સલમાન ખાન બોલિવૂડનું એક મોટું નામ છે. તેમણે 26 ઓગસ્ટ 1988ના રોજ ફિલ્મ ‘બીવી હો તો ઐસી’થી પોતાની એક્ટિંગ કારકિર્દીની શરૂઆત કરી હતી. જોકે મુખ્ય અભિનેતા તરીકે તે 1989ની સુપરહિટ ફિલ્મ મૈંને પ્યાર કિયામાં જોવા મળ્યા હતા. ત્યારપછી સલમાનની ફિલ્મોની સિરીઝ શરૂ થઈ અને તેમણે એક પછી એક ઘણી સુપરહિટ ફિલ્મો કરીને દર્શકોના દિલમાં જગ્યા બનાવી લીધી.
કોઈના ભાઈ… કોઈની જાન બનશે સલમાન: તાજેતરમાં જ સલમાને ફિલ્મ ઈન્ડસ્ટ્રીમાં 34 વર્ષ પૂરા કર્યા છે. આવી સ્થિતિમાં, સોશિયલ મીડિયા પર ભાઈજાનના ચાહકોએ #34YearsOfSalmanKhanEra ટ્રેન્ડ કરવાનું શરૂ કર્યું. આ તક પર સલમાન ખાને પોતાની આગામી ફિલ્મ ‘કભી ઈદ કભી દિવાલી’ને લઈને પણ એક મોટી ઘોષણા કરી હતી. ખરેખર, સલમાને પોતાની ફિલ્મનું નામ બદલીને ‘કિસી કા ભાઈ… કિસી કી જાન’ રાખ્યું છે.
જણાવી દઈએ કે આ બીજી વખત છે જ્યારે ફિલ્મનું નામ બદલવામાં આવ્યું છે. આ પહેલા ફિલ્મનું નામ ભાઈજાન હતું. પરંતુ પછી તેને બદલીને ‘કભી ઈદ કભી દિવાલી’ કરવામાં આવ્યું. અને હવે ફરી એકવાર ફિલ્મનું નામ બદલીને ‘કિસી કા ભાઈ… કિસી કી જાન’ રાખવામાં આવ્યું છે. આ ઘોષણા સાથે સલમાને તેની ફિલ્મનો ફર્સ્ટ લૂક પણ શેર કર્યો હતો.
લાંબા વાળ વાળા લુકમાં લાગી રહ્યા છે સુપર કૂલ: ખરેખર સલમાને પોતાના સોશિયલ મીડિયા પર ફિલ્મનું નામ બદલવા વિશેનો એક વીડિયો શેર કર્યો છે. સૌથી પહેલા તો તેમણે ઈંડસ્ટ્રીમાં 34 વર્ષ પૂર્ણ થવા પર ચાહકોનો આભાર માન્યો. ત્યાર પછી તે એક નવા લુક સાથે જોવા મળ્યા. આ લુકમાં તેના વાળ ખભા સુધી લાંબા છે. તે આ નવી હેરસ્ટાઈલ સાથે ખૂબ જ કૂલ લાગી રહ્યા છે.
#KisiKaBhaiKisiKiJaan pic.twitter.com/n5ZPs5lsUc
— Salman Khan (@BeingSalmanKhan) August 26, 2022
સલમાને પોતાની વીડિયો પોસ્ટમાં લખ્યું- 34 વર્ષ પહેલાની વાત હવે હતી. 34 વર્ષ પછી પણ હવે છે. મારા જીવનની સફર અજાણી જગ્યાએથી શરૂ થઈ અને હવે બે શબ્દોની બની ગઈ છે. આજે અને અહીં. આ મુસાફરીમાં મારી સાથે રહેવા બદલ આપ સૌનો આભાર. હું દિલથી તેનો આભાર વ્યક્ત કરું છું. સલમાન ખાન.
તમિલ ફિલ્મની રીમેક કરી રહ્યા છે સલમાન: જણાવી દઈએ કે સલમાનની આ ફિલ્મ 2014માં આવેલી તમિલ ફિલ્મ ‘વીરમ’ની રિમેક છે. તેમાં સલમાન સાથે વેંકટેશ દગ્ગુબાતી, જગપતિ બાબુ અને પૂજા હેગડે જેવા કલાકારો જોવા મળશે. આ ફિલ્મમાં તે બધી ચીજો છે જે સલમાનના ચાહકોને પસંદ છે. તેમાં ભાઈજાન એક્શન, કોમેડી, ડ્રામા, રોમાન્સ બધું કરતા જોવા મળશે. ફિલ્મનું મ્યુઝિક પણ ખૂબ જ સુંદર રાખવામાં આવ્યું છે.
આ ફિલ્મ ઉપરાંત સલમાન ખાન ટૂંક સમયમાં બિગ બોસની નવી સીઝનને હોસ્ટ કરતા જોવા મળશે. કહેવામાં આવી રહ્યું છે કે આ વખતે સલમાને આખી સિઝન હોસ્ટ કરવા માટે મેકર્સ સાથે 800 કરોડ રૂપિયાની ડીલ ફાઈનલ કરી છે. સાથે જ સલમાન એક ફિલ્મ માટે લગભગ 60 કરોડ રૂપિયા લે છે. તેમની કુલ સંપત્તિ ત્રણ હજાર કરોડની આસપાસ છે.
