જીવનનો સૌથી સુવર્ણ સમય હોય છે બાળપણ. તેમાં ન તો કોઈ ડર હોય છે અને ન તો કોઈ ઈચ્છા. ઘણીવખત લોકો તે પસાર થઈ ગયા પછી તેને ફરીથી જીવવા ઈચ્છે છે. જીવનમાં બાળપણથી શ્રેષ્ઠ કંઈ નથી. જો કે જ્યારે બાળપણ આપણને છોડીને જાય છે ત્યારે ખૂબ દુઃખ થાય છે.
આજના બાળકોના બાળપણની વાત કરીએ તો વધુમાં વધુ તેમની પાસે કપડાં, ક્રિકેટ કીટ, વિડીયો ગેમ્સ, રમકડાં, પુસ્તકો જેવી ચીજો હશે. ખાસ કરીને નાના બાળકો પાસે. જો કે જો અમે તમને કહીએ કે એક 9 વર્ષનો બાળક અબજોની સંપત્તિનો માલિક છે. તેની પાસે પોતાનું પ્રાઈવેટ જેટ, લક્ઝુરિયસ કાર વગેરે છે. તો કદાચ તમે તેના પર વિશ્વાસ કરી શકશો નહીં. ચાલો આજે તમને આવા જ એક બાળકનો પરિચય કરાવીએ.
જે બાળકની અમે તમારી સાથે વાત કરી રહ્યા છીએ તે એક સામાન્ય બાળક જ છે. જોકે તેની ખાણી-પીણી અને લાઇફસ્ટાઈલ ખૂબ જ અલગ છે. તેના શોખ પણ ખૂબ ઊંચા છે અને તે આ નાની ઉંમરમાં જ કરોડો અને અબજોમાં રમી રહ્યો છે. આ 9 વર્ષના બાળકનું નામ છે મોહમ્મદ અવલ મુસ્તફા.
મોહમ્મદ અવલ મુસ્તફા નાઈજીરિયાનો રહેવાસી છે. જો કે તેની લોકપ્રિયતા ખૂબ વધારે છે. મોહમ્મદ અવલ મુસ્તફાની ચર્ચા હવે દુનિયાભરમાં થઈ રહી છે અને તે થવું વ્યાજબી પણ છે. કારણ કે તે અન્ય બાળકોથી અલગ છે. તેનું જીવન કે બાળપણ અન્ય બાળકો જેવું નથી.
6 વર્ષની ઉંમરમાં બની ગયો હતો લક્ઝરી બંગલાનો માલિક: મોહમ્મદ અવલ મુસ્તફા જ્યારે માત્ર 6 વર્ષના હતા ત્યારે તે એક લક્ઝરી બંગલાનો માલિક બની ગયો હતો. તેને એક ઘર તેના પિતાએ તેના જન્મદિવસ પર ગિફ્ટમાં આપ્યું હતું અને હવે 9 વર્ષની ઉંમરમાં તેની પાસે એશો આરામની દરેક ચીજ છે. મોહમ્મદ અવલની અમીરી આગળ સારા-સારા બિઝનેસમેન, ખેલાડી અને ફિલ્મ સ્ટાર્સ પણ ફેલ છે.
પોતાનું પ્રઈવેટ જેટ, લક્ઝરી કાર: એક ક્ષણ માટે તો ભારત અને એશિયાના સૌથી અમીર વ્યક્તિ મુકેશ અંબાણી પણ મોહમ્મદ અવલની આ લક્ઝરી લાઈફ જોઈને ચક્કર ખાઈ જશે. મોહમ્મદ પાસે એકથી એક ચઢિયાતી લક્ઝરી કાર છે. તેની કિંમત કરોડોમાં છે. સાથે જ મુસ્તફા પાસે પોતાનું પ્રાઈવેટ જેટ પણ છે.
સોશિયલ મીડિયા પર પણ છે ખૂબ ચર્ચા: જણાવી દઈએ કે મોહમ્મદના પિતાનું નામ ઈસ્માઈલિયા મુસ્તફા છે. ઈસ્માઈલિયા મુસ્તફા નાઈજીરિયાની એક અમીર સેલિબ્રિટી છે. મુસ્તફા ઈન્સ્ટાગ્રામ પર પણ ખૂબ જ પ્રખ્યાત છે. અહીં તેને 34 હજારથી વધુ લોકો ફોલો કરે છે.
