અમિતાભ બચ્ચનની ભાણેજ નવ્યા નવેલી નંદા પણ બોલિવૂડના પ્રખ્યાત સ્ટાર કિડ્સમાંથી એક છે. નવ્યા સોશિયલ મીડિયા પર ખૂબ એક્ટિવ રહે છે અને અવારનવાર પોતાના ફોટોશૂટની તસવીરો શેર કરતી રહે છે. નવ્યાના ફોટોશૂટને જોઈને એવી અટકળો લગાવવામાં આવે છે કે તે પણ ટૂંક સમયમાં બોલિવૂડમાં એન્ટ્રી કરી શકે છે. જો તમે પણ એવું જ વિચારી રહ્યા છો તો તમે ખોટા છો.
તાજેતરમાં નવ્યાએ સ્પષ્ટપણે કહ્યું હતું કે તેને એક્ટિંગમાં રસ નથી. નવ્યા પોતાના પિતાની જેમ બિઝનેસ સંભાળવા ઈચ્છે છે. હા.. કલાકારના પરિવાર સાથે સંબંધ ધરાવતી નવ્યા એ પોતાના પિતા નિખિલ નંદાના બિઝનેસમાં રસ દાખવ્યો છે અને એક બિઝનેસવુમન બની ગઈ. હવે નવ્યાએ પોતાની કરકિર્દી વિશે કેટલાક ખુલાસા કર્યા છે.
તાજેતરમાં જ નવ્યા નવેલીએ ઈન્ટરવ્યુ દરમિયાન જણાવ્યું કે- ‘હું નંદા પરિવારની ચોથી પેઢી છું જે બિઝનેસ સંભાળશે. હું આ વારસાને આગળ લઈ જવા અને મારા પિતાને સપોર્ટ કરવા ઈચ્છતી હતી. એક મહિલા થઈને તેને આગળ લઈ જવું મારા માટે ગર્વની વાત છે. મને નથી લાગતું કે હું અભિનય કરી શકી હોત.’
તેણે એ પણ કહ્યું હતું કે, ‘તેનો અભિનેત્રી બનવાનો કોઈ ઈરાદો ન હતો. નવ્યાએ કહ્યું કે, મને ડાન્સિંગ વગેરે પસંદ હતું પરંતુ હું તેને લઈને પણ એટલી ગંભીર ન હતી કે હું તેને કારકિર્દી તરીકે અપનાવું. મને હંમેશાથી બિઝનેસમાં રસ રહ્યો છે. મારી દાદી અને આન્ટી બંને વર્કિંગ વુમન છે. તે પણ ઘણી હદ સુધી ફેમિલી બિઝનેસ્માં જ એક્ટિવ છે.’
જણાવી દઈએ કે એક વખત શ્વેતા બચ્ચને પણ જણાવ્યું હતું કે, વચ્ચે થોડા સમય માટે નવ્યાને એક્ટિંગનો ચસ્કો લાગ્યો હતો પરંતુ થોડા સમય પછી તેનું મન બદલાઈ ગયું. શ્વેતાએ કહ્યું હતું કે, ‘નવ્યા એ કદાચ ખૂબ ઓછા સમય માટે વિચાર્યું હતું કે એક્ટિંગ પણ તેના માટે કારકિર્દી હોઈ શકે છે. મને બંને બાળકોની ચિંતા છે. અમને ઘણા પ્રિવિલેઝ મળ્યા છે અને અમારા પર હંમેશા દરેકની નજર રહે છે. મારા પિતા 80 વર્ષની ઉંમરમાં ખૂબ જ મહેનત કરે છે જેથી કરીને અમે સારું જીવન જીવી શકીએ. સવારે 5 વાગ્યે ઉઠવું અને દરરોજ એક જ વસ્તુ કરવી સરળ નથી.
જણાવી દઈએ કે અમિતાભ બચ્ચનની પુત્રી અને નવ્યાની માતા શ્વેતા પણ અભિનેત્રી નથી. શ્વેતાના લગ્ન એસ્કોર્ટસ કંપનીના માલિક નિખિલ નંદા સાથે થયા છે. શ્વેતા અને નિખિલને બે બાળકો છે નવ્યા અને અગસ્ત્ય. જો કે, શ્વેતાના પુત્ર અગસ્ત્યની જરૂર ટૂંક સમયમાં બોલિવૂડ ડેબ્યૂની ચર્ચા થઈ રહી છે.
નોંધપાત્ર છે કે નવ્યા નવેલી નંદાએ વર્ષ 2020માં ન્યૂયોર્કની ફોરડેમ યુનિવર્સિટીમાંથી ગ્રેજ્યુએશન પૂર્ણ કર્યું હતું. નવ્યા ગ્રેજ્યુએટ થવા પર અમિતાભ બચ્ચને લખ્યું- ‘ભાણેજ નવ્યાનો ગ્રેજ્યુએશન ડે. હવે તે ન્યુયોર્કની કોલેજમાંથી ગ્રેજ્યુએટ થઈ ગઈ છે.
