ટીવીની દુનિયાની પ્રખ્યાત અભિનેત્રી કેતકી દવેના પતિ અને અભિનેતા રસિક દવેનું નિધન થઈ ગયું છે. તેમણે 29 જુલાઈ 2022ની રાત્રે 65 વર્ષની ઉંમરમાં અંતિમ શ્વાસ લીધા. કહેવામાં આવી રહ્યું છે કે રસિકનું નિધન કિડની ફેલ થવાના કારણે થયું છે. તેઓ છેલ્લા 2 વર્ષથી ડાયલિસિસ પર હતા. આટલું જ નહીં, રસિક દવેને અઠવાડિયામાં લગભગ 3 વખત હોસ્પિટલ જવું પડતું હતું, જ્યારે તેઓ છેલ્લા 15 દિવસથી હોસ્પિટલમાં દાખલ હતા. તેમની બંને કિડની ફેલ થઈ ચુકી હતી. આવી સ્થિતિમાં તેમનું શુક્રવારે મુંબઈની એક ખાનગી હોસ્પિટલમાં નિધન થયું.
આ શોમાં છેલ્લી વખત જોવા મળ્યા હતા રસિક દવે: જણાવી દઈએ કે, રસિક દવે ગુજરાતી સિનેમાના મોટા અભિનેતા હતા જેમણે ઘણી ફિલ્મો અને ટીવી સિરિયલોમાં કામ કર્યું હતું. આ ઉપરાંત તે હિન્દી ટીવી સિરિયલોમાં પણ કામ કરી ચુક્યા હતા, જેમાં ‘સંસ્કાર ધરોહર અપનો કી’, ‘મહાભારત’, ‘સીઆઈડી’, ‘એક મહેલ હો સપનો કા’ જેવી ઘણી લોકપ્રિય સિરિયલો શામેલ છે.
તેઓ એક શ્રેષ્ઠ અભિનેતા હોવાની સાથે-સાથે ડાયરેક્ટર અને પ્રોડ્યૂસર પણ હતા. તેમણે ઘણા ગુજરાતી નાટકોને ડાયરેક્ટ કર્યા હતા. જણાવી દઈએ કે, કેતકી દવે અને રસિક દવેને બે બાળકો છે જેમના નામ રિદ્ધિ અને અભિષેક છે. આ કપલે વર્ષ 2006માં નચ બલિયેમાં પણ ભાગ લીધો હતો.
જણાવી દઈએ કે, રસિક દવે છેલ્લી વખત કલર્સ ટીવી ચેનલની સિરિયલ ‘સંસ્કાર ધરોહર અપનો કી’માં જોવા મળ્યા હતા. આ સિરિયલમાં તેમણે કરસનદાસ ધનસુખ લાલ વૈષ્ણવનું પાત્ર નિભાવ્યું હતું.
આ ઉપરાંત રસિક દાસ પહેલા ‘એક મહેલ હો સપનો કા’ સીરિયલ માટે પ્રખ્યાત હતા. આ શો 1000 એપિસોડ પૂરા કરનારો પહેલો હિન્દી શો હતો. આ ઉપરાંત રસિક દવે દૂરદર્શન પર આવતા ટીવી શો ‘બ્યોમકેશ બક્ષી’માં જોવા મળ્યા હતા જે એક પ્રખ્યાત ડિટેક્ટીવ પર આધારિત સ્ટોરી હતી. તેની ફિલ્મી દુનિયાની વાત કરીએ તો તેણે પોતાની કારકિર્દીમાં ‘માસૂમ’, ‘જૂઠી’, ‘4 ટાઈમ્સ લકી’, ‘સ્ટ્રેટ’, ‘જયસુખ કાકા’ જેવી ફિલ્મોમાં કામ કર્યું છે.
અભિનેતાના અવસાનથી ચાહકોની વચ્ચે છવાયું શોકનું વાતાવરણ: સાથે જ વાત કરીએ તેમની પત્ની કેતકી દવે વિશે તો તે બોલિવૂડ અને ટીવી સિરિયલોની પ્રખ્યાત અભિનેત્રી છે. તેણે પોતાની કારકિર્દીમાં ‘પવિત્ર રિશ્તા’, ‘આહત’, ‘કોમેડી સર્કસ’, ‘સંજીવની’, ‘ક્યૂંકી સાસ ભી કભી બહુ થી’, ‘તમન્ના’ જેવી સિરિયલોમાં કામ કર્યું. આ ઉપરાંત તે ‘ફલક’, ‘કસમ’, ‘દિલ’, ‘હોગી પ્યાર કી જીત’, ‘આમદની અઠન્ની ખર્ચા રૂપૈયા’, ‘મન’, ‘કિતને દૂર કિતને પાસ’, ‘આઈ હેટ લવ સ્ટોરી’, ‘સનમ રે’, ‘પરવાના’, ‘કલ હો ના હો’ જેવી ફિલ્મોમાં પણ જોવા મળી ચુકી છે.
રસિક દવેના નિધનથી ચાહકો દુઃખી છે. સાથે જ ઘણા લોકો સોશિયલ મીડિયા દ્વારા તેમને શ્રદ્ધાંજલિ આપી રહ્યા છે. એક યુઝરે લખ્યું કે, “ગુજરાતી થિયેટરએ પોતાનો ચાર્મ ગુમાવી દીધો છે, તમારી યાદ આવશે રસિક ભાઈ.” અન્ય એ લખ્યું, “એક મોટું નુક્સાન” સાથે એક અન્યએ લખ્યું, “દિવંગત આત્માની શાંતિ માટે પ્રાર્થના.”
