ભાઈ-બહેનનો સાથ દરેક વ્યક્તિને પ્રેમાળ લાગે છે. જ્યારે પરિવારના બધા ભાઈ-બહેનો ભેગા થાય છે, ત્યારે ખૂબ હસી-મજાક કરે છે. બોલિવૂડમાં પણ એવા ઘણા ભાઈ-બહેનો છે જેમની વચ્ચે એકબીજા માટે ખૂબ પ્રેમ છે. આજે અમે તમને બોલિવૂડ અભિનેતા રિતિક રોશનના ભાઈ-બહેનનો પરિચય કરાવવા જઈ રહ્યા છીએ. તેમના વિશે ખૂબ ઓછા લોકો જાણે છે.
સૌથી પહેલા વાત કરીએ રિતિક રોશનની. તેઓ ફિલ્મ અભિનેતા અને દિગ્દર્શક રાકેશ રોશનના પુત્ર છે. તેની માતાનું નામ પિંકી રોશન છે. રાકેશ અને પિંકીને બે બાળકો છે. તેમના નાના પુત્ર રિતિક રોશનને તો તમે બધા સારી રીતે જાણો છો. હાલમાં તે બોલિવૂડના જાણીતા અભિનેતા છે.
રિતિકનો જન્મ 10 જાન્યુઆરી, 1974ના રોજ મુંબઈમાં થયો હતો. તે હવે 49 વર્ષના છે. તેની ગણતરી બોલીવુડના ટોપ અભિનેતાઓમાં થાય છે. તેમણે વર્ષ 2000માં સુઝેન ખાન સાથે લગ્ન કર્યા હતા. 2014માં બંનેએ છૂટાછેડા લીધા હતા. આ લગ્નથી તેમને બે બાળકો રીદાન અને રિયાન છે. રિતિક આ દિવસોમાં અભિનેત્રી સબા આઝાદને ડેટ કરી રહ્યો છે.
સુનૈના રોશન: રિતિકને એક મોટી બહેન પણ છે. તેનું નામ સુનૈના રોશન છે. તે રિતિક કરતા બે વર્ષ મોટી છે. તે 51 વર્ષની છે. તેનો જન્મ વર્ષ 1972માં થયો હતો. તે ફિલ્મ પ્રોડ્યુસર રહી ચૂકી છે. તેણે રિતિકની ફિલ્મ ‘ક્રેઝી 4’ પ્રોડ્યુસ કરી હતી.
સુનૈના પરણીત છે. તેના પહેલા લગ્ન આશિષ સોની સાથે થયા હતા. પરંતુ વર્ષ 2000માં તેમના છૂટાછેડા થઈ ગયા. તેના બીજા લગ્ન મોહન નગર સાથે થયા. સુનૈનાને પહેલા લગ્નથી પુત્રી સુર્નિકા સોની છે.
ઈશાન રોશન: ઈશાન રિતિક રોશનના કઝીન ભાઈ છે. તે રાકેશ રોશનના ભાઈ પ્રખ્યાત સંગીતકાર રાજેશ રોશનનો પુત્ર છે. ઈશાનની માતાનું નામ કંચન રોશન છે. ઈશાન પણ ફિલ્મ ઈન્ડસ્ટ્રીમાં કામ કરે છે. જો કે, તે એક અભિનેતા તરીકે સ્ક્રીનની સામે રહેવાને બદલે ફિલ્મ ક્રૂ તરીકે પાછળ રહેવાનું પસંદ કરે છે.
ઈશાન કાબિલ, સુપર 30 અને ક્રિશ 3 જેવી ફિલ્મોમાં આસિસ્ટન્ટ ડિરેક્ટર રહી ચૂક્યો છે. ભવિષ્યમાં કદાચ તે તેના મુખ્ય નિર્દેશક તરીકે ફિલ્મ બનાવશે. ઈશાનનો અભિનેત્રી રિદ્ધિમા પંડિત સાથે પ્રેમ સંબંધ પણ રહ્યો છે.
પશ્મિના રોશન: પશ્મિના રોશન રિતિકની કઝીન બહેન છે. એટલે કે તે ઈશાન રોશનની સગીબહેન અને રાજેશ રોશનની પુત્રી છે. રોશન પરિવારના તમામ ભાઈ-બહેનોમાં પશ્મિના સૌથી નાની છે. તે અત્યારે માત્ર 27 વર્ષની છે. તે થિયેટર આર્ટિસ્ટ, એક્ટર અને મોડલ છે.
પશ્મિનાએ બેરી જોનની એક્ટિંગ સ્કૂલમાંથી એક્ટિંગ શીખી છે. તે લુકમાં ખૂબ જ સુંદર છે. સોશિયલ મીડિયા પર ખૂબ જ એક્ટિવ રહે છે. તે ટૂંક સમયમાં જ ‘ઇશ્ક વિશ્ક રિબાઉન્ડ’ ફિલ્મથી ડેબ્યૂ કરશે. તેનું નામ કાર્તિક આર્યન સાથે પણ જોડાઈ ચુક્યું છે.
