વાત જો બોલિવૂડ ફિલ્મ ઇન્ડસ્ટ્રીની કરીએ તો અહીં આજકાલ રીમેક્સનો સમય ચાલી રહ્યો છે. પછી તે ફિલ્મ હોય કે ગીત. જણાવી દઈએ કે સાઉથની ઘણી હિટ ફિલ્મોનું હિન્દી રીમેક કરવામાં આવી રહ્યું છે. જૂની કલ્ટ ફિલ્મોને પણ ફરીથી બનાવવામાં આવી રહી છે. સાથે જ કંઈક આવું હવે ટીવીની દુનિયામાં પણ જોવા મળી રહ્યું છે. નોંધપાત્ર છે કે ઘણી એવી સુપરહિટ ફિલ્મો રહી છે જેના આઈડિયાને કોપી કરીને ટીવી સિરિયલો પણ બનાવવામાં આવી. તેમાંથી કેટલીક હિટ રહી તો કેટલીક ખરાબ રીતે ફ્લોપ રહી. ચાલો જાણીએ આવી જ દસ સીરિયલ વિશે, જે ક્યાંકને ક્યાંક ફિલ્મોને કોપી કરીને બનાવવામાં આવી.
દો હંસો કા જોડા: ફિલ્મ ‘રબ ને બના દી જોડી’ તમે જરૂર જોઈ હશે. આ ફિલ્મના આધારે ટીવી સીરિયલ ‘દો હંસો કા જોડા’ બની. આ સીરિયલમાં શાલીન ભનોટનું પાત્ર શાહરુખ ખાનના બોરિંગ પાત્ર સાથે મળતું હતું અને આ સિરિયલને દર્શકોનો મિશ્રિત રિસ્પોંસ મળ્યો હતો.
લવ યૂ જિંદગી: જણાવી દઈએ કે કરીના કપૂર અને શાહિદ કપૂરની એક ફિલ્મ આવી હતી. જેનું નામ ‘જબ વી મેટ’ હતું. આ ફિલ્મને રીક્રિએટ કરીને ‘લવ યુ જિંદગી’ નામની સિરિયલ બનાવવામાં આવી હતી. આ સિરિયલમાં અભિનેત્રી પવિત્ર પુનિયા કરીનાના ‘ગીત’ ના પાત્રને કોપી કરતા જોવા મળી. જણાવી દઈએ કે સિરિયલમાં સિદ્ધાર્થ શુક્લા પણ જોવા મળ્યો હતો અને સિરિયલની સ્ટોરી અલગ હતી પરંતુ શોને વધારે પ્રેમ ન મળ્યો.
બડો બહૂ…: બીજી બાજુ પ્રિન્સ નરૂલા અને રીતાશા રાઠોડ સ્ટારર સીરિયલ બડો બહૂ આયુષ્માન ખુરાનાની ફિલ્મ ‘દમ લગા કે હઈશા’ના કોન્સેપ્ટ પર આધારિત હતી. જણાવી દઈએ કે સિરિયલનું પોસ્ટર પણ ફિલ્મના પોસ્ટરથી ઈંસ્પાયર્ડ જોવા મળ્યું હતું. જેમાં પ્રિન્સે પોતાની વધારે વજનવાળી પત્નીને ઉઠાવી હતી.
દિલ સે દિલ તક: સિદ્ધાર્થ શુક્લા રશ્મિ દેસાઈ અને જસ્મીન ભસીનની સીરિયલ ‘દિલ સે દિલ તક’ વર્ષ 2001 માં આવેલી ફિલ્મ ચોરી ચોરી ચૂપકે ચુપકે પર આધારિત હતી. ફિલ્મ અને સિરિયલ બંનેનો પ્લોટ સરોગસી હતો. સિદ્ધાર્થ શુક્લા અને રશ્મિ દેસાઈની લોકપ્રિયતા જોઈને સિરિયલને ઘણો પ્રેમ મળ્યો હતો.
નાગિન – 3: કરિશ્મા તન્ના અને રજત ટોકસ સ્ટારર સીરીયલ નાગિન -3 નું પ્લોટ પણ ફિલ્મ જાની દુશ્મન એક અનોખી કહાની જેવું હતું. ફિલ્મની જેમ સીરિયલમાં પણ એક નાગિનની સ્ટોરી બતાવવામાં આવી હતી જે પોતાનો બદલો લે છે.
પરદેશ મેં હૈ મેરા દિલ: જણાવી દઈએ કે સિરિયલ પરદેસ મેં હૈ મેરા દિલ પ્રખ્યાત ફિલ્મ પરદેસથી ઈંસ્પાયર્ડ જોવા મળી હતી. સીરિયલમાં દ્રષ્ટિ ધામી અને અર્જુન બિજલાની જોવા મળ્યા હતા. સાથે જ સિરિયલને અલગ-અલગ લોકેશન પર શૂટ કરવામાં આવી હતી. જોકે આ ટીવી શો દર્શકોનો પ્રેમ મેળવવામાં ખૂબ સફળ ન રહ્યો.
પેશવા બાજીરાવ: ટીવી પર પ્રસારિત થયેલી પીરિયડ ડ્રામા સિરિયલ પેશવા બાજીરાવને દર્શકોએ ખૂબ પસંદ કરી હતી. સિરિયલમાં પેશવાની લવ સ્ટોરી બતાવવામાં આવી હતી. બરાબર તેવી જ રીતે જે રીતે બાઝીરાવ મસ્તાનીમાં બતાવવામાં આવ્યું હતુ. સીરિયલ પાસે આશા હતી કે પેશવાની લવ સ્ટોરી નો એંગલ જોડવામાં આવશે અને થયું પણ તે જ.
જાના ના દિલ સે દૂર: જાના ના દિલ સે દૂર સંજય લીલા ભણસાલીની 90 ના દાયકાની ફિલ્મ હમ દિલ દે ચુકે સનમની આસપાસ ફરતી જોવા મળી હતી. તમને જણાવી દઈએ કે જે સ્ટોરી ફિલ્મમાં બતાવવામાં આવી હતી તે જ સ્ટોરી સીરિયલમાં બતાવવામાં આવી હતી, પરંતુ સીરિયલને બિલકુલ પસંદ કરવામાં આવી ન હતી.
નામકરણ: સીરિયલ નામકરણ ને ફિલ્મ ઝખ્મની કોપી જણાવવામાં આવી હતી. ખરેખર ઝખ્મ બનાવનાર ડાયરેક્ટર મહેશ ભટ્ટે જ પોતાની ફિલમને સીરિયલમાં રૂપાંતરિત કરી હતી. સીરિયલમાં બરખા સેનગુપ્તા, રીમા લાગૂ અને ઝૈન ઈમામ જોવા મળ્યા હતા.
જોધા અકબર: સાથે ફિલ્મ જોધા અકબરને જબરદસ્ત રોસ્પોંસ મળ્યા પછી નાના પડદા પર સીરિયલ તરીકે જોધા અકબરની સ્ટોરી બતાવવામાં આવી હતી. શોમાં રજત ટોકસ અને પરિધિ શર્મા જોવા મળ્યા હતા. જોકે બંને રિતિક રોશન અને એશ્વર્યા રાયના પાત્રથી ઘણા દૂર જૂવા મળ્યા. તો આ દસ એવી સીરિયલ રહી જે ક્યાંકને ક્યાંક કોઈ ફિલ્મની કોપી રહી, અથવા તેના જેવી થીમને કોપી કરીને બનાવવામાં આવી હતી. તેમાંથી કેટલીક ફ્લોપ સાબિત થઈ તો કેટલીકને દર્શકોનો સારો રિસ્પોંસ મળ્યો.
