શાસ્ત્રો અનુસાર એકાદશીને ‘હરિ દિન’ અને ‘હરિ વાસર’ ના નામથી પણ ઓળખવામાં આવે છે. ફાગણ મહિનાના શુક્લ પક્ષની એકાદશીને આમલકી એકાદશી અથવા રંગભરી એકાદશી તરીકે ઓળખવામાં આવે છે. જે આ વર્ષે 14 માર્ચ સોમવારના રોજ ઉજવવામાં આવશે. એકાદશીના દિવસે આંબળાના ઝાડ નીચે બેસીને ભગવાન વિષ્ણુની પૂજા કરવાથી ઈચ્છિત ફળ મળે છે. મહા પુણ્યદાયિની આ એકાદશી પર તમે કેટલાક ધાર્મિક ઉપાયો કરીને ભગવાન વિષ્ણુને પ્રસન્ન કરી શકો છો. આમ કરવાથી લક્ષ્મી પતિ શ્રીહરિ વિષ્ણુ તમારી દરેક ઈચ્છા પૂર્ણ કરશે.
ધન લાભ માટે: આ દિવસે ભગવાન વિષ્ણુ અને આંબળાના વૃક્ષની વિશેષ રીતે પૂજા કરવામાં આવે છે. માન્યતા મુજબ આમલકી એકાદશીના દિવસે ઘરમાં આંબળાનું ઝાડ લગાવવું ખૂબ જ શુભ માનવામાં આવે છે. આમ કરવાથી ક્ષેત્રમાં બરકત થાય છે, જેનાથી ધન-સંપત્તિ મેળવવાની નવી તક મળે છે. ભગવાન વિષ્ણુની પૂજા કર્યા પછી, શ્રી હરિને એકાક્ષી નારિયેળ અર્પણ કરો અને પૂજા કર્યા પછી, આ નારિયેળને પીળા કપડામાં બાંધીને તમારી તિજોરીમાં રાખો, પૈસાની કોઈ કમી નહીં આવે.
કાર્યક્ષેત્રમાં સફળતા માટે: વારંવાર પ્રયત્ન કરવા છતાં પણ તમારાથી કોઈ કામ થઈ રહ્યું નથી, તો આ દિવસે આંબળાના ઝાડને સ્પર્શ કરીને તેની પૂજા કરો અને તેની માટી માથા પર લગાવો અને ભગવાન વિષ્ણુને તમારું કાર્ય પૂર્ણ કરવા માટે પ્રાર્થના કરો, તેનાથી કાર્યમાં સફળતા મળશે.
સુખી લગ્નજીવન માટે: જો પતિ-પત્ની વચ્ચે ખૂબ જ લડાઈ થતી રહે છે અથવા કોઈ પ્રકારનો મતભેદ રહે છે તો આ સમસ્યાને દૂર કરવા માટે તમે આ દિવસે માતા લક્ષ્મી અને ભગવાન વિષ્ણુનું ધ્યાન કરતા આંબળાના ઝાડના થડ પર મોલી અથવા સૂતરનો દોરો વીંટો અને ત્યાર પછી ઘીનો દીવો પ્રગટાવો અને સુખી લગ્નજીવન માટે ભગવાનને પ્રાર્થના કરો.
દેવાથી છુટકારો મેળવવા માટે: આ દિવસે ગીતાના પાઠ, વિષ્ણુ સહસ્ત્રનામના પાઠ અને ‘ૐ નમો ભગવતે વાસુદેવાય’ના જાપ કરવાથી જીવ પાપમુક્ત અને ઋણમુક્ત બનીને વિષ્ણુજીના આશીર્વાદ મેળવે છે.
દુઃખ દૂર કરવા માટે: એકાદશી વિષ્ણુપ્રિયા છે. એકાદશી વિષ્ણુપ્રિયા છે. આ દિવસે નાના પ્રકારે પુષ્પો, મોસમી ફળો, શ્રેષ્ઠ નૈવેદ્ય, ધૂપ અને આરતી વગેરે દ્વારા પ્રસન્નતા પૂર્વક શ્રી જનાર્દનની પૂજા કરવાથી તમામ સાંસારિક મુશ્કેલીઓથી છુટકારો મળે છે. આ દિવસે આંબળા, તલમાંથી બનેલી મીઠાઈઓ અને ફળ વગેરેનું દાન કરવું ખૂબ જ ફાયદાકારક માનવામાં આવે છે.
