરીઓ વચ્ચે આવેલું છે અને આ મંદિરમાં આખું વર્ષ ભક્તો આવે છે અને અહીંથી ખુશી થઈને જાય છે.

મહેંદીપુર બાલાજી મંદિરમાં મહાબલી હનુમાનજી તેમના બાળ સ્વરૂપમાં બિરાજમાન છે અને તેમની બિલકુલ સામે ભગવાન રામ અને માતા સીતાની મૂર્તિ સ્થાપિત છે. કહેવાય છે કે અહીં આવનારા ભક્તો માટે એક ખાસ નિયમ છે. આ નિયમ મુજબ, દર્શનના ઓછામાં ઓછા એક સપ્તાહ પહેલા ભક્તોએ ડુંગળી, લસણ, નોન-વેજ, આલ્કોહોલ વગેરેનું સેવન બંધ કરી દેવું જોઈએ.

આટલું જ નહીં જો ધાર્મિક માન્યતાઓ અનુસાર તો એવું માનવામાં આવે છે કે મહેંદીપુર બાલાજી મંદિરમાં હનુમાનજીના દર્શન કર્યા પછી ઉપરના અવરોધોથી લોકોને મુક્તિ મળી જાય છે અને તેનાથી છુટકારો મેળવવા માટે મોટી સંખ્યામાં ભક્તો અહીં પહોંચે છે. જણાવી દઈએ કે પ્રેતરાજ સરકાર અને ભૈરવ બાબાની મૂર્તિ પણ અહીં સ્થાપિત છે. દરરોજ પ્રેતરાજ સરકારના દરબારમાં એક પેશી (કીર્તન) કરવામાં આવે છે. તે બે વાગ્યે થાય છે. આ અહીં પર લોકોના ઉપલા પડછાયાઓ દૂર કરવામાં આવે છે. સાથે જ એવું પણ કહેવાય છે કે હનુમાનજીના આ મંદિરમાં દર્શન કર્યા પછી વ્યક્તિ સંપૂર્ણપણે સ્વસ્થ થઈને પરત આવે છે.

 

 

મંદિરથી પ્રસાદ ન લાવવાની છે માન્યતા: જણાવી દઈએ કે મહેંદીપુર બાલાજી મંદિરનો એક બીજો નિયમ છે. એવું માનવામાં આવે છે કે અહીંનો પ્રસાદ ન તો ખાઈ શકાય છે અને ન તો કોઈને આપી શકાય છે. આ ઉપરાંત પ્રસાદ ઘરે પણ નથી લાવી શકાતો. આવી સ્થિતિમાં પ્રસાદ મંદિરમાં જ ચળાવવામાં આવે છે.

નોંધપાત્ર વાત એ છે કે આ મંદિરથી કોઈ ખાવાપીવાની ચીજ અથવા સુગંધિત ચીજને તમારા ઘરે નથી લાવી શકતા. જો આમ કરો છો, તો ઉપરનો પડછાયો તમારા પર અને તમારા પરિવારના સભ્યો પર આવી શકે છે, આવી દંતકથા પ્રચલિત છે.