મુકેશ અંબાણી અને નીતા અંબાણીની પુત્રી ઈશા અંબાણીમાં માતા-પિતા બંનેના ગુણ છે. ઈશા જ્યાં પિતા મુકેશ અંબાણીની જેમ બિઝનેસ સંભાળવામાં હોશિયાર છે, તો ફેશનમાં પોતાની માતાની પરંપરાને ખૂબ ગંભીરતાથી આગળ લઈ રહી છે. ઈશા પોતાની માતાની જેમ, તેના દરેક લુકમાં હેડલાઇન્સ બનાવે છે અને તેના માટે કોઈ કંપ્રોમાઈઝ નથી કરતી.
12 ડિસેમ્બર 2018ના રોજ, ઈશા અંબાણીએ બિઝનેસમેન ‘પિરામલ એન્ટરપ્રાઈઝ’ના માલિક અજય પીરામલના પુત્ર આનંદ પીરામલ સાથે રોયલ સ્ટાઈલમાં લગ્ન કર્યા હતા. પોતાના લગ્ન પ્રસંગે પણ, ઈશા અંબાણીએ પોતાના લુકથી દરેકનું ધ્યાન ખેંચ્યું હતું, કારણ કે તેણે તેની માતા નીતા અંબાણીના વેડિંગ લુકને રિક્રિએટ કર્યો હતો.
પોતાના લગ્નમાં ઈશાએ ઓફ વ્હાઈટ લહેંગા સાથે લાલ કલરની સાડી દુપટ્ટા તરીકે કેરી કરી હતી. આ સારીની સૌથી ખાસ વાત એ હતી કે, તે ઈશાની માતા નીતા અંબાણીની 35 વર્ષ જૂની સાડી હતી, જેને ઈશાએ દુપટ્ટા તરીકે સ્ટાઈલ કરી હતી.
લગ્ન હોય કે પાર્ટી, ઈશા હંમેશા પોતાના લુકને લઈને ચર્ચામાં રહે છે. તાજેતરમાં, સોશિયલ મીડિયા પર સ્ક્રોલ કરતા અમને ઈશા અંબાણીની જૂની તસવીર મળી છે, જેમાં તેના મોંઘા લુકથી લોકો આશ્ચર્યચકિત થઈ ગયા છે. આ તસવીર વર્ષ 2017ની છે, જ્યારે તેના લક્ઝરી ઘર ‘એન્ટીલિયા’માં ડિનર પાર્ટીનું આયોજન કરવામાં આવ્યું હતું. તે શ્રદ્ધા કપૂર અને તેના એક મિત્ર સાથે પોઝ આપી રહી હતી.
ઈશા અંબાણીના ફેન પેજ પરથી શેર કરવામાં આવેલી પોસ્ટમાં ઈશા અંબાણીના મોંઘા લુકની વિગતો છે. ઈશાએ બ્લેક, બ્રાઉન અને વ્હાઇટ કલરનો પ્રિન્ટેડ ડ્રેસ પહેર્યો છે, જેની સાથે તેણે બ્લેક હીલ્સ પહેરી છે. તેનો સ્ટનિંગ ડ્રેસ ‘એલેક્ઝાન્ડર મેક્વીન’નો છે, જેની કિંમત 6 લાખ 41 હજાર રૂપિયા જણાવવામાં આવી રહી છે, જ્યારે ‘ક્રિશ્ચિયન લૂબાઉટિન’ની તેની હીલ્સની કિંમત 77,525 રૂપિયા છે.
આ પહેલા ઈશા અંબાણી એક સુંદર ડિયોરો ડ્રેસમાં જોવા મળી હતી. આ ડ્રેસમાં બ્લેક ટોપ સાથે બ્લેક શિયર ટ્યૂલ સ્કર્ટ હતું, જેના પર વ્હાઈટ કલરનું ફ્લોરલ એમ્બ્રોઇડરી વર્ક કરવામાં આવ્યું હતું. જો કે, તેના જૂના લુકની ખાસ વાત તેની ‘YSL’ બ્રાન્ડની હીલ્સ હતી, જેની કિંમત 54,895 રૂપિયા છે. અત્યારે એ સ્પષ્ટ છે કે ઈશા અંબાણી પોતાના લુક પર વધુ પૈસા ખર્ચ કરવામાં સંકોચ કરતી નથી.
