ભારતીય ટીમ હોળી પર અમદાવાદ ટેસ્ટની તૈયારીમાં વ્યસ્ત છે. ઈન્દોરમાં હાર પછી ટીમ ઈન્ડિયાના ખેલાડીઓ દરેક હાલતમાં અમદાવાદ ટેસ્ટ પોતાના નામે કરીને સીરીઝ જીતવા ઈચ્છશે. આ કારણે આખી ટીમ આગામી મેચની તૈયારીમાં વ્યસ્ત છે. આ દરમિયાન ખેલાડીઓએ ટીમની બસમાં જ હોળીનો તહેવાર ઉજવ્યો. ભારતીય ટીમના બેટ્સમેન શુભમન ગિલે હોળી સેલિબ્રેશનનો વીડિયો સોશિયલ મીડિયા પર શેર કર્યો છે.
આ વીડિયોમાં વિરાટ કોહલી સૌથી આગળ હોળી સેલિબ્રેટ કરતા જોવા મળી રહ્યા છે. તે કૉમ ડાઉન અને રંગ બરસે ગીતો પર ડાન્સ કરી રહ્યા છે. સાથે જ કેપ્ટન રોહિત શર્મા પાછળથી તેમના પર ગુલાલ ઉડાડી રહ્યા છે. શ્રેયસ અય્યર સહિત ટીમના તમામ ખેલાડીઓ રંગબેરંગી ગુલાલથી રંગાયેલા છે. ટીમનો સપોર્ટ સ્ટાફ પણ હોળી ધામધૂમથી સેલિબ્રેટ કરી રહ્યો છે.
ઈશાન કિશને પણ ભારતીય ટીમનો હોળી સેલિબ્રેશનનો વીડિયો શેર કર્યો છે, જેમાં તમામ ખેલાડીઓ બૂમો પાડીને હોળીની શુભકામનાઓ આપી રહ્યા છે. આ વીડિયોમાં પણ તમામ ખેલાડીઓ રંગીન જોવા મળી રહ્યા છે. આ વીડિયો શેર કરતા ઈશાને લખ્યું કે દરેકને હોળીની શુભકામના.
View this post on Instagram
ભારતીય ટીમ ઉપરાંત મહિલા પ્રીમિયર લીગમાં આરસીબીની ટીમમાં શામેલ ખેલાડીઓએ પણ હોળીની મજા માણી. આ તક પર વિદેશી ખેલાડીઓ પણ રંગબેરંગી ગુલાલમાં રંગાયેલા જોવા મળ્યા હતા. ઓસ્ટ્રેલિયન ઓલરાઉન્ડર એલિસ પેરીએ પણ ખૂબ હોળી રમી અને તેની તસવીરો પણ શેર કરી. સાથે જ સચિન તેંડુલકર એ હોળી રમ્યા પછી પોતાની તસવીર શેર કરતા ચાહકોને પૂછ્યું કે તેમના હાથમાં શું છે.
9 માર્ચથી ટેસ્ટ સીરીઝ રમશે ભારતીય ટીમ: ભારતે 9 માર્ચથી ઓસ્ટ્રેલિયા સામે બોર્ડર ગાવસ્કર ટ્રોફીની ચોથી અને છેલ્લી મેચ રમવાની છે. આ સીરીઝમાં ભારત હાલમાં 2-1થી આગળ છે. અમદાવાદમાં યોજાનારી ટેસ્ટ મેચ જીતીને ભારતીય ટીમ સિરીઝ પોતાના નામે કરવા ઈચ્છશે. આ મેચ જીતવા પર ભારત વર્લ્ડ ટેસ્ટ ચેમ્પિયનશિપની ફાઇનલમાં પોતાની જગ્યા નિશ્ચિત કરી લેશે.
