ફિક્સ થઈ ગઈ વરુણ ધવન અને નતાશાના લગ્નની તારીખ, આ દિવસે લેશે 7 ફેરા

બોલિવૂડ અભિનેતા વરૂણ ધવન અને તેની લોન્ગ ટાઈમ ગર્લફ્રેન્ડ નતાશા દલાલના લગ્નને લઈને આ દિવસોમાં ઘણા સમાચારો વાયરલ થઈ રહ્યા છે. ખરેખર છેલ્લા કેટલાક દિવસોથી આ સમાચાર આગની જેમ ફેલાઈ રહ્યા હતા કે વરૂણ અને નતાશા ટૂંક સમયમાં લગ્નના બંધનમાં બંધાવા જઈ રહ્યા છે. આવી સ્થિતિમાં હવે તેમના લગ્નની તારીખો પણ સામે આવવા લાગી છે. સૌથી પ્રખ્યાત અભિનેતાઓના લિસ્ટમાં ટોપ પર શામેલ વરુણ ધવનના લગ્નની આતુરતાથી રાહ જોઈ રહ્યા હતા. તેથી કેટલાક મીડિયા અહેવાલો અનુસાર વરૂણ અને તેની ગર્લફ્રેંડ નતાશા દલાલ 24 જાન્યુઆરીએ સાત ફેરા લઈ શકે છે. જોકે આ તારીખની ઓફિશિયલ ઘોષણા કરવામાં આવી નથી. જો કે હવે જોવાનું એ રહેશે કે વરુણ અને નતાશાના લગ્ન ક્યારે થશે.

22 થી 25 જાન્યુઆરી સુધી ચાલશે લગ્નનો કાર્યક્રમ: કેટલીક નામાંકિત વેબસાઇટ્સ અનુસાર વરુણ અને નતાશાના લગ્નની વિધિઓ 22 થી શરૂ થશે અને 25 સુધી ચાલશે. એવું માનવામાં આવે છે કે બંનેના લગ્ન ખૂબ ધામધૂમ સાથે થશે. સાથે જ સમાચાર એવા પણ છે કે અલીબાગમાં થનારા આ લગ્નમાં માત્ર પરિવારના સભ્યો અને નજીકના સંબંધીઓ જ શામેલ થશે. આ લગ્નમાં માત્ર 200 ગેસ્ટ આવશે, જેમના માટે હોટલ પણ બુક કરવામાં આવી છે.

જણાવી દઈએ કે વરૂણ ધવન અને નતાશા દલાલ બંને પંજાબી છે. આવી સ્થિતિમાં, આ લગ્ન સંપૂર્ણપણે પંજાબી રિવાજોમાં થશે. મીડિયા રિપોર્ટ્સ અનુસાર વરુણ અને નતાશાના કેટલાક નજીકના સંબંધીઓને ઇ-આમંત્રણ મળી ચુક્યું છે અને તેઓ ખુશ છે કે આખરે તેઓ લગ્ન કરી રહ્યા છે. જણાવી દઈએ કે આ દિવસોમાં ઘણા બોલિવૂડ સેલેબ્સ અલીબાગ તરફ જતા જોવા મળી રહ્યા છે. તે જ સમયે આગામી દિવસોમાં કેટલાક સેલેબ્સ અલીબાગ જવાનો પ્લાન બનાવી રહ્યા છે. આવી સ્થિતિમાં વરૂણ ધવન અને નતાશા દલાલના લગ્ને લઈને અનેક પ્રકારની અટકળો લગાવવામાં આવી રહી છે.

ડેવિડ ધવનના પુત્ર વરૂણ ધવન ખૂબ ધૂમધામથી લગ્ન થવા જઈ રહ્યા છે. જણાવી દઈએ કે જો વરુણ અને નતાશાના લગ્ન થશે તો તે 2021 માં બોલીવુડ ઈંડસ્ટ્રીના પહેલા લગ્ન હશે. આવી સ્થિતિમાં હવે ચાહકો વરુણ અને નતાશાના લગ્નની આતુરતાથી રાહ જોઇ રહ્યા છે અને વરુણને દુલ્હો બનતા જોવા માટે ચાહકો ઘણા આતુર છે.

જણાવી દઈએ કે વર્ષ 2018 માં જ વરૂણે નતાશા સાથેના તેના રિલેશનશિપને કંફોર્મ કર્યું હતું અને લગ્નની પણ ઘોષણા કરી હતી પરંતુ ગયા વર્ષે કોરોના મહામારીને કારણે લગ્ન થઈ શક્યા નહિં. તાજેતરના એક ઇન્ટરવ્યુમાં વરુણે કહ્યું હતું કે 2021 માં વહેલી તકે તે લગ્ન કરી લેશે. જણાવી દઈએ કે નતાશા તેના બોયફ્રેન્ડ માટે ગયા વર્ષે કરવા ચોથનું વ્રત પણ રાખી ચુકી છે.

નતાશા દલાલે તેની સાસુ કરુણા સાથે કરવા ચોથનું સેલિબ્રેશન કર્યું હતું. આ સેલિબ્રેશન ગયા વર્ષે સુનિતા કપૂરના ઘરે થયું હતું. ચાહકો અને કેટલાક મીડિયા રિપોર્ટ્સ અનુસાર વરુણ અને નતાશા દલાલ ગુપ્ત રીતે સગાઈ પણ કરી ચુક્યા છે. આટલું જ નહીં વરુણ અને નતાશાની સગાઈ વિશે કરીના કપૂરે પણ ખુલાસો કર્યો છે.