સિદ્ધાર્થ મલ્હોત્રા અને કિયારા અડવાણી 7 ફેબ્રુઆરીએ લગ્નના બંધનમાં બંધાશે અને જીવનભર સાથે રહેવાની કસમ લઈને એકબીજાના બની જશે. રાજસ્થાનના જેસલમેરના સૂર્યગઢ પેલેસમાં આજથી પ્રી-વેડિંગ ફંક્શન શરૂ થઈ ચુક્યા છે. આવી સ્થિતિમાં અમે તમને બંનેના લગ્ન સંબંધિત દરેક અપડેટ જણાવી રહ્યા છીએ.
સિદ્ધાર્થ કિયારાના લગ્નની તૈયારીઓ જોરશોરથી ચાલી રહી છે. આ દરમિયાન, સંગીત સેરેમની માટે પણ ખાસ વ્યવસ્થા કરવામાં આવી રહી છે. સોશિયલ મીડિયા પર તેની સાથે જોડાયેલો એક વીડિયો ઝડપથી વાયરલ થઈ રહ્યો છે.
કિયારા અને સિદ્ધાર્થના લગ્નના ફંક્શન 4 ફેબ્રુઆરી થી શરૂ થઈ ગયા છે. આ માટે બંને સ્ટાર્સ પોતાના પરિવાર સાથે જેસલમેર પહોંચી ચુક્યા છે. મળતી માહિતી મુજબ બંનેના લગ્નના ફંક્શનમાં માત્ર નજીકના સંબંધીઓ અને મિત્રો જ શામેલ થશે. બંને સ્ટાર્સની તસવીરો કેમેરામાં કેદ કરવામાં આવી.
દૂલ્હા બનવા જઈ રહેલા સિદ્ધાર્થ પોતાના ડેશિંગ લુકથી દરેકનું ધ્યાન પોતાની તરફ ખેંચી રહ્યા હતા. મીડિયા રિપોર્ટ્સ મુજબ, આ ડેસ્ટિનેશન વેડિંગમાં બોલિવૂડના ઘણા સ્ટાર્સ શામેલ થાય તેવી સંભાવના છે. એવું કહેવામાં આવી રહ્યું છે કે રોયલ વેડિંગમાં 80 મહેમાનો હાજરી આપશે.
સિદ્ધાર્થ અને કિયારાએ ફિલ્મ શેરશાહ માં કામ કર્યું હતું. શૂટિંગ દરમિયાન જ બંને નજીક આવ્યા હતા. ફિલ્મમાં બંનેની જોડી લોકોને ખૂબ પસંદ આવી હતી. આ ફિલ્મ પછી બંને ઘણા પ્રસંગો પર સાથે જોવા મળ્યા હતા. વર્ક ફ્રન્ટની વાત કરીએ તો સિદ્ધાર્થ તાજેતરમાં જ ફિલ્મ મિશન મજનૂમાં જોવા મળ્યા હતા. આ ફિલ્મ સીધી OTT પર રિલીઝ થઈ હતી.
View this post on Instagram
સાથે જ કિયારા છેલ્લે ફિલ્મ ‘ગોવિંદા નામ મેરા’માં જોવા મળી હતી. આ ફિલ્મમાં તે વિકી કૌશલ અને ભૂમિ પેડનેકર સાથે જોવા મળી હતી. આ ફિલ્મ થિયેટરોમાં પણ રિલીઝ થઈ ન હતી અને સીધી OTT પર રિલીઝ થઈ હતી.
