સોનમ કપૂર બોલિવૂડ ઈન્ડસ્ટ્રીની ટેલેંટેડ અને સુંદર અભિનેત્રીઓમાંથી એક છે, જે પોતાની એક્ટિંગની સાથે સાથે પોતાની ફેશન સેન્સ માટે પણ જાણીતી છે. અભિનેત્રી સોનમ કપૂર ગયા વર્ષે જ માતા બની છે. સોનમ કપૂર અને આનંદ અહુજા 20 ઓગસ્ટ 2022ના રોજ એક પુત્રના માતા-પિતા બન્યા હતા. તેમણે પોતાના પુત્રનું નામ વાયુ રાખ્યું છે. સોનમ કપૂર પોતાની માતાની ફરજ નિભાવવામાં કોઈ કસર છોડી રહી નથી. પોતાના નાના બાળકની સંભાળ રાખવાથી લઈને તેની તમામ જરૂરિયાતો પૂરી કરવા સુધી, સોનમ કપૂર એક વ્યવહારિક માતા છે.
જોકે અભિનેત્રી સોનમ કપૂરે ફિલ્મોમાંથી બ્રેક લીધો છે, પરંતુ તે અવારનવાર પોતાની તસવીરો ચાહકો સાથે શેર કરતી રહે છે. માત્ર સોનમ કપૂર જ નહીં પરંતુ તેના પતિ આનંદ અહુજા પણ અવારનવાર ઈન્સ્ટાગ્રામ પર તેમના પુત્ર વાયુની તસવીરો શેર કરતા રહે છે. જો કે, તેના પુત્રનો ચેહરો છુપાયેલો રહે છે અથવા તેઓ તેના ચેહરાને ઇમોજીથી છુપાવી દે છે. તાજેતરમાં આનંદ આહુજાએ તેમના પુત્ર વાયુનું ધ્યાન રાખતી સોનમ કપૂરની એક તસવીર શેર કરી છે.
માતા-પુત્રનો પ્રેમને જોઈને સોશિયલ મીડિયા યુઝર્સ તેના પર ખૂબ પ્રેમ વરસાવી રહ્યા છે. આ તસવીરે લોકોના દિલ જીતી લીધા છે. સોનમ કપૂરના પતિ આનંદ આહુજાએ આ સુંદર તસવીર શેર કરવાની સાથે જ એક હૃદય સ્પર્શી નોટ પણ લખી છે.
આનંદ આહૂજાએ શેર કરી સોનમ અને વાયુની તસવીર: તમને જણાવી દઈએ કે આનંદ આહુજાએ પોતાના ઓફિશિયલ ઇન્સ્ટાગ્રામ એકાઉન્ટ પર 25 જાન્યુઆરી, 2023 ના રોજ પોતાની પત્ની સોનમ કપૂર અને પુત્ર વાયુની એક સુંદર તસવીર શેર કરી હતી. આ તસવીરમાં જોઈ શકાય છે કે સોનમ કપૂર એ તેના પુત્ર વાયુને ખોળામાં લીધો છે. સાથે જ વાયુનો ચેહરો સાઈડમાંથી ઘણી હદ સુધી જોવા મળી રહ્યો છે.
આ તસવીરમાં અભિનેત્રી સોનમ કપૂર બ્લૂ કલરના પટ્ટીવાળા નાઈટ સૂટમાં ખૂબ જ સુંદર લાગી રહી છે. તેણે પોતાના નો-મેકઅપ લુકને બનમાં બાંધેલા વાળ સાથે ફ્લોન્ટ કર્યો છે. આ તસવીર સોશિયલ મીડિયા પર ખૂબ જ ઝડપથી વાયરલ થઈ રહી છે. આ તસવીર શેર કરવાની સાથે જ આનંદ આહુજાએ એક લાંબી નોટ પણ લખી છે. આ તસવીર પર યૂઝર્સ કમેંટ કરીને પોતાના રિએક્શન આપી રહ્યા છે.
