બોલિવૂડના કોરિડોરમાંથી મોટા સમાચાર આવી રહ્યા છે. એવું કહેવામાં આવી રહ્યું છે કે બોલિવૂડની સૌથી ક્યૂટ કપલમાં શામેલ કિયારા અડવાણી અને સિદ્ધાર્થ મલ્હોત્રા વચ્ચે પેચઅપ થઈ ગયું છે અને બંને ફરી એક બીજાની નજીક આવી ગયા છે.
તમને જણાવી દઈએ કે સિદ્ધાર્થ મલ્હોત્રા અને કિયારા અડવાણીના ચાહકોને ત્યારે મોટો ઝટકો લાગ્યો હતો, જ્યારે તેમને ખબર પડી હતી કે બંનેએ પોતાનો રસ્તો અલગ કરી લીધો છે. પરંતુ હવે લાગે છે કે બંને વચ્ચે બધુ બરાબર ચાલી રહ્યું છે. બંનેનું ફરીથી સાથે આવવાના સમાચારથી તમામ ચાહકો ઉત્સાહિત છે અને ફરીથી બંનેને લગ્ન કરવાનો સવાલ કરી રહ્યા છે.
શું કરણ જોહરે કરાવ્યું પેચઅપ: તાજેતરમાં જ બોલિવૂડ લાઈફે જણાવ્યું હતું કે જ્યારે સિદ્ધાર્થ મલ્હોત્રા અને કિયારા અડવાણીનું બ્રેકઅપ થયું ત્યારે ચાહકોને તો શું ઈન્ડસ્ટ્રીમાં પણ કોઈને સારું લાગ્યું ન હતું. ત્યાર પછી બંનેનું પેચઅપ કરવાની જવાબદારી કરણ જોહરે ઉઠાવી હતી. હવે બંને વચ્ચે પેચઅપના સમાચાર આવી રહ્યા છે. બોલિવૂડ લાઈફને એક સૂત્રએ જણાવ્યું, “કરણ જોહર આ કપલની ખૂબ નજીક છે. જ્યારે તેને તેમના બ્રેકઅપ વિશે જાણ થઈ ત્યારે તે ખુશ ન થયા. તેણે બંને વચ્ચે બધું ઠીક કરવાનું પોતાને વચન આપ્યું. સિદ્ધાર્થ અને કિયારા બંને એકબીજાને ખૂબ પ્રેમ કરે છે. બંનેએ એકબીજાને એક અન્ય તક આપી છે. તેના ચાહકો ફરી એકવાર ખુશ થઈ ગયા છે.”
પહેલાથી વધુ મજબૂત બોન્ડિંગ: સૂત્રએ આગળ જણાવ્યું કે હવે બંનેનો બોન્ડિંગ પહેલા કરતા વધુ મજબૂત જોવા મળે છે. અમારામાંથી કોઈને આશ્ચર્ય નહિં થાય, જો હવે બંને લગ્ન પણ કરી લઈએ તો, કારણ કે બંને વચ્ચે ફરીથી પ્રેમ ખીલ્યો છે. આ સમયે તો કપલ પોત-પોતાના પ્રોજેક્ટ્સમાં વ્યસ્ત છે અને માત્ર પ્રોફેશનલ કમિટમેંટ્સ પર જ ધ્યાન આપી રહ્યા છે. બ્રેક પછી બંને સાથે વેકેશન પર જશે, એવા સમાચાર આવી રહ્યા છે.
રોહિત શેટ્ટીની ‘ઇન્ડિયન પોલીસ ફોર્સ’માં સિદ્ધાર્થ મલ્હોત્રા જોવા મળશે. તે પોલીસ ઓફિસરની ભૂમિકા નિભાવતા જોવા મળશે. આ ઉપરાંત કિયારા અડવાણી વરુણ ધવન સાથે ફિલ્મ ‘જુગ જુગ જિયો’માં જોવા મળશે. બંને હાલમાં ફિલ્મના પ્રમોશનમાં વ્યસ્ત છે. ચાહકોને આશા છે કે સિદ્ધાર્થ મલ્હોત્રા અને કિયારા અડવાણી ટૂંક સમયમાં ફરીથી સાથે સ્ક્રીન શેર કરતા જોવા મળશે.
