સૈફ અલી ખાન અને કરીના કપૂર બોલિવૂડ ઈન્ડસ્ટ્રીની પાવરફુલ કપલ તરીકે ઓળખાય છે અને સાથે જ આ કપલ પોતાની પર્સનલ અને પ્રોફેશનલ લાઈફને કારણે ચર્ચામાં રહે છે. કરીના અને સૈફ અલી ખાન આજે બે પુત્રોના માતા-પિતા બની ચુક્યા છે, જેમાંથી મોટા પુત્રનું નામ તૈમુર અલી ખાન અને નાના પુત્રનું નામ જહાંગીર અલી ખાન છે.
કરીના કપૂરના બંને પુત્રો બોલિવૂડના ખૂબ જ લોકપ્રિય સ્ટાર કિડ્સમાંથી એક છે અને સાથે જ વાત કરીએ કરીનાના મોટા રાજકુમાર તૈમૂર અલી ખાનની, તો તૈમૂર બાળપણથી જ લાઇમલાઇટમાં રહે છે અને તેને પણ પોતાના માતા-પિતાની જેમ ઘણી લોકપ્રિયતા મળી ચુકી છે. તૈમુર અલી ખાન હંમેશા પોતાની ક્યૂટનેસથી લોકોના દિલ જીતતા જોવા મળે છે અને સોશિયલ મીડિયા પર જ્યારે પણ તૈમૂર અલી ખાનની કોઈ તસવીર કે વીડિયો સામે આવે છે ત્યારે તે ખૂબ જ વાયરલ થઈ જાય છે.
તૈમુરની તસવીરો પર લોકો દિલ ખોલીને પ્રેમ વરસાવે છે અને તે પોતાની ક્યૂટ સ્ટાઈલથી દરેકનું દિલ જીતી લે છે. સાથે જ કરીના કપૂર આ દિવસોમાં પતિ સૈફ અલી ખાન અને બંને પુત્રો સાથે વેકેશન એંજોય કરવા માટે પટૌડી હાઉસ ગઈ છે, જ્યાંથી બેબોએ કેટલીક તસવીરો અને વીડિયો પણ શેર કર્યા છે.
તાજેતરમાં, કરીના કપૂર ખાને સૈફ અલી ખાન સાથે પટૌડી પેલેસમાં બેડમિન્ટન રમતા પોતાનો એક સુંદર વીડિયો શેર કર્યો હતો. આ વીડિયો સોશિયલ મીડિયા પર ખૂબ વાયરલ થયો છે. સૈફ અને કરીના પોતાના બાળકો સાથે પટૌડી પેલેસમાં આ સમયે ક્વાલિટી ટાઈમ પસાર કરી રહ્યા છે. આ દરમિયાન, કરીના કપૂર ખાને પોતાના ઇન્સ્ટાગ્રામ એકાઉન્ટ પર પોતાના પુત્ર તૈમુર અલી ખાનની કેટલીક સુંદર તસવીરો શેર કરી છે.
આ તસવીરોમાં કરીનાના રાજકુમારો ખેતરોમાં જોવા મળી રહ્યા છે અને આ તસવીરો આ દિવસોમાં ઈન્ટરનેટ પર ઝડપથી વાયરલ થઈ રહી છે. કરીના કપૂર ખાને તૈમુર અલી ખાનની જે તસવીરો શેર કરી છે તેમાં તૈમૂર લીલાછમ ખેતરોમાં પોતાના હાથમાં મૂળા લઈને ખૂબ જ ક્યૂટ સ્ટાઈલમાં પોઝ આપતા જોવા મળી રહ્યો છે. તેમાંથી એક તસવીરમાં તૈમૂર અલી ખાન પણ પોતાના હાથથી મૂળો ઉપાડતા જોવા મળી રહ્યો છે અને આ દરમિયાન તૈમૂરના ઈનોસેંટ એક્સપ્રેશન લોકોને ખૂબ જ પસંદ આવી રહ્યા છે.
સાથે જ કરીનાએ પોતાના લાડલાની આ સુંદર તસવીરો શેર કરતા એક ખૂબ જ ખાસ કેપ્શન પણ લખ્યું છે. તેણે આ તસવીરો સાથે કેપ્શનમાં લખ્યું છે કે, “ગરમ ગરમ મૂળાના પરાઠા વિથ ઘી ફોર લંચ તેની સાથે તેણે #TimTim #Homegrown #Plant #Grow #Eat”.
સોશિયલ મીડિયા પર કરીના કપૂરની આ પોસ્ટને અત્યાર સુધીમાં લાખો લાઈક્સ મળી ચૂકી છે અને સાથે જ તૈમૂરના ચાહકો આ તસવીરો પર ખૂબ પ્રેમ વરસાવી રહ્યા છે. કરીના કપૂર ખાનના વર્ક ફ્રન્ટ વિશે વાત કરીએ તો, તાજેતરમાં જ અભિનેત્રી લાલ સિંહ ચઢ્ઢા ફિલ્મમાં આમિર ખાન સાથે જોવા મળી હતી, જોકે આ ફિલ્મ બોક્સ ઓફિસ પર ફ્લોપ સાબિત થઈ છે.
