મહાશિવરાત્રી પર ભૂલથી પણ શિવલિંગ પર ન ચળાવો આ 5 ચીજો નહિં તો ભગવાન શિવ થઈ જશે નારાજ

ધાર્મિક

મહાશિવરાત્રીનો દિવસ દેવોના દેવ મહાદેવને સમર્પિત છે. આ દિવસે ભગવાન શંકરની વિશેષ પૂજા કરવામાં આવે છે. મહાશિવરાત્રીના દિવસે ભગવાન શિવને પ્રસન્ન કરવા માટે ભક્તો વિવિધ પ્રકારના ઉપાય કરે છે. હિન્દુ કેલેન્ડર મુજબ દર વર્ષે ફાગળ મહિનાના કૃષ્ણ પક્ષની તેરસ તિથિ પર મહાશિવરાત્રીનો તહેવાર ઉજવવામાં આવે છે. આ વર્ષે મહાશિવરાત્રીનો તહેવાર 11 માર્ચ 2021 ના રોજ છે. ભક્તો આ દિવસે ભગવાન શિવની વિધિપૂર્વક પૂજા કરે છે.

એવું માનવામાં આવે છે કે જે ભક્ત પોતાના સાચા મનથી મહાશિવરાત્રીના દિવસે પૂજા કરે છે, તેના જીવનની બધી મુશ્કેલીઓ મહાદેવ દૂર કરે છે. મહાશિવરાત્રિના દિવસે દરેક બાજુથી શિવજીનો જય જયકાર ગૂંઝી ઉઠે છે. આ દિવસે દરેક બાજુથી બમ-બમ ના જયકારો સંભળાય છે. ભગવાન ભોલેનાથ સ્વભાવમાં ખુબ જ ભોળા છે, તે ટૂંક સમયમાં જ તેમના ભક્તોથી પ્રસન્ન થઈ જાય છે, પરંતુ ભક્તો પણ શિવજીને પ્રસન્ન કરવા અને તેમના આશીર્વાદ મેળવવા માટે દરેક પ્રયત્નો કરે છે.

જો તમે મહાશિવરાત્રી પર ભગવાન શિવજીના આશીર્વાદ મેળવવા ઇચ્છો છો, તો તમરે તેમની પૂજા દરમિયાન કેટલીક બાબતોને ધ્યાનમાં રાખવી ખૂબ જ જરૂરી છે. ખરેખર, ભગવાન શિવજીની પૂજા દરમિયાન કેટલીક ચીજો અર્પણ કરવી જોઈએ નહિં, નહીં તો મહાદેવ તેનાથી નારાજ થઈ શકે છે. તો ચાલો આપણે જાણીએ કે મહાશિવરાત્રીની પૂજા દરમિયાન કઈ ચીજો અર્પણ કરવી જોઈએ નહિં.

તુલસી: તુલસીનો છોડ ખૂબ પવિત્ર માનવામાં આવે છે. હિન્દુ ધર્મમાં તુલસીના છોડની પૂજા કરવામાં આવે છે. જો કોઈ શુભ કાર્ય કે પૂજા હોય તો તેમાં તુલસીનો ઉપયોગ જરૂર કરવામાં આવે છે, પરંતુ ભગવાન શિવજીની પૂજામાં તુલસીનો ઉપયોગ કરવામાં આવતો નથી. જો તમે ભૂલથી પણ ભોલેનાથની પૂજા દરમિયાન તુલસીનો ઉપયોગ કરો છો તો તેના કારણે તમારી પૂજા પૂર્ણ થતી નથી. તેથી, મહાશિવરાત્રી પર ભગવાન શિવજીની પૂજા દરમિયાન તેમને તુલસી ન ચળાવો.

શંખ: મહાશિવરાત્રી પર ભગવાન શિવની પૂજા દરમિયાન તમે શંખનો ઉપયોગ ન કરો. તેની પાછળ પણ એક પૌરાણિક કથા છે. ભગવાન શિવજીએ શંખચુર નામના એક રાક્ષસનો વધ કર્યો હતો, જે ભગવાન વિષ્ણુના મહાન ભક્ત હતા. શંખને પણ તે રાક્ષસનું પ્રતીક માનવામાં આવે છે.

કુમકુમ અથવા સિંદૂર: ભગવાન શિવજી વૌરાગી છે, તેથી ભગવાન શિવજીની પૂજા દરમિયાન તેમને કુમકુમ અર્પણ ન કરવું જોઈએ. મહાશિવરાત્રીના દિવસે ભોલેનાથની પૂજા દરમિયાન આ વાતનું ધ્યાન રાખો કે પૂજા દરમિયાન તેમને કુમકુમ અર્પણ ન કરો. આ સિવાય શિવલિંગ પર હળદર પણ અર્પણ કરવી જોઈએ નહિં.

નાળિયેર: જો તમે મહા શિવરાત્રીના શુભ પ્રસંગે ભગવાન શિવની પૂજા કરી રહ્યા છો, તો તમારે આ વાતનું ધ્યાન રાખવું પડશે કે તે દરમિયાન શિવલિંગ પર નાળિયેર પાણીથી અભિષેક ન કરો. જણાવી દઈએ કે નાળિયેર ભગવાન ધનની દેવી માતા લક્ષ્મીજીનું પ્રતીક માનવામાં આવે છે, જેનો સંબંધ ભગવાન વિષ્ણુજી સાથે છે.

તૂટેલા ચોખા: શાસ્ત્રોમાં એ વાતનો ઉલ્લેખ કરવામાં આવ્યો છે કે ભગવાન શિવની પૂજા દરમિયાન તૂટેલા ચોખા અર્પણ ન કરવા જોઈએ કારણ કે તૂટેલા ચોખા અપૂર્ણ અને અશુદ્ધ માનવામાં આવે છે. આ કારણોસર તે શિવની પૂજા દરમિયાન તૂટેલા ચોખા અર્પણ કરવામાં આવતા નથી. મહા શિવરાત્રીના દિવસે ભગવાન શિવજીને અક્ષત એટલે કે ચોખા અર્પણ કરતી વખતે આ ખાસ વાતનું ધ્યાન રાખવું.

Leave a Reply

Your email address will not be published.