કિયારા અડવાણીએ ખૂબ ઓછા સમયમાં હિન્દી સિનેમામાં પોતાનું નામ કમાઈ લીધું છે. કિયારાએ હિન્દી સિનેમામાં હજુ માત્ર થોડી જ ફિલ્મોમાં કામ કર્યું છે, પરંતુ ઓછી ફિલ્મો કરવા છતાં કિયારા હિન્દી સિનેમાનું ઊભરતું નામ બની ગઈ છે.
કબીર સિંહ અને ગુડ ન્યૂઝ જેવી સુપરહિટ ફિલ્મો આપ્યા પછી આ દિવસોમાં મોટા પડદા પર કિયારા ફિલ્મ ‘જુગ જુગ જિયો’માં જોવા મળી રહી છે. આ ફિલ્મમાં તેની સાથે મુખ્ય ભૂમિકામાં વરુણ ધવન, અનિલ કપૂર અને નીતુ કપૂર પણ જોવા મળી રહ્યા છે. આ ફિલ્મ એ લગભગ 10 દિવસમાં દુનિયાભરમાં 100 કરોડ રૂપિયાની કમાણી કરી લીધી છે.
જણાવી દઈએ કે કિયારા અડવાણી ખૂબ જ સુંદર હોવાની સાથે સાથે એક શ્રેષ્ઠ અભિનેત્રી પણ છે. સતત તેની ફેન ફોલોઈંગમાં પણ વધારો થઈ રહ્યો છે. તેના ચાહકોની સંખ્યા કરોડોમાં છે. સાથે જ તેની દીવાનગીમાં એક વ્યક્તિ એક વખત મા માળ સુધી સીડી ચઢી ગયો હતો.
તાજેતરમાં, કિયારાએ પોતાના એક ચાહકનો એક રમુજી કિસ્સો શેર કર્યો છે. તેને એક ઇન્ટરવ્યુ દરમિયાન પૂછવામાં આવ્યું હતું કે, “તેના માટે કોઈ છોકરા એ સૌથી ક્રેઝી પ્રવૃત્તિ કરી છે?”. આ સવાલનો જવાબ આપતાં કિયારા અડવાણીએ એક રમુજી કિસ્સો બધા સાથે શેર કર્યો.
અભિનેત્રીએ કહ્યું, મારા માટે છોકરાની સૌથી ક્રેઝી પ્રવૃત્તિ? આ ખરેખર એક ચાહક દ્વારા કરવામાં આવ્યું હતું. હું એ નહિં જણાવું કે હું કયા ફ્લોર પર રહું છું, પરંતુ હું ખરેખર સૌથી ઉપરના માળ પર રહું છું અને તે મને મળવા માટે મારા બિલ્ડિંગની બધી સીડીઓ ચઢી ગયો. મને યાદ છે કે જ્યારે તે આવ્યો ત્યારે તે પરસેવાથી લથબથ હતો. મેં ગભરાઈને તેને પૂછ્યું, ‘શું થયું? તમે ઠીક છો? તમે બેસવા ઈચ્છો છો તમારે પાણી જોઈએ છે?”
અભિનેત્રી એ આગળ કહ્યું કે, “ચાહકે મને કહ્યું કે, ના મેં સીડીઓ ચઢી છે. હું બસ તમને એ જણાવવા ઈચ્છતો હતો કે તમે મારા માટે કેટલા મહત્વપૂર્ણ છો.” હું વિચારવા લાગી, ‘પરંતુ શા માટે? તમે લિફ્ટ પણ લઈ શકતા હતા.” મેં તેને કહ્યું, ‘ઠીક છે, પરંતુ હવે આગલી વખતે મારા ઘરે ન આવો, આ થોડું ડરામણું પણ છે’. અભિનેત્રીએ જણાવ્યું કે, “તે સ્વીટ હતો, પરંતુ એક રીતે તે પાગલ પણ હતો. તે એક સુંદર વ્યક્તિ હતો, તે એક સારો માણસ હતો.”
કિયારા ક્યાં રહે છે? ભલે કિયારાએ એ નથી જણાવ્યું કે તે કયા ફ્લોપ પર રહે છે, પરંતુ તમને જણાવી દઈએ કે તે મુંબઈના મહાલક્ષ્મી વિસ્તારમાં એક બિલ્ડિંગમાં રહે છે જેમાં 51 માળ છે. કિયારાના વર્ક ફ્રન્ટ વિશે વાત કરીએ તો તેની આગામી ફિલ્મ ‘ગોવિંદા નામ મેરા’ હશે. ફિલ્મનો મુખ્ય ભાગ વિકી કૌશલ અને ભૂમિ પેડનેકર પણ છે.
