ટીવીની જાણીતી અભિનેત્રી રૂપાલી ગાંગુલી હાલના સમયમાં કોઈ ઓળખની મોહતાજ નથી. રૂપાલી ગાંગુલી ટીવીની પ્રખ્યાત સીરિયલ ‘અનુપમા’માં જોવા મળે છે. આ સીરિયલ દ્વારા રૂપાલી ગાંગુલીએ ઘર-ઘરમાં સારી ઓળખ બનાવી લીધી છે. ટેલિવિઝનની લોકપ્રિય સિરિયલ “અનુપમા” જ્યારથી શરૂ થઈ છે ત્યારથી આ સિરિયલ દરેક ઘરનો ભાગ બની ગઈ છે. અનુપમાની મુખ્ય અભિનેત્રી રૂપાલી ગાંગુલીએ આ સિરિયલ દ્વારા પોતાની કારકિર્દીની બીજી ઇનિંગ શરૂ કરી છે અને તેની આ નવી શરૂઆત વિચાર્યા કરતા પણ વધુ સુંદર રહી છે.
રૂપાલી ગાંગુલીએ “અનુપમા”નું પાત્ર નિભાવીને ખૂબ જ સારી લોકપ્રિયતા મેળવી છે. હાલના સમયમાં તે લોકોના દિલ પર રાજ કરી રહી છે. સાથે જ રૂપાલી ગાંગુલીની ફેન ફોલોઈંગની વાત કરીએ તો ‘અનુપમા’ સિરિયલ પછી રૂપાલી ગાંગુલીની ફેન ફોલોઈંગ પણ આસમાને છે. માત્ર સીરિયલ જ નહીં પરંતુ લોકો તેના અંગત જીવન સાથે જોડાયેલી વાતો જાણવા માટે પણ ખૂબ જ આતુર જોવા મળે છે.
તમને જણાવી દઈએ કે રૂપાલી ગાંગુલી સોશિયલ મીડિયા પર ખૂબ જ એક્ટિવ રહે છે, જેના દ્વારા તે પોતાના ચાહકો સાથે જોડાયેલી રહે છે. અનુપમા બનીને લોકોના દિલ જીતનાર રૂપાલી ગાંગુલીએ તાજેતરમાં જ તેના કો-સ્ટાર્સ સાથે ઉજ્જૈનના પ્રસિદ્ધ મહાકાલેશ્વર જ્યોતિર્લિંગના દર્શન કર્યા. આ દરમિયાન રૂપાલી ગાંગુલી બાબા મહાકાલની ભક્તિમાં ડૂબેલી જોવા મળી હતી. રૂપાલી ગાંગુલીએ મંદિરમાં દર્શનની તસવીરો પોતાના સોશિયલ મીડિયા એકાઉન્ટ પર શેર કરી છે.
રૂપાલી ગાંગુલીએ કર્યા મહાકાલેશ્વર જ્યોતિર્લિંગ મંદિરના દર્શન: રૂપાલી ગાંગુલી દ્વારા શેર કરવામાં આવેલી તસવીરોમાં જોઈ શકાય છે કે તે મહાકાલ મંદિરમાં દરરોજ સવારે યોજાતી ભસ્મ આરતીમાં શામેલ થઈ હતી. આ દરમિયાન અભિનેત્રી બાબા મહાકાલની ભક્તિમાં સંપૂર્ણપણે ડૂબેલી જોવા મળી હતી અને મંદિરના પૂજારીઓએ પણ અભિનેત્રી પાસે વિશેષ પૂજા-અર્ચના પણ કરાવી. મહાકાલ મંદિરમાં પૂજા કરતી રૂપાલી ગાંગુલીની તસવીરો સોશિયલ મીડિયા પર વાયરલ થઈ રહી છે.
આ વાત આપણે બધા સારી રીતે જાણીએ છીએ કે પૂરા ભારતમાં માત્ર મહાકાલ મંદિરમાં જ ભસ્મ આરતી કરવામાં આવે છે જે ખૂબ જ પ્રખ્યાત છે અને આ ખાસ આરતી જોવા માટે ભક્તો દૂર-દૂરથી ઉજ્જૈન આવે છે. તેથી જ રૂપાલી ગાંગુલી પણ ખાસ મહાકાલ મંદિરમાં સવારની ભસ્મ આરતીમાં શામેલ થવા આવી હતી.
આ દરમિયાન રૂપાલી ગાંગુલી બાબાના રંગમાં રંગાયેલી જોવા મળી હતી. ઓરેંજ સાડી, ગળામાં ફૂલોની માળા અને કપાળ પર મહાકાલનું તિલક લગાવીને અનુપમા ખૂબ જ સુંદર લાગી રહી હતી. રૂપાલી ગાંગુલીએ આ તસવીરો શેર કરતી વખતે એક કેપ્શન પણ લખ્યું છે.
રૂપાલી ગાંગુલીએ કેપ્શનમાં લખ્યું છે, “જય મહાકાલ. આભાર, આભાર, આભાર. ભવ્ય દર્શન અને ભસ્મ આરતી માટે આભાર.” સોશિયલ મીડિયા પર અભિનેત્રીની આ તસવીરો ખૂબ જ વાયરલ થઈ રહી છે, જેને ચાહકો દ્વારા ખૂબ પસંદ કરવામાં આવી રહી છે. આ તસવીરો પર ચાહકો પોતાના રિએક્શન આપતા જોવા મળી રહ્યા છે.
રૂપાલી ગાંગુલીનું વર્ક ફ્રન્ટ: તમને જણાવી દઈએ કે રૂપાલી ગાંગુલી એક અભિનેત્રી અને થિયેટર કલાકાર છે. રૂપાલી ગાંગુલીએ “કુછ ખટ્ટી-કુછ મીઠી”, “સારાભાઈ Vs સારાભાઈ” જેવી સિરિયલોમાં મુખ્ય ભૂમિકાઓ નિભાવી ચુકી છે. હાલમાં રૂપાલી ગાંગુલી સિરિયલ ‘અનુપમા’માં જોવા મળી રહી છે.
