દક્ષિણ ભારતીય સિનેમાના સુપરસ્ટાર રામચરણ 37 વર્ષના થઈ ગયા છે. 27 માર્ચ 1985ના રોજ રામનો જન્મ તમિલનાડુની રાજધાની ચેન્નઈમાં થયો હતો. રામ ચરણ દક્ષિણ ભારતીય ફિલ્મોના સુપરસ્ટાર ચિરંજીવીના પુત્ર છે. સાથે જ સુપરસ્ટાર પવન કલ્યાણ તેના કાકા છે. જ્યારે સુપરસ્ટાર અલ્લુ અર્જુન રામના કઝિન છે.
રામ ચરણ એક મોટા ફિલ્મી પરિવાર સાથે સંબંધ ધરાવે છે. તેમના પરિવારના ઘણા સભ્યો ફિલ્મી દુનિયા સાથે જોડાયેલા છે. ઘર-પરિવારમાં શરૂઆતથી જ ફિલ્મી વાતાવરણ હોવાને કારણે રામે પણ ફિલ્મી દુનિયામાં કારકિર્દી બનાવવાનું મન બનાવી લીધું હતું. વર્ષ 2007માં તેમણે ફિલ્મી દુનિયામાં પગ મૂક્યો હતો.
રામની પહેલી ફિલ્મ હતી ‘ચિરુથા’. આ ફિલ્મ વર્ષ 2007માં રીલિઝ થઈ હતી અને તેમની પહેલી ફિલ્મ હિટ રહી હતી અને તે દર્શકોને ખૂબ પસંદ આવી હતી. ફિલ્મની સફળતા પછી તેમને ફિલ્મફેરના બેસ્ટ સાઉથ ડેબ્યુ અભિનેતાના એવોર્ડથી સમ્માનિત કરવામાં આવ્યા હતા. આટલું જ નહીં રામને સ્પેશિયલ જ્યુરી એ નંદી સ્પેશિયલ એવોર્ડ પણ આપ્યો હતો.
વર્ષ 2007 પછી રામ બીજી ફિલ્મ વર્ષ 2009માં લઈને આવ્યા. તેમની બીજી ફિલ્મનું નામ હતું ‘મગધીરા’. આ ફિલ્મ એ બોક્સ ઓફિસ પર નવા રેકોર્ડ બનાવ્યા હતા. જણાવી દઈએ કે આ ફિલ્મ એ 150 કરોડ રૂપિયાની મોટી કમાણી કરી હતી અને આ ફિલ્મ આટલી કમાણી કરનાર દક્ષિણ ભારતીય સિનેમાની તે સમયે પહેલી ફિલ્મ બની હતી.
ધીમે ધીમે રામ ચરણની ફિલ્મી કારકિર્દી આગળ વધતી ગઈ અને તે એક પછી એક હિટ ફિલ્મો આપવા લાગ્યા. ટૂંક સમયમાં જ તેમનું નામ દક્ષિણ ભારતીય સિનેમાના શ્રેષ્ઠ કલાકારોમાં શામેલ થઈ ગયું. દક્ષિણ ભારતની સાથે જ તેમની લોકપ્રિયતા સમગ્ર દેશમાં છે અને વિદેશમાં પણ તેને પસંદ કરવામાં આવે છે.
બોલિવૂડમાં નિષ્ફળ રહ્યા રામ ચરણ: દક્ષિણ ભારતીય સિનેમામાં ભલે રામ ચરણ એક મોટું નામ છે, જોકે તે હિન્દી સિનેમામાં નિષ્ફળ રહ્યા છે. તેમણે બોલિવૂડની માત્ર એક જ ફિલ્મમાં કામ કર્યું છે જે ફ્લોપ રહી હતી. ફિલ્મનું નામ ‘ઝંજીર’ હતું જે દિગ્ગઝ અભિનેતા અમિતાભ બચ્ચનની સુપરહિટ ફિલ્મ ‘જંજીર’ની રિમેક હતી. તેમાં તેમણે પ્રિયંકા ચોપરા સાથે કામ કર્યું હતું.
રામ ચરણનું અંગત જીવન: રામ ચરણના અંગત જીવનની વાત કરીએ તો તેમની પત્નીનું નામ ઉપાસના કામિનેની છે. કહેવાય છે કે બંને કોલેજમાં સાથે ભણતા હતા અને અહીંથી જ બંને મિત્રો બની ગયા હતા. ધીરે ધીરે બંનેની મિત્રતા વધતી ગઈ અને સંબંધ પ્રેમમાં બદલાવા લાગ્યો. જણાવી દઈએ કે આ દરમિયાન અવારનવાર બંને લડાઈ પણ કરતા હતા.
એક વખત કોઈ કારણસર રામને બહાર જવાનું થયું હતું, આ દરમિયાન રામ ચરણ અને ઉપાસના કામિનીને એકબીજા પ્રત્યેના પ્રેમનો અહેસાસ થયો હતો. પછી બંનેએ ડેટિંગ શરૂ કર્યું અને પોતાના પ્રેમને નવું નામ આપ્યું. જણાવી દઈએ કે ઉપાસના અપોલો હોસ્પિટલના એક્ઝિક્યુટિવ ચેરમેન પ્રતાપ સી. રેડ્ડીની પૌત્રી છે. રામ અને ઉપાસના બંનેએ 14 જૂન, 2012ના રોજ ધૂમધામથી લગ્ન કર્યા હતા. રામ અને ઉપાસના એકબીજાની ખૂબ જ નજીક છે અને બંને એકબીજાને ખૂબ પ્રેમ કરે છે.
રામના વર્ક ફ્રન્ટ વિશે વાત કરીએ તો, હાલમાં તેમની ફિલ્મ ‘RRR’ દુનિયાભરમાં ધૂમ મચાવી રહી છે. 550 કરોડ રૂપિયાના બજેટમાં બનેલી આ ફિલ્મ પહેલા જ દિવસે દુનિયાભરમાં 223 કરોડ રૂપિયાની કમાણી કરીને ભારતની પહેલા દિવસે સૌથી વધુ કમાણી કરનારી ફિલ્મ બની ચુકી છે.
એસએસ રાજામૌલીના નિર્દેશનમાં બનેલી આ ફિલ્મમાં રામ ચરણ સાથે મુખ્ય ભૂમિકામાં જુનિયર એનટીઆર પણ જોવા મળી રહ્યા છે. પહેલા દિવસે દુનિયાભરમાં 223 કરોડની કમાણી કરનાર ‘RRR’એ બીજા દિવસે દુનિયાભરમાં 150 કરોડની કમાણી કરી છે. આ રીતે ફિલ્મ એ માત્ર બે દિવસમાં 273 કરોડ રૂપિયાની કમાણી કરી લીધી છે.
