ટીવીનો સૌથી વધુ ટીઆરપી મેળવનાર સિંગિંગ રિયાલિટી શો ‘ઇન્ડિયન આઇડોલ 12’ ને પોતાનો વિજેતા મળી ચુક્યો છે. પોતાના સુંદર સિંગિંગથી બધા જજને ઈમ્પ્રેસ કરનાર પવનદીપ રાજને આ ટ્રોફી પોતાના નામે કરી છે. બીજી તરફ અરુણિતા કાંજીલાલે બીજું અને સાયલી કાંબલેએ ત્રીજું સ્થન મેળવ્યું છે. પવનદીપને ટ્રોફીની સાથે 25 લાખ રૂપિયાનું ઈનામ પણ મળ્યું છે. જ્યારે અરુણિતાને બપ્પી લહેરી સાથે ગાવાનો કોન્ટ્રાક્ટ મળ્યો, તો તેને હિમેશ રેશમિયાએ પણ તેની સાથે ગાવાની તક આપી છે. આ ઉપરાંત અરુણિતાને ધર્મા પ્રોડક્શન સાથે કામ કરવાની પણ તક મળી ચુકી છે. વિજેતા બન્યા પછી અરુણિતા અને પવનદીપે મીડિયા સાથે વાતચીત કરી હતી.
આ દરમિયાન અરુણિતાએ પવનદીપ વિશે કહ્યું કે, “અમે ખૂબ સારા મિત્રો છીએ અને અમે આગળ પણ સાથે રહીશું. આવી સ્થિતિમાં લોકોએ અમને ખૂબ પ્રેમ આપ્યો અને અમે બંને ખૂબ આગળ વધી ગયા. અમે હંમેશા એકબીજાને સપોર્ટ કરતા રહીશું.” અરુણિતાએ કહ્યું કે, “હું ભારતમાં એક મ્યુઝિક સ્કૂલ ખોલવા ઈચ્છું છું, આવી સ્થિતિમાં ઇન્ડિયન આઇડલે મને મદદ કરી છે.”
અરુણિતાએ બધા લોકોનો આભાર માન્યો અને કહ્યું કે, “હું તમારા બધાના પ્રેમ માટે આભારી છું. તમે ભવિષ્યમાં પણ મને આ રીતે પ્રેમ કરો અને પ્રોત્સાહિત કરો. તમારો ખૂબ ખૂબ આભાર.” શો દરમિયાન અરુણિતાના ડ્રેસની પણ ખૂબ ચર્ચા થઈ હતી.
આવી સ્થિતિમાં અરુણિતાએ કહ્યું, “હું કોસ્ચ્યુમ ડિઝાઇનરની આભારી છું, જેમણે મને આ રીતે દેખાડવા માટે ખૂબ મહેનત કરી. તે બેસીને વિચારે છે અને મારી પર્સનાલિટી મુજબ કપડાં ડિઝાઇન કરે છે. અમારા બધાના કપડા ડિઝાઈન કરવામાં ખૂબ સમય અને મહેનત લાગી છે. આ તેમની જ મહેનતનું પરિણામ છે કે લોકોને મારો ડ્રેસ પસંદ આવે છે.”
શોના વિજેતા, પવનદીપે અરુણિતા સાથેના તેના સંબંધો વિશે કહ્યું, ‘હું અને અરુણિતા કાંજીલાલ સારા મિત્રો છીએ. અમે એકબીજાને ખૂબ સારી રીતે જાણવા લાગ્યા છીએ. અમે જાણીએ છીએ કે કોને ક્યારે શું જોઈએ. એ પણ ખબર પડી જાય છે કે ક્યારે કોણ કોને મિસ કરે છે. બસ આંખો આંખોમાં જ એકબીજાના દિલની વાત ખબર પડી જાય છે.
અમે એકબીજાના પરફોર્મન્સ દરમિયાન પણ એકબીજાને ઉત્સાહિત કરીએ છીએ અને એકબીજાને પોતાના ગીત સંભળાવીએ છીએ. અમારી વચ્ચે એક મ્યૂઝિકલ રિલેશન છે. અમને એકબીજા સાથે રિયાઝ કરવાનું, ગીતો અને સંગીત વિશે વાત કરવાનું પસંદ છે.
આ ઉપરાંત પવનદીપે અરુણિતા વિશે કહ્યું કે, “ફિનાલે જીત્યા પછી અમને બંનેને એકબીજા સાથે વાત કરવાની તક મળી ન હતી પરંતુ અરુણિતાએ મને જીત માટે અભિનંદન જરૂર આપ્યા અને તે મારી જીતથી ખૂબ જ ખુશ છે.” જણાવી દઈએ કે શોની શરૂઆતથી જ અરુણિતા અને પવનદીપ વચ્ચે રોમેન્ટિક રિલેશનની અફવાઓ ચાલી રહી હતી, જોકે બંનેએ આ સંબંધને હંમેશા મિત્રતાનું નામ આપ્યું છે.
