ગઈકાલે એટલે કે 9 માર્ચે સમગ્ર ભારતમાં રંગોનો સૌથી પ્રિય તહેવાર હોળી ખૂબ જ ઉત્સાહ સાથે ઉજવવામાં આવ્યો છે. બીજી તરફ ઓસ્ટ્રેલિયા સામેની ચોથી અને અંતિમ ટેસ્ટના એક દિવસ પહેલા ભારતીય ટીમના ખેલાડીઓએ થોડો સમય કાઢીને ખૂબ હોળી રમી હતી. જેનો વીડિયો શુભમન ગીલે ઈન્સ્ટાગ્રામ પર શેર કર્યો હતો.
જેમાં વિરાટ કોહલી, રોહિત શર્મા અને ટીમના અન્ય સભ્યો બસમાં ખૂબ હોળી રમતા જોવા મળ્યા હતા. ચાહકોએ ખેલાડીઓની આ સ્ટાઈલ ખૂબ પસંદ કરી હતી. તો બીજી તરફ હોળીના આ ખાસ તહેવાર પર ક્રિકેટરો દેશવાસીઓને શુભેચ્છા આપવાનું કેવી રીતે ભૂલી શકે. સોશિયલ મીડિયા પર ખેલાડીઓએ પોતપોતાની રીતે હોળીની શુભેચ્છા પાઠવી છે.
ભારત દેશ આ સમયે સંપૂર્ણ રીતે હોળીના રંગમાં રંગાઈ ગયો છે, કાશ્મીરથી લઈને કન્યા કુમારી સુધી આ તહેવારની ધૂમ જોવા મળી રહી છે. આવી સ્થિતિમાં ભારતીય ક્રિકેટ ટીમ તેનાથી કેવી રીતે અસ્પૃશ્ય રહી શકે? હાલમાં ચાલી રહેલી બોર્ડર-ગાવસ્કર ટ્રોફીમાં ઓસ્ટ્રેલિયા સામે રમી રહેલા ભારતીય ખેલાડીઓએ હોળી સેલિબ્રેટ કરવાની તક ગુમાવી નથી.
ટીમ ઈન્ડિયાના કેપ્ટન રોહિત શર્માએ પણ તમામ ચાહકોને હોળીના તહેવાર પર શુભેચ્છા પાઠવી છે. રોહિત શર્માએ લખ્યું, ‘આ રંગ, આનંદ, ભોજન, મિત્રો અને પરિવાર સાથે મસ્તી કરવાનો દિવસ છે. આશા છે કે તમે બધા મન લગાવીને તેનો આનંદ માણશો. ઉત્સાહથી હોળી રમો, પણ થોડું ધ્યાન રાખીને અને રખડતા પ્રાણીઓને બચાવીને.
