વર્ષ 2001માં આવેલી ફિલ્મ ‘ગદરઃ એક પ્રેમ કથા’ પોતાના સમયની સુપરહિટ ફિલ્મ હતી. આ ફિલ્મ એ બોક્સ ઓફિસ પર ધૂમ મચાવી હતી. આજે પણ જ્યારે આ ફિલ્મ ટીવી પર આવે છે ત્યારે આપણે તેને પૂર્ણ કર્યા વગર ઉઠી શકતા નથી. ફિલ્મમાં સની દેઓલે પંજાબી પાત્ર તારા સિંહનું પાત્ર નિભાવ્યું હતું જ્યારે અમીષા પટેલે પાકિસ્તાની છોકરી સકીનાનું પાત્ર નિભાવ્યું હતું.
ગદરમાં તારા સિંહ અને સકીનાની જોડી ત્યારે દર્શકોને ખૂબ પસંદ આવી હતી. ફિલ્મના દમદાર ડાયલોગ્સ અને દરેક કલાકારોની શ્રેષ્ઠ એક્ટિંગ એ ફિલ્મને હિટ બનાવી હતી. તે સમયે આ ફિલ્મ માત્ર 19 કરોડ રૂપિયાના બજેટમાં બની હતી. ત્યારે તેણે બોક્સ ઓફિસ પર 133 કરોડ રૂપિયાની કમાણી કરી હતી.
ટૂંક સમયમાં આવી રહી છે ગદ્દર 2: જો તમે ગદર ફિલ્મના ચાહક છો તો તમારા માટે એક સારા સમાચાર છે. ટૂંક સમયમાં તમે ‘ગદર 2’નો આનંદ લઈ શકશો. ‘ગદર 2’નું શૂટિંગ શરૂ થઈ ચુક્યું છે. ફિલ્મના સેટ પરથી કેટલીક તસવીરો પણ સોશિયલ મીડિયા પર વાયરલ થઈ રહી છે. સારી વાત એ છે કે ‘ગદર 2’માં સની દેઓલ અને અમીષા પટેલ એટલે કે તારા સિંહ અને સકીનાની જોડી ફરી એકવાર જોવા મળશે. સાથે જ ફિલ્મમાં બંનેના પુત્ર બનેલા ઉત્કર્ષ શર્મા પણ હશે. જોકે ગદર 1 માં ઉત્કર્ષે બાળ કલાકાર તરીકે કામ કર્યું હતું, પરંતુ ગદર 2 માં તે મોટો થઈ ગયો છે. આ ફિલ્મમાં દિવંગત અભિનેતા અમરીશ પુરી જોવા મળશે નહીં.
અમિષાએ શેર કરી મુહૂર્ત શૉટની તસવીર: અમીષા પટેલે તાજેતરમાં જ પોતાના ઇન્સ્ટાગ્રામ એકાઉન્ટ પર ગદર 2 ના મુહૂર્ત શૉટની તસવીર શેર કરી છે. તેમાં તે તેના જૂના સકીના વાળા ગેટઅપમાં જોવા મળી રહી છે. અમીષા ઘણા સમયથી ફિલ્મોથી દૂર છે. તે સોશિયલ મીડિયા પર પોતાની બોલ્ડ તસવીરો શેર કરતી રહે છે. પરંતુ હવે ગદર 2 ના કારણે તે ઘણા લાંબા સમય પછી એક સિમ્પલ લૂકમાં જોવા મળશે. આ તસવીર શેર કરતાં અમીષાએ કેપ્શનમાં લખ્યું, ‘ગદર-2 મુહૂર્ત શૉટ.’
પહેલા વાળા લુકમાં જોવા મળ્યા સની-અમિષા: આ તસવીરમાં અભિનેતા સની દેઓલ, આર્મી જનરલ સુરેન્દ્ર સિંહ અને રોહિત જયકાય પણ જોવા મળી રહ્યા છે. તસવીરમાં અમીષા પટેલ તો એકદમ 2001માં જોવા મળેલી સકીના જેવી જ દેખાઈ રહી છે. તેમણે એ જ સફેદ સૂટ અને પીળો દુપટ્ટો પહેર્યો છે. જો કે તારા સિંહ બનેલા સની દેઓલ થોડા વૃદ્ધ લાગી રહ્યા છે. જોકે તે પણ પોતાના પાત્રમાં સંપૂર્ણ રીતે જકડાયેલા જોવા મળ્યા. તેમણે લાલ કુર્તો અને ક્રીમ કલરનો પાયજામો અને પાઘડી પહેરી છે. સની દેઓલે ગદર 2 ના સેટ પરથી એક તસવીર પણ શેર કરી છે. તેમાં તે એક સ્થાનિક મહિલા સાથે જોવા મળી રહ્યા છે.
ચાહકો ગદર 2ની જોઈ રહ્યા છે રાહ: ગદર 2ને લઈને ચાહકો ખૂબ જ ઉત્સાહિત જોવા મળી રહ્યા છે. ખાસ કરીને સની દેઓલના ચાહકો આ ફિલ્મની આતુરતાથી રાહ જોઈ રહ્યા છે. નોંધપાત્ર છે કે સની દેઓલે લાંબા સમયથી કોઈ સુપરહિટ ફિલ્મ નથી આપી. આવી સ્થિતિમાં, એવી અટકળો લગાવવામાં આવી રહી છે કે ગદર 2 તેમની લેટેસ્ટ સુપરહિટ ફિલ્મ બની શકે છે. આ ફિલ્મ માટે તે ખૂબ મહેનત પણ કરી રહી છે. હવે જોવાનું એ રહેશે કે ગદર 2 પણ પહેલા વાળી ગદરની જેમ દર્શકોના દિલમાં જગ્યા બનાવવામાં સફળ થઈ શકે છે કે નહિં.
