દિવ્યાંકા ત્રિપાઠીની પુત્રી રૂહી હવે થઈ ગઈ છે મોટી, સુંદરતાની બાબતમાં આપે છે બોલીવુડ અભિનેત્રીઓને પણ ટક્કર, જુવો તેની તસવીરો

બોલિવૂડ હોય કે પછી ટીવી શો દરેક જગ્યાએ બાળ કલાકારોનું પોતાનું એક મહત્વ હોય છે. આ બાળ કલાકારોને દર્શકોનો ખૂબ પ્રેમ મળે છે. આ બાળકોની સુંદરતા પર લોકો ફિદા થઈ જાય છે. આવો જ થોડા વર્ષો પહેલા ટીવી પર એક શો યે હૈ મોહબ્બતેં આવતો હતો. આ શોના દરેક પાત્રને ખૂબ પસંદ કરવામાં આવ્યું હતું. જોકે આ શો બંધ થયો તેને ઘણો સમય થઈ ચુક્યો છે.

શો માં દિવ્યાંકા ત્રિપાઠી, કરણ પટેલ, અનિતા હસનંદાની જેવા કલાકારોએ મુખ્ય ભૂમિકા નિભાવી હતી. આ બધાની સાથે એક નાની છોકરી રૂહી પણ જોવા મળી હતી. રૂહીએ પોતાની એક્ટિંગથી ખૂબ ઉંડી છાપ છોડી હતી.

રુહીનો નિર્દોષ ચહેરો કોણ ભૂલી શકે છે? રૂહીની ભૂમિકા નિભાવનાર અભિનેત્રીનું સાચું નામ રૂહાનિકા ધવન છે. રિયલ લાઈફમાં પણ તેને બધા લોકો રૂહીના નામથી બોલાવે છે. રૂહી આ શોમાં દિવ્યાંકાના પાત્ર ઈશિતાને ઈશિમા કહીને બોલાવતી હતી. શોમાં જોવા મળતી રૂહાનિકા ધવન હવે ખૂબ મોટી થઈ ચુકી છે. ‘યે હૈ મોહબ્બતેં’ થી પ્રખ્યાત થયેલી રૂહાનિકા ધવન હવે 14 વર્ષની થઈ ચુકી છે.

રૂહાનિકાએ તાજેતરમાં જ 25 સપ્ટેમ્બરે પોતાનો જન્મદિવસ સેલિબ્રેટ કર્યો. રૂહી સોશિયલ મીડિયા પર ખૂબ જ એક્ટિવ રહે છે. આ સાથે તે પોતાની તસવીરો પોતાના ચાહકો સાથે શેર કરતી રહે છે.

સોશિયલ મીડિયા પર તેની તસવીરો જોઈને લોકો તેના વખાણ કર્યા વગર રહી શકતા નથી. તેની તસવીરો પર ચાહકો ખૂબ પ્રેમ લૂંટાવી રહ્યા છે. પોતાના બર્થડે પર અભિનેત્રીએ સ્કાય બ્લુ શોર્ટ ડ્રેસ પહેર્યો હતો અને આ સાથે તેણે સફેદ શૂઝ પણ પહેર્યા હતા. પોતાના આ લૂકમાં રૂહી ખૂબ જ ક્યૂટ લાગી રહી હતી.

આ તસવીરોમાં સ્પષ્ટ જોઈ શકાય છે કે અભિનેત્રી પરિવાર સાથે પોતાનો જન્મદિવસ સેલિબ્રેટ કરી રહી છે. પરિવાર સાથે રૂહી ખૂબ જ ખુશ લાગી રહી છે અને મસ્તી કરતા જોવા મળી રહી છે. તેના ચાહકો આ તસવીરોને પસંદ કરવાની સાથે ખૂબ પ્રેમ પણ આપી રહ્યા છે.

નોંધપાત્ર છે કે રૂહાનિકાએ વર્ષ 2012 માં શો ‘મિસિસ કૌશિક કી પાંચ બહુએ’ થી એક્ટિંગની શરૂઆત કરી હતી. શો ‘યે હૈ મોહબ્બતેં’ થી રૂહાનિકાને દેશના ઘર-ઘરમાં એક અલગ ઓળખ મળી હતી. આ શોમાં અભિનેત્રીએ રૂહી અને પીહુની ભૂમિકા નિભાવી હતી, જેને ખૂબ પસંદ કરવામાં આવી હતી. અભિનેત્રીએ આ ઉપરાંત ફિલ્મ ‘જય હો’ માં પણ કેમિયો કર્યો હતો. આ ઉપરાંત રૂહીએ ‘કોમેડી વિથ કપિલ’ અને ‘કોમેડી નાઇટ્સ બચાઓ 2’માં ગેસ્ટ એપિરિયન્સ આપ્યું હતું.

જણાવી દઈએ કે રૂહાનિકા ધવને માત્ર પાંચ વર્ષની ઉંમરમાં જ એક્ટિંગની દુનિયામાં પગ મૂક્યો હતો. રૂહીએ બાળ કલાકાર તરીકે માત્ર ટીવી સિરિયલમાં જ કામ નથી કર્યું, પરંતુ સલમાન ખાન અને સની દેઓલની ફિલ્મોમાં પોતાની એક્ટિંગની છપ છોડી છે. યે હૈ મોહબ્બતેં માટે 2014 માં, તેમણે સૌથી પ્રખ્યાત બાળ કલાકાર માટે ઇન્ડિયન ટેલી એવોર્ડ જીત્યો હતો. તેની ઇન્સ્ટાગ્રામની તસવીરો જોઈને અંદાજ લગાવી શકાય છે કે તેને એડવેંચર ખૂબ જ પસંદ છે. તે ઇન્સ્ટાગ્રામ પર પોતાની એકથી એક ચઢિયાતી સુંદર તસવીરો શેર કરતી રહે છે.