શાહરૂખની લાડલીથી લઈને સૈફના સાહબજાદે સુધી, વર્ષ 2021 માં ફિલ્મોમાં પગ મુકશે આ 5 સ્ટાર કિડ્સ

બોલિવુડ

વર્ષ 2020 સમાપ્ત થવાના આરે પહોંચી ગયું છે અને આ વાતની ખુશી લગભગ દરેક વ્યક્તિને છે. જેમ કે આપણે બધા જાણીએ છીએ કે આ વર્ષ ઈતિહાસનું અત્યાર સુધીનું સૌથી દુખદ વર્ષ રહ્યું છે. આ વર્ષે માત્ર કોરોના વાયરસ જ આવ્યો નથી, પરંતુ બોલિવૂડના ઘણા જાણીતા દિગ્ગજોએ પણ આપણો સાથ છોડી દીધો છે. આવી સ્થિતિમાં લોકો હવે 2020 પૂર્ણ થવાની આતુરતાથી રાહ જોઈ રહ્યા છે અને નવી આશા સાથે 2021 માં પ્રવેશ કરવા ઇચ્છે છે. સાથે એવી પણ આશા છે કે વર્ષ 2021 માં ઘણા સ્ટાર કિડ્સ બોલીવુડમાં પ્રવેશ કરી શકે છે. તો ક્યા છે તે સ્ટાર કિડ્સ જેને આપણે 2021ની ફિલ્મોમાં જોઈ શકીએ છીએ, ચાલો જાણીએ તેમના વિશે.

શનાયા કપૂર: ‘રાજા’ જેવી સુપરહિટ ફિલ્મો આપનાર બોલિવૂડ અભિનેતા સંજય કપૂરની પુત્રી શનાયા કપૂર ખૂબ જ સુંદર છે. તે ઘણીવાર બોલિવૂડ ઇવેન્ટ્સમાં જોવા મળે છે. જોકે, હવે સંજય કપૂર છેલ્લા ઘણા સમયથી બોલિવૂડથી દૂર છે, પરંતુ સમાચાર છે કે, શનાયા ટૂંક સમયમાં જ બોલીવુડમાં ધમાકેદાર એંટ્રી કરી શકે છે. આશા છે કે તે આવતા વર્ષે ડેબ્યૂ કરી શકે છે.

સુહાના ખાન: શાહરૂખ ખાનની પુત્રી સુહાના ખાન, ફિલ્મોમાં ન હોવા છતાં પણ અવારનવાર કોઈને કોઈ કારણસર તે ચર્ચામાં રહે છે. શાહરૂખનાં બાળકો ફિલ્મ ઇન્ડસ્ટ્રીના સૌથી પ્રખ્યાત સ્ટાર કિડ્સ છે. સુહાના ખાને હજી ફિલ્મોમાં પ્રવેશ કર્યો નથી, છતાં પણ તેના લાખો ચાહકો છે. સુહાનાએ પોતે જ કહ્યું હતું કે તે એક્ટિંગમાં રસ ધરાવે છે અને આ દિવસોમાં તે ન્યૂયોર્કમાં એક્ટિંગનો કોર્ષ કરી રહી છે. આવી સ્થિતિમાં અનુમાન લગાવવામાં આવી રહ્યું છે કે વર્ષ 2021 માં તે પણ ફિલ્મોમાં જોવા મળી શકે છે.

પલક તિવારી: ટીવી અભિનેત્રી શ્વેતા તિવારીના પહેલા લગ્ન રાજા ચૌધરી સાથે થયા હતા, જેનાથી તેમની પલક તિવારી નામની એક પુત્રી છે, જે હવે મોટી થઈ છે. પલક સુંદરતાની દ્રષ્ટિએ કોઈ બોલિવૂડની હિરોઇનથી ઓછી નથી. પલકની ગ્લેમરસ તસવીરો અવરનવાર સોશિયલ મીડિયા પર વાયરલ થાય છે. તાજેતરમાં પલકના ડેબ્યૂ વિશે સમાચાર આવ્યા હતા, જેને શ્વેતાએ કહ્યું હતું કે તે એક અફવા છે. આવી સ્થિતિમાં શ્વેતાના ચાહકો ઈન્ડસ્ટ્રીમાં પલકની એન્ટ્રીની આતુરતાથી રાહ જોઈ રહ્યા છે અને સમાચાર એવા છે કે આવતા વર્ષે પલક પણ ડેબ્યૂ કરી શકે છે.

જુનેદ ખાન: જુનૈદ ખાન બોલિવૂડ અભિનેતા આમિર ખાનનો પુત્ર છે. જુનેદ છેલ્લા ઘણાં વર્ષોથી થિયેટરમાં એક્ટિવ છે. સમાચારો અનુસાર આવતા વર્ષમાં જુનેદ યશરાજ બેનર સાથે બોલિવૂડમાં ડેબ્યૂ કરશે. મીડિયા રિપોર્ટ્સ અનુસાર જુનેદ એક પિરિયડ ડ્રામા ફિલ્મમાં જોવા મળશે, જેને સિદ્ધાર્થ પી મલ્હોત્રા ડાયરેક્ટ કરી રહ્યા છે. આ ફિલ્મ વર્ષ 1862 ના પ્રખ્યાત કેસ પર આધારિત છે. આ કેસમાં એક રાજાએ પ્રખ્યાત પત્રકાર અને સમાજસેવી કરસનદાસ મુલીજી પર આરોપ લગાવ્યો હતો કે તે તેમની વિરુદ્ધ આર્ટિકલ છપતા રહે છે અને હિન્દુ ધર્મના વલ્લભાચાર્ય સંપ્રદાયને બદનામ કરવાનો પ્રયાસ કરી રહ્યા છે. રિપોર્ટસ અનુસાર તેમાં જુનેદ તે જ પત્રકારની ભૂમિકા નિભાવશે.

ઇબ્રાહિમ અલી ખાન: ઇબ્રાહિમ અલી ખાન બોલિવૂડના પ્રખ્યાત અભિનેતા સૈફ અલી ખાનનો સાહબજાદે છે. ઇબ્રાહિમની બહેન સારા અલી ખાને ફિલ્મોમાં પ્રવેશ કરી ચુકી છે, જ્યારે ઇબ્રાહિમે બોલીવુડમાં પ્રવેશ કર્યો નથી. ઇબ્રાહિમ લુકની બાબતમાં બિલકુલ તેના પિતા પર ગયો છે. ઇબ્રાહિમને પહેલી વખત લોકોએ ટિકટૉકના એક વીડિયોમાં એક્ટિંગ કરતા જોયો હતો અને તે તેની એક્ટિંગના ચાહકો બની ગયા હતા. રિપોર્ટસ અનુસાર ઈબ્રાહિમ આવનારા વર્ષમાં ફિલ્મોમાં પ્રવેશ કરવા માટે સંપૂર્ણ રીતે તૈયાર છે.

આર્યન ખાન: આર્યન ખાન બોલિવૂડના ‘કિંગ ખાન’ એટલે કે શાહરૂખ ખાનનો પુત્ર છે. સુહાનાની જેમ આર્યનને પણ એક્ટિંગમાં ખૂબ રસ છે. તે પણ ટૂંક સમયમાં ફિલ્મોમાં આવવા ઇચ્છે છે, જેના માટે તેમણે તૈયારી પણ શરૂ કરી દીધી છે. જોકે, શાહરૂખ ખાન ઘણી વાર એમ કહેતા સાંભળવા મળ્યા છે કે આર્યનને ફિલ્મોમાં રસ નથી. આ દિવસોમાં આર્યન યુએસએમાં ફિલ્મ મેકિંગનો અભ્યાસ કરી રહ્યો છે. રિપોર્ટ્સ અનુસાર, આર્યન ખાન પણ આવતા વર્ષે બોલીવુડમાં પ્રવેશ કરી શકે છે.

Leave a Reply

Your email address will not be published.