તારક મેહતા કા ઉલ્ટા ચશ્મા શો છેલ્લા ઘણા સમયથી દર્શકોનું ખૂબ જ મનોરંજન કરી રહ્યો છે અને આ સિરિયલના તમામ સ્ટાર પણ દર્શકોની વચ્ચે ખૂબ પ્રખ્યાત થઈ ચુક્યા છે અને આ તમામ સ્ટારકાસ્ટમાંથી દયા બેનનું પાત્ર સૌથી વધુ લોકપ્રિય બની ચુક્યું છે અને આ પાત્રમાં દિશા વાકાણીને ફરીથી જોવા માટે ચાહકો ખૂબ જ આતુર છે.
સાથે જ ગયા અઠવાડિયે, તારક મેહતા કા ઉલ્ટા ચશ્મા શોને લઈને એવી ઘોષણા કરવામાં આવી હતી કે આ શોમાં દયાબેન ફરી એક વાર કમબેક કરવા જઈ રહી છે અને દયાબેનના ગોકુલધામ પરત ફરવાના સમાચારે દરેકને આશ્ચર્યચકિત કરી દીધા હતા. તારક મેહતા કા ઉલ્ટા ચશ્મા શોનો એક પ્રોમો વીડિયો સામે આવ્યો છે અને તે વિડીયોમાં બતાવવામાં આવી રહ્યું છે કે શોમાં દયાબેન કમબેક કરી રહી છે અને દયાબેનના કમબેક માટે ચાહકો એવી જ આશા રાખતા હતા કે દિશા વાકાણી આ પાત્રને ફરીથી નિભાવશે. જોકે હવે દિશા વાકાણીના ચાહકો માટે એક દિલ તોડનારા સમાચાર સામે આવી રહ્યા છે, ખરેખર તારક મહેતા કા ઉલ્ટા ચશ્મા શોના નિર્માતા અસિત કુમાર મોદીએ સ્પષ્ટપણે ઘોષણા કરી છે કે તારક મહેતા શોમાં દીશા દયાબેન તરીકે પરત ફરી રહી નથી પરંતુ તેને રિપ્લેસ કરવામાં આવી રહી છે અને એક નવી અભિનેત્રી દયા બેનનું પાત્ર નિભાવવા જઈ રહી છે જેના માટે ઓડિશન શરૂ થઈ ચુક્યા છે.
નોંધપાત્ર છે કે દિશા વાકાણીએ લાંબા સમય સુધી તારક મેહતા શોમાં દયા બેનનું પાત્ર નિભાવ્યું હતું અને આજે પણ લોકો દિશા વાકાણીને તેના દયાબેનના પાત્ર માટે યાદ કરે છે. સાથે જ દિશા વાકાણી જ્યારે 5 વર્ષ પહેલા માતા બનવાની હતી ત્યારે તેણે મેટરનિટી લિવ લીધી હતી અને ત્યાર પછી દિશા વાકાણી શોમાં પરત આવી નથી. સાથે જ હવે દિશા વાકાણી બીજી વખત માતા બની ચુકી છે અને તાજેતરમાં તેણે એક પુત્રને જન્મ આપ્યો છે. આવી સ્થિતિમાં દિશા વાકાણીની શોમાં કમબેકની શક્યતા પૂરી રીતે સમાપ્ત થઈ ગઈ છે.
સાથે જ હવે તારક મેહતા શોના નિર્માતા આસિત મોદીએ પણ કન્ફર્મેશન આપ્યું છે કે આ શોમાં દયા બેનનું પાત્ર હવે દિશા વાકાણીને બદલે નવી અભિનેત્રી નિભાવશે અને આ કારણે નવી દયાબેન માટે ઓડિશન પણ શરૂ થઈ ચુક્યા છે. આવી સ્થિતિમાં હવે લોકોના મનમાં એક સવાલ પણ ઉઠી રહ્યો છે કે દિશા વાકાણીને બદલે કઈ અભિનેત્રી દયા બેનનું આઇકોનિક પાત્ર નિભાવવા જઈ રહી છે.
View this post on Instagram
આ દરમિયાન, કુંડલી ભાગ્ય ફેમ અભિનેત્રી શ્રદ્ધા આર્યનો એક વીડિયો ઇન્ટરનેટ પર વાયરલ થયો છે અને આ વીડિયો આ વાતના સંકેત આપી રહ્યો છે કે તારક મેહતા કા ઉલ્ટા ચશ્મા શોમાં દયાબેનની ભૂમિકા માટે શ્રદ્ધા આર્યાને લેવામાં આવી છે અને બની શકે છે કે શ્રદ્ધા આર્યા ટૂંક સમયમાં તારક મહેતા શોમાં દિશા વાકાણીને રિપ્લેસ કરીને દયાબેનની ભુમિકામાં જોવા મળશે
શ્રદ્ધા આર્યાએ પોતાના ઓફિશિયલ ઈન્સ્ટાગ્રામ એકાઉન્ટ પર આ વીડિયો ક્લિપ શેર કરી છે અને આ વીડિયો જોયા પછી તારક મેહતા શોના ચાહકો એ વાતનો અંદાજ લગાવી રહ્યાં છે કે તે શ્રદ્ધા આર્યા જ છે જે દયાબેન તરીકે દિશા વાકાણીને રિપ્લેસ કરશે. જોકે હજુ સુધી શ્રદ્ધા આર્યા અથવા મેકર્સ દ્વારા આ વાતની કોઈ પુષ્ટિ થઈ નથી. હવે તે તો સમય જ જણાવશે કે તારક મેહતા શોમાં દિશા વાકાણીને બદલે કઈ અભિનેત્રી દયા બેનનું પાત્ર નિભાવે છે અને નવા દયાબેન વિશે જાણવા માટે ચાહકો ખૂબ જ આતુર છે.
