‘ઈન્ડિયન આઈડલ 12’ ફેમ પવનદીપ રાજન અને અરુણિતા કાંજીલાલ વચ્ચેની કેમેસ્ટ્રી લોકો ખૂબ પસંદ કરે છે. ચાહકો આ બંનેની જોડીને લગ્નના બંધનમાં બંધાતા જોવા ઈચ્છે છે. પરંતુ પવનદીપ અને અરુણિતાએ હજુ સુધી પોતાના સંબંધો પર કોઈપણ પ્રકારની મોહર લગાવી નથી. જો કે, બંનેના અંગત વીડિયો અને તસવીરો ચાહકોની ધડકન વધારતા રહે છે.
લંડનમાં એકબીજાનો હાથ પકડેલા જોવા મળ્યા પવનદીપ-અરુણિતા: આ દિવસોમાં પવનદીપ અને અરુણિતાનો એક વીડિયો ખૂબ વાયરલ થઈ રહ્યો છે. આ વીડિયોમાં બંને લંડનના રસ્તાઓ પર એકબીજાનો હાથ પકડીને ચાલતા જોવા મળી રહ્યા છે. પવનદીપના ફેન ક્લબ દ્વારા આ વીડિયો શેર કરવામાં આવ્યો છે. આ વીડિયો વાયરલ થયા પછી ચાહકો અનુમાન લગાવી રહ્યા છે કે બંને વચ્ચે જરૂર કંઈક ચાલી રહ્યું છે.
જો કે આ વિડિયો એક BTS એટલે કે બિહાઈન્ડ ધ સીનનો છે. ખરેખર પવનદીપ અને અરુણિતાએ તાજેતરમાં જ લંડનમાં એક મ્યુઝિક વીડિયો ‘યાદ’ માટે શૂટિંગ કર્યું છે. આ વીડિયો આ દરમિયાન કેપ્ચર કરવામાં આવ્યો છે. જોકે ચાહકોને આ વીડિયો ખૂબ જ પસંદ આવી રહ્યો છે. તે પવનદીપ અને અરુણિતાની જોડીને ‘રબ ને બના દી જોડી’નું ટેગ આપી રહ્યા છે.
View this post on Instagram
જોકે આ પહેલા પણ એવા ઘણા પ્રસંગો આવ્યા જ્યારે ચાહકોને અરુણિતા અને પવનદીપની કેમેસ્ટ્રી પસંદ આવી અને તેમના અફેરના સમાચારને હવા મળી.
પવનદીપની બહેનના લગ્ન: પવનદીપની બહેનના લગ્ન ફેબ્રુઆરી 2022માં થયા હતા. અરુણિતા પણ તેમાં શામેલ થઈ હતી. અરુણિતાએ પવનદીપની બહેનના લગ્નની તમામ વિધિ નિભાવી હતી. આ દરમિયાન તેની પવનદીપને હલ્દી લગાવવાની તસવીર ખૂબ વાયરલ થઈ હતી. સાથે જ બંનેએ લગ્નમાં સાથે પરફોર્મ પણ કર્યું હતું.
ઉત્તરાખંડની ટૂર: પવનદીપની બહેનના લગ્ન પછી અરુણિતા અને પવનદીપ પોતાના કેટલાક મિત્રો સાથે ઉત્તરાખંડમાં રજાઓ પસાર કરવા પણ ગયા હતા. જ્યારે અહીંથી અરુણિતા અને પવનદીપની એકસાથે તસવીરો વાયરલ થઈ ત્યારે ચાહકો ખૂબ જ ખુશ થયા અને તેમને ‘અરુદીપ’ નામ આપ્યું.
મ્યૂઝિક ટૂર: ડિસેમ્બર 2021 માં, અરુણિતા કાંજીલાલ અને પવનદીપ રાજન એક મ્યૂઝિક ટૂર પર હતા. આ દરમિયાન બંને વચ્ચે અનબનના સમાચાર આવવા લાગ્યા હતા. બાબત એ હતી કે અરુણિતાએ વચ્ચે જ પવનદીપ રાજનનો મ્યુઝિક વીડિયો છોડી દીધો હતો. જોકે પછી બંને ફરી સારા મિત્રો બની ગયા હતા.
ચાહકોએ વાયરલ કરી હતી ‘લગ્ન’ની તસવીરો: પવનદીપ અને અરુણિતાની જોડીને લઈને તમે ચાહકોનો ક્રેઝ એ હદ સુધી જોઈ શકો છો કે તેમણે કપલના લગ્નની તસવીરો પણ વાયરલ કરી દીધી હતી. જોકે આ તસવીરો નકલી હતી. તેમના લગ્ન થયા ન હતા. તે એડિટ કરેલી તસવીર હતી.
રિતિક રોશનના ઘરે મુલાકાત: અરુણિતા-પવનદીપે જ્યારે ‘ઈન્ડિયન આઈડલ 12’ શો જીત્યો હતો ત્યારે રિતિક રોશન અને તેના પરિવારે તેને ઘરે બોલાવ્યો હતો. આવી સ્થિતિમાં આ કપલ જ્યારે તેમના ઘરે ગઈ અને તેમની તસવીરો સામે આવી તો ચાહકો ખૂબ ખુશ થયા. તેમને રિતિકના ઘરેથી ઘણી ગિફ્ટ પણ મળી હતી.
