અભિનેતા શાહિદ કપૂર બોલિવૂડના શ્રેષ્ઠ અભિનેતા હોવાની સાથે-સાથે એક પરફેક્ટ ફેમિલી મેન પણ છે જેઓ તેમના કામની સાથે-સાથે પોતાની ફેમિલી લાઈફને પણ ખૂબ સારી રીતે મેનેજ કરે છે. શાહિદ કપૂર તેમના કામમાં કેટલા પણ વ્યસ્ત કેમ ન હોય, પરંતુ તે તેમના પરિવાર માટે સમય કાઢવાનું ભૂલતા નથી અને શાહિદ કપૂર અવારનવાર પોતાની પત્ની અને બાળકો સાથે વેકેશન એંજોય કરતા અને ક્વાલિટી ટાઈમ પસાર કરતા જોવા મળે છે. સાથે જ આ દિવસોમાં શાહિદ કપૂર પોતાની પત્ની મીરા રાજપૂત અને બાળકો સાથે મુંબઈના વર્લીમાં આવેલા એક લક્ઝરી સી-ફેસિંગ ડુપ્લેક્સમાં ખૂબ જ સુખી જીવન જીવી રહ્યા છે.
સાથે જ શાહિદ કપૂર અને તેમની પત્ની મીરા રાજપૂત બંને સોશિયલ મીડિયા પર ખૂબ જ એક્ટિવ રહે છે અને અવારનવાર તેમની ફેમિલી લાઈફની સુંદર ઝલક તેમના ચાહકો સાથે શેર કરતા રહે છે. શાહિદ કપૂરની પત્ની મીરા રાજપૂત ભલે ફિલ્મ ઈન્ડસ્ટ્રી સાથે જોડાયેલી નથી પરંતુ તે સોશિયલ મીડિયા પર ખૂબ જ લોકપ્રિય છે અને સાથે જ મીરા રાજપૂત પોતાની સોશિયલ મીડિયા પોસ્ટ માટે હેડલાઈન્સમાં રહે છે.
View this post on Instagram
મીરા રાજપૂત અવારનવાર પોતાની સુંદર અને ગ્લેમરસ તસવીરો શેર કરતી રહે છે, જેમાં તેના સુંદર ઘરની શ્રેષ્ઠ ઝલક પણ જોવા મળે છે. આ દરમિયાન, અભિનેતા શાહિદ કપૂરે પોતાના ઓફિશિયલ ઇન્સ્ટાગ્રામ એકાઉન્ટ પર એક વીડિયો પોસ્ટ કર્યો છે, જેમાં તેના લક્ઝરી ઘરના સુંદર ખૂણાની શ્રેષ્ઠ ઝલક જોવા મળી રહી છે. આ વીડિયોમાં શાહિદ કપૂરના ઘરનું એક યૂનિક કોફી ટેબલ જોવા મળી રહ્યું છે, જે ખરેખર ખૂબ જ સુંદર છે.
શાહિદ કપૂરે 29 જાન્યુઆરી, 2023ના રોજ પોતાના ઓફિશિયલ ઈન્સ્ટાગ્રામ એકાઉન્ટ પરથી એક વીડિયો પોસ્ટ કર્યો હતો અને આ વીડિયોમાં શાહિદ કપૂરે તેના ઘરની સુંદર ઝલક બતાવી છે.
શાહિદ કપૂર દ્વારા શેર કરવામાં આવેલા આ વીડિયોમાં તેના ઘરનો એક અદ્ભુત ખૂણો જોવા મળી રહ્યો છે, જેમાં વાંસથી બનેલો ટુ-સીટર સોફા, મ્યૂટ કુશન અને વિશાળ પગના આકારમાં બનેલું યૂનિક કોફી ટેબલ જોવા મળી રહ્યું છે. આ જગ્યા ખૂબ જ સુંદર લાગી રહી છે અને આખી જગ્યા પર સૂર્યપ્રકાશ પણ પહોંચી રહ્યો છે.
શાહિદ કપૂરે આ વીડિયોને શેર કરતા કેપ્શનમાં લખ્યું છે કે, “સની પોતાની આગામી ચાલનું આયોજન કરી રહ્યા છે… રવિવારની એક તડકા વાળી સાંજ.” સોશિયલ મીડિયા પર શાહિદ કપૂરનો આ વીડિયો આવતાની સાથે જ વાયરલ થઈ ગયો છે અને આ વીડિયોમાં શાહિદ કપૂરના ઘરમાં જોવા મળી રહેલું યૂનિક કોફી ટેબલ લોકોને ખૂબ જ પસંદ આવી રહ્યું છે અને આ વીડિયો પર ચાહકો સતત કમેન્ટ કરીને તેમના લક્ઝરી ઘરની ખૂબ પ્રસંશા કરી રહ્યા છે.
શાહિદ કપૂર અને મીરા રાજપૂતનું આ ડુપ્લેક્સ ‘થ્રી સિક્સ્ટી વેસ્ટ’માં એક ગગનચુંબી ઈમારત છે અને શાહિદ કપૂરે આ ડુપ્લેક્સ 58 કરોડ રૂપિયામાં ખરીદ્યો હતો. વર્ષ 2022 માં, મીરા રાજપૂત અને શાહિદ કપૂર તેમના બાળકો સાથે આ ડુપ્લેક્સમાં શિફ્ટ થયા હતા. શાહિદ કપૂરનું આ લક્ઝરી અને સુંદર ઘર બહારથી જેટલું ભવ્ય છે અંદરથી પણ એટલું જ સુંદર છે. તેમના ઘરની બાલ્કનીથી લઈને લિવિંગ રૂમ, કિચન એરિયા, ડાઈનિંગ રૂમ બધું જ ખૂબ જ લક્ઝુરિયસ છે.
મીરા રાજપૂત અને શાહિદ કપૂર વર્લીમાં તેમના આ નવા ઘરમાં શિફ્ટ થઈ ગયા છે અને સાથે જ તેમણે પોતાનું જૂનું ઘર ભાડે આપી દીધું છે. રિપોર્ટ્સ મુજબ, શાહિદ કપૂરનું જુહુ વાળું ઘર બોલિવૂડ અભિનેતા કાર્તિક આર્યન એ રેંટ પર લીધું છે અને તે દર મહિને આ ઘર માટે 7.5 લાખ રૂપિયા ભાડું ચૂકવે છે.
