સાક્ષી અને અનુષ્કા વચ્ચે છે બાળપણની મિત્રતા છે, એક જ સ્કૂલમાંથી કર્યો છે અભ્યાસ, જુવો તેમની થ્રોબેક તસવીરો

બોલિવુડ

બોલિવૂડની ટોપ અભિનેત્રી અનુષ્કા શર્મા ક્રિકેટર વિરાટ કોહલીની પત્ની છે. આ દરેક વ્યક્તિ જાણે છે. આવી સ્થિતિમાં માત્ર ફિલ્મ ઈન્ડસ્ટ્રી જ નહીં પરંતુ ક્રિકેટ ક્ષેત્ર સાથે જોડાયેલા લોકો સાથે પણ અવારનવાર તેની મુલાકાત થતી રહે છે. બીજી બાજુ ભારતીય ક્રિકેટ ટીમના ભૂતપૂર્વ કેપ્ટન મહેન્દ્ર સિંહ ધોનીની પત્ની સાક્ષી ધોની પણ ખૂબ જ પ્રખ્યાત છે. જણાવી દઈએ કે હવે અનુષ્કા અને સાક્ષીની એક થ્રોબેક તસવીર વાયરલ થઈ રહી છે, જેમાં બંને સાથે જોવા મળી રહી છે.

નોંધપાત્ર વાત એ છે કે તસવીરમાં અનુષ્કા અને સાક્ષી તેમના અન્ય મિત્રો સાથે પોઝ આપતા જોવા મળી રહી છે. એક તસવીર કેફેની બહારની છે તો બીજી તસવીર કોઈ ફંક્શનની છે અને આ તસવીરો હવે ખૂબ વાયરલ થઈ રહી છે. સાથે જ અનુષ્કા અને સાક્ષીની આ તસવીરો જોઈને ચાહકો અનુમાન લગાવી રહ્યા છે કે આ તેમના સ્કૂલના દિવસોની તસવીર છે. જોકે ચાહકોનો આ અંદાજ બિલકુલ સાચો છે અને બંનેએ એક સમયે આસામમાં સાથે અભ્યાસ કર્યો હતો.

એક જ સ્કૂલમાંથી બંનેએ કર્યો છે અભ્યાસ: જણાવી દઈએ કે 2013 માં એક ઈવેન્ટ લોન્ચ દરમિયાન અનુષ્કાએ સાક્ષીને પહેલાથી જાણવાનો ખુલાસો કર્યો હતો. ખરેખર, અનુષ્કા શર્માના પિતા નિવૃત્ત કર્નલ અજય કુમાર શર્માની તે દિવસોમાં આસામમાં પોસ્ટિંગ હતી. સાથે જ આસામમાં રહેવા દરનિયાન, અનુષ્કા સેન્ટ મેરી સ્કૂલમાં અભ્યાસ કરતી હતી, જ્યાંથી સાક્ષીએ પણ પોતાનું સ્કૂલિંગ કર્યું છે. નોંધપાત્ર છે કે ઈવેન્ટ લોન્ચ દરમિયાન અભિનેત્રીએ જણાવ્યું કે તે અને સાક્ષી આસામના એક નાના શહેરમાં એક જ સ્કૂલમાં અભ્યાસ કરતી હતી.

આટલું જ નહીં, તે દરમિયાન અનુષ્કાએ જણાવ્યું હતું કે, “સાક્ષી અને હું આસામના એક નાના શહેરમાં સાથે રહેતા હતા. જ્યારે તેણીએ મને જણાવ્યું કે તે ક્યાં રહે છે ત્યારે મેં કહ્યું વાહ… તેમણે પોતાની સ્કૂલનું નામ જણાવ્યું જ્યાં મેં પણ મારો અભ્યાસ કર્યો છે. ત્યાર પછી મને સાક્ષીની તે તસવીર મળી જેમાં તે પરીની જેમ તૈયાર થયેલી છે અને હું ઘાઘરા પહેરીને મારી ફેવરિટ સ્ટાર માધુરી દીક્ષિતની જેમ ડ્રેસ્ડ છું. સાક્ષી ખૂબ જ રમુજી છે.”

અનુષ્કાએ પસંદ કરી ફિલ્મી કારકિર્દી તો સાક્ષીએ આ પસંદ કર્યું: જણાવી દઈએ કે વર્ષો પછી હવે તેમની આ તસવીર ફરી એકવાર સોશિયલ મીડિયા પર હેડલાઈન્સ બનાવી રહી છે. સ્કૂલિંગ પછી બંનેએ પોતાની અલગ-અલગ કારકિર્દી પસંદ કરી અને જીવનમાં આગળ વધ્યા. અનુષ્કા શર્માએ ફિલ્મ ઈન્ડસ્ટ્રીમાં પ્રવેશ કર્યો તો સાક્ષીએ હોટલ મેનેજમેન્ટમાં પ્રવેશ કર્યો.

છેલ્લે વાત અનુષ્કાની પર્સનલ લાઈફની કરીએ તો, અભિનેત્રીએ વર્ષ 2017 માં તેના બોયફ્રેન્ડ અને ક્રિકેટર વિરાટ કોહલી સાથે ઇટાલીમાં લગ્ન કર્યા હતા. લગ્નના ત્રણ વર્ષ પછી એટલે કે 11 જાન્યુઆરી 2021ના રોજ વિરાટ કોહલી અને અનુષ્કા શર્મા પહેલીવાર માતા-પિતા બન્યા. આ દિવસે તેમણે તેમની પુત્રીનું સ્વાગત કર્યું હતું, જેનું નામ તેમણે વામિકા રાખ્યું છે. જણાવી દઈએ કે અનુષ્કા અને વિરાટે આજ સુધી પોતાની પુત્રીનો ચહેરો ચાહકોને બતાવ્યો નથી અને બંને પોતાની પુત્રીનું જીવન પ્રાઈવેટ રાખવા ઇચ્છે છે.

સાથે જ સાક્ષી ધોની અને મહેન્દ્ર સિંહ ધોની થોડા વર્ષો સુધી એકબીજાને ડેટ કર્યા પછી 4 જુલાઈ, 2010 ના રોજ લગ્નના બંધનમાં બંધાયા હતા. લગ્નના પાંચ વર્ષ પછી બંનેએ પોતાના ઘરમાં એક સુંદર પુત્રી ઝીવા ધોનીનું સ્વાગત કર્યું હતું. ઝીવાના આગમન પછી સાક્ષી અને ધોનીનું જીવન ખુશીઓથી ભરાઈ ગયું. જીવા આજે એક પ્રખ્યાત સ્ટાર કિડ છે. તેની તસવીરો અને વીડિયો સોશિયલ મીડિયા પર ખૂબ વાયરલ થાય છે.