ઘરમાં આ દિશામાં ફુલ-છોડ લગાવવા પડી શકે છે ભારે, થઈ શકે છે આર્થિક નુક્સાન, ઘરના સભ્યોનું બગડે છે સ્વાસ્થ્ય

ધાર્મિક

આજના વધતા પ્રદુષણને જોઈને ઘરની આસપાસ જેટલી વધુ હરિયાળી હોય તેટલું સારું છે. આપણે આપણા ઘરની આસપાસ ફુલ-છોડ લગાવવાથી અચકાવું જોઈએ નહીં. જો કે આ કરતી વખતે તમારે કેટલાક નિયમોનું પાલન કરવું પડશે. આ નિયમોનો સીધો સંબંધ વાસ્તુ શાસ્ત્ર સાથે છે. વાસ્તુશાસ્ત્ર મુજબ જ્યારે ઘરની આજુબાજુ કેટલાક ખાસ છોડ લગાવતા સમયે તેની દિશા ખૂબ મહત્વ ધરાવે છે. આ સાથે કેટલાક અન્ય પ્રકારના છોડને ઘરની નજીક લગાવવાથી બચવું જોઈએ. જો તમે ફુલ-છોડના વાસ્તુનું ધ્યાન નથી રાખતા તો તેની ખરાબ અસર તમારા ઘર પરિવાર પર પડે છે. આવી સ્થિતિમાં આજે અમે તમને ફૂલ-છોડ સાથે જોડાયેલા વાસ્તુ નિયમો વિશે જણાવીશું.

પીપળના ઝાડની પૂજાનું મહત્વ ઘણા હિંદુ ગ્રંથોમાં જોવા મળે છે. વાસ્તુ શાસ્ત્ર મુજબ પીપળાનું ઝાડ ઘરની પૂર્વ દિશામાં ન હોવું જોઈએ. જો પીપળો ઘરની પૂર્વ દિશામાં હોય, તો તે અશુભ માનવામાં આવે છે. આવી સ્થિતિમાં પૈસાની અછત થવા લાગે છે.

લીંબુ અથવા ગુલમોહરનું ઝાડ ઘરની ઉત્તર દિશામાં ન હોવું જોઈએ. તેનાથી પરિવારના કોઈ સભ્યને આંખની બીમારી થઈ શકે છે. ઘરની આસપાસ દ્રવ્ય અથવા દૂધ કાઢતા ફૂલ-છોડ ન લગાવવા જોઈએ. તેનાથી નેગેટિવ ઉર્જા ઉત્પન્ન થાય છે. તે ઘરમાં લડાઈ-ઝઘડાનું કારણ બને છે. આટલું જ નહિં આ કારણે ઘરના સભ્યો વધારે બીમાર પડે છે.

જે વૃક્ષ ફળ નથી આપતા તે વૃક્ષ પણ ઘરની આસપાસ ન હોવા જોઈએ. તેનાથી સંતાન મેળવવામાં મુશ્કેલી થાય છે. આ સાથે ઘરના ખર્ચમાં વધારો થવા લાગે છે. ઘરના સભ્યો પર દેવું પણ થઈ શકે છે. તે પૈસાનું નુક્સાન પણ કરાવી શકે છે. આ સાથે જ ઘરના સભ્યો બિમાર પણ થઈ શકે છે.

કાંટાવાળા ફૂલ-છોડ પણ ઘરની નજીક ન હોવા જોઈએ. તેનાથી ઘરમાં નકારાત્મક ઉર્જા આવે છે. આ બનતા કામ બગાડી શકે છે. તેનાથી તમારા ઘણા કામ અટકી શકે છે. તેથી તેમને ઘરથી દૂર રાખવામાં જ ભલાઈ છે.

જો તમે કોઈ ઘર ખરીદી રહ્યા છો અને જો ત્યાં પહેલાથી જ કાંટાવાળા ફૂલ-છોડ છે તો તેને દૂર કરો. જો કે આ કરતા પહેલા, તમારે તે છોડની પૂજા કરવી જોઈએ. આ પછી તમારે એક સંકલ્પ કરવો જોઈએ કે અહીં તમે એક નવો છોડ વાવશો. આ પ્રક્રિયા કર્યા પછી જ તમારે છોડ કાપવો જોઈએ. જ્યારે તમે કોઈ વૃક્ષ કાપો છો ત્યારે તેના એક અઠવાડીયાની અંદર જ બીજું વૃક્ષ વાવવું.