અભિનેતા વિકી કૌશલ અને અભિનેત્રી કેટરીના કૈફના લગ્નને ત્રણ મહિના પૂર્ણ થવા જઈ રહ્યા છે. હિન્દી સિનેમાના આ બે પ્રખ્યાત કલાકારોએ રાજસ્થાનના 700 વર્ષ જૂના કિલ્લા સિક્સ સેન્સમાં લગ્ન કર્યા હતા. 9 ડિસેમ્બર 2021ની સાંજે સાત ફેરા લીધા પછી બંને એકબીજાના બની ગયા હતા.
વિકી કૌશલ અને કેટરીના કૈફના લગ્ન ખૂબ જ ધામધૂમથી થયા હતા. બંનેના લગ્નની ચર્ચા પણ ખૂબ થઈ હતી. જણાવી દઈએ કે બંનેએ લગભગ બે થી ત્રણ વર્ષના અફેર પછી લગ્ન કરવાનો નિર્ણય લીધો હતો. મુંબઈની ચમકથી દૂર બંને રાજસ્થાનમાં હંમેશા માટે એકબીજાના બની ગયા હતા.
ટૂંક સમયમાં વિકી અને કેટરીનાના લગ્નને ત્રણ મહિના પૂરા થઈ જશે. આજે પણ બંનેના લગ્નની તસવીરો સોશિયલ મીડિયા પર છવાયેલી રહે છે. વિકી અને કેટરીનાએ સિક્સ સેન્સ ફોર્ટ બરવાડામાં ખૂબ જ ગુપ્ત રીતે લગ્ન કર્યા હતા. લગ્નમાં મહેમાનોને મોબાઈલ ફોન સાથે આવવા પર પ્રતિબંધ મુકવામાં આવ્યો હતો.
કેટરિના કૈફ અને વિકી કૌશલના લગ્ન કોરોના મહામારીને ધ્યાનમાં રાખીને ઓછા મહેમાનો સાથે હિંદુ રીતિ-રિવાજ મુજબ થયા હતા. લગ્નમાં બંનેના પરિવારના સભ્યો, સંબંધીઓ અને મિત્રો શામેલ થયા હતા. સાથે હિંદી સિનેમાથી માત્ર થોડા લોકો જ આ રોયલ લગ્નમાં જોવા મળ્યા હતા.
કેટરીનાના એક મિત્ર એ તાજેતરમાં એક ઈન્ટરવ્યુમાં જણાવ્યું હતું કે કેટરીના અને વિકીએ રિલેશનશિપમાં આવ્યાના બે મહિના પછી જ લગ્ન કરવાનો નિર્ણય લીધો હતો. એ પણ જણાવવામાં આવ્યું કે બંને કલાકારો વચ્ચે જે કંઈ પણ થયું તે અચાનક અને ખૂબ જ ઝડપથી થયું. તેમના કહેવા મુજબ કપલના લગ્ન, તેમની મુલાકાત, પ્રેમ બધું જ અચાનક થયું હતું.
કેટરિનાના મિત્રએ જણાવ્યું કે કેટરીના રિલેશનશિપને થોડો વધુ સમય આપવા ઈચ્છતી હતી. તેણે વિકી સામે એક શરત મૂકી હતી. તે ઇચ્છતી હતી કે જે રીતે તે પોતાના પરિવાર, ભાઈ-બહેન વગેરેને પ્રેમ આપે છે. જે પ્રકારનો સંબંધ તે ઘર-પરિવાર સાથે રાખે છે, તેવો જ સંબંધ વિકી પણ તેના પરિવાર સાથે રાખે. વિકીની અંદર કેટરિનાએ તે ચીજ પણ જોઈ. જે ચીજ કેટરીના કેફ તે સમયે વિકીમાં જોવા ઈચ્છતી હતી અને વિકી જ્યારે તેના પર ખરા ઉતર્યા તો કેટરીના એ નિર્ણય લીધો કે તે વિક્કી કૌશલ સાથે લગ્ન કરશે અને પોતાનું સંપૂર્ણ જીવન તેની સાથે પસાર કરશે.
