ચારુ આસોપા એક પ્રખ્યાત ટીવી અભિનેત્રી છે. તે ઘણી સુંદર અને સફળ સિરિયલોમાં જોવા મળી ચુકી છે. ચારુ આસોપા આજે પોતાની સુંદરતા અને શ્રેષ્ઠ એક્ટિંગના આધારે લાખો ચાહકોના દિલો પર રાજ કરે છે. ચારુ આસોપા પોતાની પ્રોફેશન લાઈફથી ઘણી વધુ પોતાની પર્સનલ લાઈફને કારણે પોતાના ચાહકોની વચ્ચે અવારનવાર ચર્ચાનો વિષય બની રહે છે. સુષ્મિતા સેનની ભાભી ચારુ અસોપા અને રાજીવ સેન છેલ્લા ઘણા દિવસોથી પોતાના અંગત જીવનને લઈને ચર્ચામાં છે. બંને વચ્ચે ઘણા સમયથી અનબન ચાલી રહી હતી અને તેમનો ઝઘડો એટલો વધી ગયો હતો કે બંનેએ છૂટાછેડા લેવાનો નિર્ણય લીધો હતો.
પરંતુ ચારુ આસોપાએ તાજેતરમાં જ પતિ રાજીવ સેન સાથે ફરી એકવખત લગ્નજીવનની નવી શરૂઆત કરી હતી. સંબંધોમાં આવેલા ઉતાર-ચળાવ અને ભૂતકાળને ભૂલીને ગણેશ ચતુર્થી પર બંનેએ પોતાના સંબંધને એક નવી તક આપવાનો નિર્ણય લીધો. ગણેશ ચતુર્થી પર આ કપલ ફરી એક વખત સાથે જોવા મળી અને બંનેએ ઘોષણા કરી કે તેઓ અલગ નથી થઈ રહ્યા અને પુત્રી જિયાના માટે બંનેએ પાછળની બધી વાતો ભુલાવીને બાપ્પાના આશીર્વાદ સાથે નવી શરૂઆત કરવાનો નિર્ણય લીધો છે.
ગણપતિ બાપ્પાએ તેમના દરેક દુ:ખ દૂર કર્યા અને તેમના સંબંધને પ્રેમથી ભરી દીધો. ગણપતિ બાપ્પાના આશીર્વાદથી બંને વચ્ચે બધુ બરાબર છે અને આ વાતથી બંને ખૂબ જ ખુશ છે. જેની ઝલક પણ તે સોશિયલ મીડિયા પર શેર કરતી રહે છે. ચારુ આસોપા અને રાજીવ સેને સાથે મળીને ગણપતિ બાપ્પાનું સ્વાગત કર્યું અને હવે આ કપલએ બાપ્પાને ધુમધામથી વિદાય આપી છે, જેની તસવીરો ઈન્ટરનેટ પર ઝડપથી વાયરલ થઈ રહી છે.
તાજેતરમાં જ પુત્રી અને પતિ સાથે ચારુ આસોપાએ બાપ્પાને વિદાય આપી અને ધામધૂમથી ગણપતિ વિસર્જન કર્યું. ગણપતિ વિસર્જન પર ચારુ “મરાઠી મુલગી” બની.
લુકની વાત કરીએ તો ચારુ લાલ બોર્ડરવાળી ગ્રીન કલરની નૌવારી સાડીમાં ખૂબ જ સુંદર લાગી રહી હતી. તેના લુકને લોકો ખૂબ જ પસંદ કરી રહ્યા છે અને તેની હેપ્પી ફેમિલી વાળી તસવીરો સોશિયલ મીડિયા પર છવાયેલી છે.
તેણે ગોલ્ડ નેકપીસ, મેચિંગ એરિંગ્સ અને બ્રહ્મી નથ (મહારાષ્ટ્રન નથ) પહેરી હતી. મિનિમલ મેકઅપ, માંગમાં સિંદૂર અને વાળમાં ગજરો લગાવીને ચારૂ ખૂબ જ સુંદર લાગી રહી હતી. સાથે જ પુત્રી જિયાના રેડ લહેંગામાં ખૂબ જ સુંદર લાગી રહી હતી. જો આપણે રાજીવ વિશે વાત કરીએ, તો તે બેજ કલરના પાયજામા સાથે ઓલિવ કલરના કુર્તા પહેરીને ખૂબ જ હેંડસમ લાગી રહ્યા હતા. તસવીરોમાં જોઈ શકાય છે કે કપલ પુત્રી જિયાના સાથે પોઝ આપતા જોવા મળી.
રાજીવ અને ચારુએ તાજેતરમાં એક ખૂબ જ સુંદર ફેમિલી તસવીર શેર કરી હતી, જેમાં ચારુ ગુલાબી રંગનો બાંધણી સૂટ પહેરેલી જોવા મળી હતી. મેચિંગ પિંક ડ્રેસમાં તેની પુત્રી પણ ખૂબ જ ક્યૂટ લાગી રહી હતી. સાથે જ રાજીવ બ્લેક પેન્ટ સાથે ગ્રે ટી-શર્ટમાં કેઝ્યુઅલ લાગી રહ્યો હતો. આ તસવીર શેર કરતી વખતે કપલે જણાવ્યું હતું કે તેઓ તેમના સંબંધોને વધુ એક તક આપવા ઈચ્છે છે.
