90ના દાયકામાં હિન્દી સિનેમામાં એકથી એક ચઢિયાતી અભિનેત્રીઓ રહી ચૂકી છે. આ સમયગાળા દરમિયાન હિન્દી સિનેમાને કાજોલ, કરિશ્મા કપૂર, રવિના ટંડન, શિલ્પા શેટ્ટી, ઉર્મિલા માતોંડકર, તબ્બુ, મનીષા કોઈરાલા જેવી ઘણી અભિનેત્રીઓ મળી. આ દરમિયાન, દિવંગત અભિનેત્રી દિવ્યા ભારતી પણ હિન્દી સિનેમામાં ઉભરી આવી હતી.
દિવ્યા ભારતી એક શ્રેષ્ઠ અભિનેત્રી હતી. દિવ્યા ભારતીએ ખૂબ જ જલ્દી હિન્દી સિનેમામાં ડેબ્યુ કર્યું હતું. અને ટૂંક સમયમાં જ તેને ખૂબ લોકપ્રિયતા મળી ગઈ હતી. ખૂબ જ જલ્દી તેણે લગ્ન પણ કરી લીધા અને પછી ટૂંક સમયમાં તે દુનિયા છોડીને ચાલી ગઈ.
દિવ્યા ભારતીને લોકો દિગ્ગ્ઝ અને દિવંગત અભિનેત્રી શ્રીદેવી હમશકલ પણ કહે છે. શ્રીદેવી એક શ્રેષ્ઠ અભિનેત્રી હોવાની સાથે સાથે એક શ્રેષ્ઠ ડાંસ અને સુંદર પણ હતી, તો આ બધા ગુણ દિવ્યા ભારતીમાં પણ હતા. સામાન્ય રીતે જે ઉંમરમાં અભિનેત્રીઓ હિન્દી સિનેમામાં પગ મૂકે છે તે ઉંમરમાં દિવ્યા ભારતી સુપરહિટ અભિનેત્રી બની ચુકી હતી.
25 ફેબ્રુઆરી 1974ના રોજ દિવ્યા ભારતીનો જન્મ મુંબઈમાં થયો હતો. સાથે જ 19 વર્ષની ઉંમરમાં તેનું નિધન થઈ ગયું હતું. તેણે પોતાની બે-ત્રણ વર્ષની કારકિર્દીમાં દોઢ ડઝન ફિલ્મોમાં કામ કર્યું હતું. તેની મોટાભાગની ફિલ્મો હિટ રહી હતી. દિવ્યા પોતાની ફિલ્મો અને એક્ટિંગની સાથે જ પોતાના અંગત જીવનને લઈને પણ ચર્ચામાં રહી.
દિવ્યા ભારતીનો સંબંધ પ્રખ્યાત ડિરેક્ટર-પ્રોડ્યૂસર સાજિદ નડિયાદવાલા સાથે પણ રહ્યો. બંને એકબીજાને પસંદ કરતા હતા અને પછી લગ્નના બંધનમાં બંધાઈ ગયા હતા, પરંતુ લગ્ન એક વર્ષ સુધી પણ ટકી ન શક્યા. આ લવ સ્ટોરીનો દુઃખદ અંત દિવ્યા ભારતીના નિધન સાથે થઈ ગયો હતો.
સાજિદ નડિયાદવાલાએ ઘણી સફળ ફિલ્મો બનાવી છે. સાજિદ અને દિવ્યા પોતાની કારકિર્દીની શરૂઆતમાં એકબીજાની ખૂબ નજીક આવી ગયા હતા. કહેવાય છે કે બંનેની મુલાકાત કરાવવામાં સુપરસ્ટાર ગોવિંદાનો મોટો હાથ રહ્યો છે. એક દિવસ સેટ પર સાજિદ ગોવિંદાને મળવા આવ્યા હતા. દિવ્યા અને ગોવિંદાએ વર્ષ 1992માં આવેલી ફિલ્મ ‘શોલા ઔર શબનમ’માં સાથે કામ કર્યું હતું.
જણાવી દઈએ કે સાજિદ અને ગોવિંદા ઘણા સારા મિત્રો છે. એક દિવસ જ્યારે સાજિદ ગોવિંદાને મળવા સેટ પર પહોંચ્યો ત્યારે દિવ્યા ભારતી પણ ત્યાં હાજર હતી. ત્યારે ગોવિંદાએ દિવ્યા અને સાજિદની ઓળખાણ કરાવી. કહેવાય છે કે પહેલી નજરમાં સાજિદ અભિનેત્રી દિવ્યા પર દિલ હારી બેઠા હતા. આવી સ્થિતિમાં તે અવારનવાર સેટ પર અને મળવાના બહાને દિવ્યાને જોવા આવતા હતા.
ધીમે ધીમે દિવ્યા પણ સાજીદ પર પોતાનું દિલ હારી બેઠી. બંને એકબીજાને પસંદ કરવા લાગ્યા અને બંને એકબીજાની ખૂબ નજીક આવી ગયા. સાજિદે પોતાના એક ઈન્ટરવ્યુમાં જણાવ્યું હતું કે, “વર્ષ 1992માં 15 જાન્યુઆરી નો દિવસ હતો જ્યારે દિવ્યાએ તેમને કહ્યું હતું કે ચાલો લગ્ન કરી લઈએ”.
સાજિદે કહ્યું હતું કે, “લગ્ન કર્યા પછી, અમે વાત છુપાવી રાખી હતી કારણ કે દિવ્યાની કારકિર્દીની શરૂઆત જ થઈ હતી. જો લગ્નની વાત બહાર આવી હોત તો કદાચ પ્રોડ્યૂસર પરેશાન થઈ ગયા હોત.” જણાવી દઈએ કે બંનેના લગ્ન 10 મે 1992ના રોજ થયા હતા પરંતુ એક વર્ષની અંદર જ 5 એપ્રિલ 1993ના રોજ દિવ્યાનું નિધન થઈ ગયું હતું.
દિવ્યાનું નિધન એપાર્ટમેન્ટમાં પોતાના ઘરેથી પડી જવાથી થયું હતું. જોકે અભિનેત્રીનું નિધન આજ સુધી એક રહસ્ય બનેલું છે. તેમના નિધનનું રહસ્ય આજ સુધી ઉકેલાયું નથી. પછી મુંબઈ પોલીસે પણ અભિનેત્રીના નિધનનો કેસ બંધ કરી દીધો હતો. શંકાની સોય સાજીદ પર પણ ફરી હતી પરંતુ તેની વિરુદ્ધ કોઈ પુરાવા મળ્યા ન હતા.
