‘ધ કશ્મીર ફાઈલ્સ’ ફિલ્મ પર ‘તારક મેહતા’ એ આપ્યું આ મોટું નિવેદન, કહ્યું કે- આ ફિલ્મ નથી પરંતુ….

બોલિવુડ

બ્લોકબસ્ટર સાબિત થઈ ચુકેલી ફિલ્મ ‘ધ કશ્મીર ફાઇલ્સ’ પર માત્ર મોટા પડદાના સ્ટાર્સની જ પોતાની વાત કહી રહ્યા નથી અથવા માત્ર તેમને જ આ ફિલ્મ પસંદ નથી આવી રહી પરંતુ ટીવી કલાકારો પણ આ ફિલ્મથી ખૂબ જ પ્રભાવિત જોવા મળી રહ્યા છે. તાજેતરમાં જ ટીવી અભિનેત્રી અને દિગ્ગઝ અભિનેતા મિથુન ચક્રવર્તીની પુત્રવધૂ મદાલસા શર્માએ ફિલ્મની પ્રશંસા કરી હતી.

મદાલસા પછી હવે ટીવીના ખૂબ જ લોકપ્રિય અભિનેતા શૈલેષ લોઢાએ પણ તેની પ્રશંસા કરી છે અને ફિલ્મને સંપૂર્ણ સમર્થન આપ્યું છે. જણાવી દઈએ કે ખૂબ જ પ્રખ્યાત કોમેડી સીરિયલ ‘તારક મેહતા કા ઉલ્ટા ચશ્મા’માં તારક મેહતાનું પાત્ર નિભાવનાર અભિનેતાનું સાચું નામ શૈલેષ લોઢા છે.

હવે શૈલેષ લોઢા એ પણ આ ફિલ્મની ખૂબ પ્રસંશા કરી છે અને તેના પર પોતાની વાત રાખી છે. ખાસ વાત એ છે કે શૈલેષે ફિલ્મ જોયા પછી તેના પર પોતાનું રિએક્શન આપ્યું છે. ખરેખર, તાજેતરમાં જ શૈલેષ એ સિનેમાઘરમાં જઈને ફિલ્મ ‘ધ કશ્મીર ફાઇલ્સ’ જોઈ હતી. સાથે જ જ્યારે તે ફિલ્મ જોઈને બહાર આવ્યા, ત્યારે પૈપરાઝીએ તેને ફિલ્મ વિશે સવાલ કર્યો.

થિયેટરની બહાર પૈપરાઝીએ ટીવી અભિનેતાને સવાલ કર્યો હતો કે તમને ફિલ્મ કેવી લાગી. શૈલેષે જવાબમાં કહ્યું કે, હું સ્પીચલેસ બની ગયો છું, કંઈ કહી શકીશ નહીં. આગળ તે કહે છે કે આ કોઈ ફિલ્મ નથી, આંદોલન છે. આ દરમિયાન શૈલેષ ભાવુક પણ જોવા મળ્યા અને તે વધુ કંઈ બોલી શક્યા નહીં.

 

View this post on Instagram

 

A post shared by Koimoi.com (@koimoi) 

કયા વિષય પર આધારિત છે ફિલ્મ? ફિલ્મ ‘ધ કશ્મીર ફાઇલ્સ’ કાશ્મીરમાં વર્ષ 1990માં હિંદુઓ સાથે થયેલી ક્રૂરતા પર આધારિત છે. 32 વર્ષ પહેલા બનેલી આ ઘટનાને ડાયરેક્ટર વિવેક રંજન અગ્નિહોત્રી મોટા પડદા પર લાવ્યા છે. નોંધપાત્ર છે કે જિહાદીઓ દ્વારા વર્ષ 1990 માં હિંદુઓ પર અત્યાચાર અને નરસંહાર કરવામાં આવ્યો હતો. આ દરમિયાન લાખો કશ્મીરી પંડિતો માર્યા ગયા અને લાખો હિન્દુઓ કાશ્મીરમાંથી હિજરત થયા.

200 કરોડને પાર થઈ ફિલ્મની કમાણી: ‘ધ કશ્મીર ફાઇલ્સ’ 11 માર્ચે સિનેમાઘરોમાં રિલીઝ થઈ હતી. આ ફિલ્મ બોક્સ ઓફિસ પર સતત ધમાકેદાર કમાણી કરી રહી છે. આ ફિલ્મ એ માત્ર 13 દિવસમાં જ 200 કરોડનો આંકડો પાર કરી લીધો છે. પહેલા દિવસે માત્ર 3.5 કરોડ રૂપિયાની કમાણી કરનાર ‘ધ કશ્મીર ફાઇલ્સ’ એ આગામી 12 દિવસમાં ભારતમાં કુલ 196 કરોડ રૂપિયાથી પણ વધુ કમાણી કરી છે.

ફિલ્મમાં મુખ્ય ભુમિકા દિગ્ગજ અભિનેતા અનુપમ ખેર અને મિથુન ચક્રવર્તીએ નિભાવી છે. ફિલ્મમાં બંને ઉપરાંત દર્શન કુમાર, પલ્લવી જોશી, અમન ઈકબાલ પણ મુખ્ય ભુમિકામાં છે.