શિવજી તમામ દેવતાઓમાં સૌથી લોકપ્રિય છે. આ જ કારણ છે કે આખા દેશમાં તેમના મંદિરો સૌથી વધુ જોવા મળે છે. કહેવાય છે કે એકવાર જો તમે ભોલેનાથને પ્રસન્ન કરી લો તો તમારા જીવનના તમામ દુઃખ સમાપ્ત થઈ જાય છે. આ જ કારણ છે કે લોકો શિવને પ્રસન્ન કરવાનો સતત પ્રયત્ન કરે છે.
જ્યોતિષ શાસ્ત્રનું માનીએ તો કેટલીક વિશેષ રાશિના લોકો પર ભગવાન શિવના આશીર્વાદ હોય છે. એટલે કે શિવ આ ભક્તોનું વધુ ધ્યાન રાખે છે. આ કેટલાક સરળ ઉપાયોથી ભગવાન શિવ ખૂબ જ ઝડપથી પ્રસન્ન થઈ શકે છે. 1 માર્ચે મહાશિવરાત્રી પણ આવી રહી છે. આવી સ્થિતિમાં જો આ રાશિના લોકો આ દિવસે કેટલાક ખાસ ઉપાય કરે તો તેમની તમામ ઈચ્છાઓ પૂર્ણ થાય છે.
મેષ રાશિ: ભગવાન શંકરના આશીર્વાદ મેષ રાશિના લોકો પર હંમેશા રહે છે. તેમનાથી ભોલેનાથ જલ્દી પ્રસન્ન થઈ જાય છે. આવી સ્થિતિમાં મેષ રાશિના લોકોએ નિયમિત રીતે શિવની પૂજા કરતા રહેવું જોઈએ. જો તમે દરરોજ શિવલિંગ પર જળ ચઢાવશો તો તમને ઘણો ફાયદો થશે. મહાશિવરાત્રીના દિવસે તમે શિવજીનો પૂર્ણ ભક્તિ સાથે જલાભિષેક કરો. આ કરતી વખતે તમારા મનની ઈચ્છાઓ પણ શિવને કહો. ભોલેનાથ તમારી ઈચ્છા જરૂર પૂર્ણ કરશે. જો તમે ઈચ્છો તો મહાશિવરાત્રીનું વ્રત પણ રાખી શકો છો.
વૃષભ રાશિ: શુક્ર વૃષભ રાશિના સ્વામી છે. શુક્રદેવ અને શુક્રાચાર્ય ભોલેબાબાના પરમ ભક્ત પણ છે. એટલા માટે વૃષભ રાશિના લોકો પર શિવજી વિશેષ રીતે મેહરબાન રહે છે. તેમનાથી તે માત્ર જલ્દી પ્રસન્ન જ નથી થતા, પરંતુ ઈચ્છિત ફળ પણ મળે છે. મહાશિવરાત્રિ પર આ રાશિના લોકોએ સવારે વહેલા સ્નાન કરીને પીળા અથવા કેસરી રંગના વસ્ત્રો પહેરીને ભોલેનાથની પૂજા કરવી જોઈએ. તેનાથી તમને ઘણો ફાયદો થશે. તમે શિવજી પાસે સંતાન સુખ અને ધન લાભ પણ માંગી શકો છો.
મકર રાશિ: મકર રાશિના લોકો પણ ભગવાન શિવના પ્રિય હોય છે. તે હંમેશા તેમના પર પોતાના આશીર્વાદ વરસાવે છે. આ રાશિના લોકો પણ શિવજીની પૂજા કરીને પોતાનું નસીબ ચમકાવી શકે છે. શિવ તેમનાથી ઝડપથી પ્રસન્ન થાય છે. મકર રાશિના જાતકોએ પણ મહાશિવરાત્રિ પર શિવની વિશેષ પૂજા કરવી જોઈએ. આ દિવસે તમે તમારા ઘરમાં કથા પણ રાખી શકો છો. સાથે જ આ દિવસે શિવનું વ્રત પણ કરો. તેનાથી તમારી દરેક ઈચ્છાઓ પૂર્ણ થશે.
કુંભ રાશિ: કુંભ રાશિના લોકો પર પણ ભગવાન શિવના આશીર્વાદ રહે છે. તેમનું અને શિવનું એક વિશેષ જોડાણ છે. તેમનાથી ભોલેનાથ જલ્દી પ્રસન્ન થાય છે. તેમની દરેક ઈચ્છા પણ પૂર્ણ કરે છે. તેના માટે તેમણે માત્ર દિલથી શિવજીને યાદ કરવાના હોય છે. મહાશિવરાત્રીના દિવસે કુંભ રાશિના લોકો શિવજીનો જળ અથવા દૂધથી અભિષેક કરો. સાથે જ આ દિવસે કોઈપણ ગરીબ અથવા બ્રાહ્મણને દાન કરો. તેનાથી તમને ધન-સંપત્તિ, સુખ જેવી ચીજો સરળતાથી મળી જશે.
