ભારતીય ક્રિકેટ ટીમના ભૂતપૂર્વ કેપ્ટન મહેન્દ્ર સિંહ ધોની એ ભલે આંતરરાષ્ટ્રીય ક્રિકેટને અલવિદા કહી દીધું હોય, પરંતુ આજે પણ દુનિયાભરમાં તેમની લાંબી ફેન ફોલોઈંગ છે.
કૅપ્ટન કૂલ પોતાના કાર અને બાઈક પ્રત્યેના શોખને લઈને હંમેશા ચર્ચામાં રહે છે. તેમની પાસે ઘણી લક્ઝરી કાર અને વિન્ટેજ બાઇકનું કલેક્શન છે. ચાલો આજે આપણે તેમના બાઇક વિશે જાણીએ.
એમએસ ધોની એકમાત્ર દક્ષિણ પૂર્વ એશિયાઈ ગ્રાહક છે. જેમની પાસે Confederate X132 Hellcat માંથી એક છે અને તેને દુનિયાની સૌથી દુર્લભ બાઇકોમાંથી એક માનવામાં આવે છે. તેની કિંમત 27 લાખથી શરૂ થાય છે.
આ એમએસ ધોનીની કાવાસાકી નિન્જા એચ2ની એક તસવીર છે, જેને તેમણે તેમના ઈન્સ્ટાગ્રામ પર શેર કરી હતી. આ 2017નું મોડલ કાવાસાકી નિન્જા H2 છે. તેની કિંમત 22.9 લાખ રૂપિયાથી શરૂ થાય છે.
ધોનીના બાઇક કલેક્શનમાં અન્ય વિન્ટેજ બાઇક નોર્ટન જ્યુબિલી 250 છે. ક્રિકેટરે પોતાની બાઇકની તસવીર ઈન્સ્ટાગ્રામ પર શેર કરી છે. જેમ કે નામ સૂચવે છે, તેમાં 250cc એન્જિન લાગેલું છે. તેની કિંમત 2.5 લાખથી શરૂ થાય છે.
સાથે જ હમર H2 અને GMC સિએરા કાર પણ ધોનીના કલેક્શનમાં છે. સાથે જ આંતરરાષ્ટ્રીય ક્રિકેટમાંથી નિવૃત્તિ સમયે, તેમણે પોતાના માટે પોન્ટિયાક ફાયરબર્ડ પણ ખરીદ્યું. સાથે જ ધોનીની પત્ની સાક્ષી સિંહના ઇન્સ્ટાગ્રામ પરથી જાણ થાય છે કે તેમના ઘરના ગેરેજમાં રેડબીસ્ટ ટ્રેકહોક 6.2 હેમી કાર પણ છે.
