હિન્દી સિનેમાના પ્રખ્યાત અભિનેતા સુનીલ શેટ્ટીએ દર્શકોની વચ્ચે પોતાની સારી ઓળખ બનાવી છે. ભલે સુનીલ શેટ્ટીએ પોતાના સમકાલીન કલાકારોની સરખામણીમાં વધુ લોકપ્રિયતા ન મેળવી હોય, પરંતુ સુનીલ શેટ્ટીની ગણતરી શ્રેષ્ઠ કલાકારોમાં થાય છે.
સુનીલ શેટ્ટીએ મોટા પડદા પર ઘણી ફિલ્મોમાં કામ કર્યું છે અને તેમને દર્શકોએ ખૂબ પ્રેમ પણ આપ્યો છે. સુનીલે સારું નામ કમાવવાની સાથે સાથે ખૂબ પૈસા પણ કમાવ્યા છે. તેમની કમાણીનો સ્ત્રોત ફિલ્મોની સાથે જ તેમનો બિઝનેસ પણ છે. તે હવે ફિલ્મોમાં ભાગ્યે જ જોવા મળે છે, જોકે બિઝનેસમાંથી તે કરોડો રૂપિયાની કમાણી કરે છે.
સુનીલ શેટ્ટી એક લક્ઝરી જીવન જીવે છે. તેમની પાસે અબજો રૂપિયાની સંપત્તિ છે અને તે લક્ઝરી કારમાં મુસાફરી કરે છે. સુનીલ શેટ્ટી પાસે લક્ઝરી ઘર અને ફાર્મ હાઉસ પણ છે. આજે અમે તમને સુનીલના ખંડાલાના ઘરની ટૂર કરાવવા જઈ રહ્યા છીએ. તો ચાલો શરુ કરીએ.
સુનીલ શેટ્ટીના જે ઘર વિશે અમે તમને જણાવી રહ્યા છીએ, તેની ઝલક ખુદ ‘અન્ના’ એટલે કે સુનીલ શેટ્ટીએ પોતાના ચાહકોને બતાવી છે. સુનિલે પ્રકૃતિને ધ્યાનમાં રાખીને આ ઘર તૈયાર કરાવ્યું છે. જોવામાં આ ઘર કોઈ રિસોર્ટથી ઓછું નથી લાગતું.
સુનીલ શેટ્ટીના ખંડાલાવાળા ઘરને જોઈને શાંતિનો અહેસાસ થાય છે. અભિનેતાએ તેને ખૂબ જ સુંદરતા સાથે સજાવ્યું છે. ઘરમાં મોટાભાગની ચીજો લાકડા અને પત્થરથી બનેલી છે. ઘરની અંદર અને બહાર પણ હરિયાળીને ખૂબ જગ્યા આપવામાં આવી છે. તેમાં ઘણા બધા વૃક્ષો અને છોડ લગાવવામાં આવ્યા છે.
સુનીલે પોતાનું આ ઘર પહાડો અને હરિયાળી વચ્ચે બનાવ્યું છે. સુનીલને અહીં સમય પસાર કરવો ખૂબ પસંદ છે. તે અવારનવાર અહીં સમય પસાર કરવા આવે છે.
સુનીલના આ ઘરમાં પર્સનલ પૂલથી લઈને ઘરની અંદર જ થિયેટર પણ બનાવવામાં આવ્યું છે. તેમાં સુખ-સુવિધાની દરેક ચીજ છે. ઘરમાં હાજર દરેક ચીજ ખૂબ જ ખાસ અને કિંમતી છે. વીડિયો અને તસવીરોમાં તમે જોઈ શકો છો કે અભિનેતાએ ઘરમાં ગ્રીન અને બ્રાઉન કલરનો વધુમાં વધુ ઉપયોગ કર્યો છે.
સુનીલના ઘરમાં રહેલો પૂલ ઘરની સુંદરતામાં ઘણી હદ સુધી વધારો કરવાનું કામ કરે છે, સાથે જ આ ઘરમાં એક થિયેટર પણ બનાવવામાં આવ્યું છે જેમાં સુનીલની ઘણી યાદગાર ફિલ્મોના પોસ્ટર દિવાલો પર લગાવવામાં આવ્યા છે.
સુનિલે પોતાના ઘરમાં, લિવિંગ રૂમ, ડાઇનિંગ રૂમ, ટેરેસ, બાલ્કની દરેક જગ્યાએ હરિયાળીનું ખૂબ ધ્યાન રાખ્યું છે. આ અભિનેતાના ઘરના ડાઇનિંગ ટેબલનો નજારો છે.
જણાવી દઈએ કે સુનીલ અવારનવાર પોતાના પરિવાર સાથે અહીં આવતા રહે છે. તે જણાવી ચુક્યા છે કે તેમના પુત્ર અહાનને પણ અહીં ખૂબ જ સારું લાગે છે અને તેને ખંડાલાના ઘરે આવીને ખૂબ ખુશી મળે છે. માહિતી મુજબ, સુનીલે આ ઘરનું નામ ‘જહાં’ રાખ્યું છે. જેનો અર્થ સંસાર અથવા સંપૂર્ણ દુનિયા થાય છે.
જણાવી દઈએ કે સુનીલે વર્ષ 1992માં ફિલ્મ ‘બલવાન’થી હિન્દી સિનેમામાં પગ મૂક્યો હતો. સુનીલે વર્ષ 1991માં મોનિષા કાદરી સાથે લગ્ન કર્યા હતા. પછી તેનું નામ માના શેટ્ટી રાખવામાં આવ્યું. કપલને બે બાળકો એક પુત્ર અને એક પુત્રી છે. બંને પોતાના પિતાના પગલે ચાલીને ફિલ્મોની દુનિયામાં ડેબ્યૂ કરી ચુક્યા છે.
