ફેબ્રુઆરી મહિનામાં આ ત્રણ ગ્રહ બદલી રહ્યા છે પોતાનું સ્થાન, તેનાથી આ 3 રાશિના લોકોને મળશે ખૂબ જ લાભ

ધાર્મિક

ગ્રહોની બદલાતી ચાલને કારણે આપણા જીવન પર અસર પડે છે. કેટલાક લોકોના જીવન પર તેની શુભ અસર પડે છે, તો કેટલાક લોકો માટે ગ્રહોના રાશિ પરિવર્તનથી મુશ્કેલીભર્યા દિવસો શરૂ થઈ જાય છે. ફેબ્રુઆરી મહિનામાં ત્રણ ગ્રહો તેમની રાશિ બદલી રહ્યા છે અને આ ત્રણ ગ્રહોના રાશિ પરિવર્તનથી તમારા જીવન પર અસર પડશે. ફેબ્રુઆરી મહિનામાં સૂર્ય, શુક્ર અને મંગળ ગ્રહ રાશિ પરિવર્તન કરશે. તેમના રાશિ પરિવર્તન 12 રાશિ પર અસર પડશે. આ ત્રણ ગ્રહ ક્યારે રાશિ પરિવર્તન કરી રહ્યા છે અને તેના કારણે કઈ રાશિ પર શુભ અસર જોવા મળશે તેની માહિતી આ મુજબ છે.

સૂર્યનું કુંભ રાશિમાં ગોચર: જ્યોતિષીય ગણતરી મુજબ ફેબ્રુઆરી મહીનામાં પહેલું ગૂચર સૂર્ય ગ્રહનું થવાનું છે. 12 ફેબ્રુઆરીએ સૂર્ય ભગવાન મકર રાશિ છોડીને કુંભ રાશિમાં પ્રવેશ કરશે અને 14 માર્ચ 2021 સુધી આ રાશિમાં રહેશે. સૂર્ય ગ્રહ બધા ગ્રહોના મુખ્ય માનવામાં આવે છે અને આ ગ્રહ સ્વાસ્થ્ય, આત્મા, પિતા, ખ્યાતિ, સન્માનના કારક પણ માનવામાં આવે છે. સૂર્ય દેવ કુંભ રાશિમાં જવાથી, આ રાશિના લોકોને શુભ મળશે. આ રાશિના લોકોને માન-સમ્માન મળશે અને ધન લાભ પણ મળશે. સૂર્ય ગ્રહના સંક્રમણથી કુંભ રાશિના લોકોનું ભાગ્ય ખુલશે અને સરકારી કામમાં સફળતા પણ મળશે.

શુક્ર દેવનું કુંભ રાશિમાં ગોચર: જે બીજો ગ્રહ ફેબ્રુઆરી મહીનામાં રાશિ પરિવર્તન કરવા જઈ રહ્યો છે, તે છે શુક્ર. શુક્ર ગ્રહ 21 ફેબ્રુઆરી 2021 ના ​​રોજ મકર રાશિમાંથી નીકળી જશે અને કુંભ રાશિમાં પ્રવેશ કરશે. આ રાશિમાં આ ગ્રહ 17 માર્ચ, 2021 સુધી રહેશે. શુક્ર ગ્રહને કલા, સુંદરતા, ધન-સંપત્તિ, ભૌતિક સુખ-સુવિધાઓનો કારક માનવામાં આવે છે અને શુક્રના આ ગોચરથી કુંભ રાશિના લોકોને લાભ મળશે. આ સમયગાળા દરમિયાન કુંભ રાશિના લોકોને પૈસા કમાવવાની સારી તક મળશે, નોકરી અને કારકિર્દી માટે આ ગોચર ઉચ્ચ સાબિત થશે.

મંગળ ગ્રહ કરશે વૃષભ રાશિમાં ગોચર: મંગળ ગ્રહ પણ ફેબ્રુઆરી મહિનામાં ગોચર કરવા જઈ રહ્યો છે. જ્યોતિષીય ગણતરી અનુસાર આ ગ્રહ આ મહિનાની 22 તારીખે મેષ રાશિમાંથી વૃષભ રાશિમાં પ્રવેશ કરશે. મંગળ ગ્રહોને ગ્રહોના સેનાપતિ માનવામાં આવે છે. તે ક્રોધ, ઉર્જા, શક્તિ, યુદ્ધનો કારક છે. વૃષભ રાશિમાં મંગળનું આ ગોચર કેટલીક બાબતોમાં શુભ ફળ આપશે. જ્યારે કેટલીક બાબતોમાં અશુભ ફળ મળી શકે છે. મંગળ ગ્રહના આ પરિવર્તનને લીધે, વૃષભ રાશિના લોકોમાં સાહસમાં વધારો જોવા મળશે, સાથે જ નોકરી અને કારકિર્દીમાં પણ સારા પરિણામ મળશે. ધન લાભ પણ મળી શકે છે. પરંતુ વિવાહિત જીવનમાં થોડી મુશ્કેલીઓ આવી શકે છે. તમે માત્ર તમારા ગુસ્સા પર નિયંત્રણ રાખો અને કોઈ સાથે લડાઈ કરવાથી બચો.

અન્ય રાશિના લોકો કરો આ ઉપાય: સૂર્ય ગ્રહની તમારા જીવન પર શુભ અસર પડે, તેના માટે દરરોજ સૂર્યદેવની પૂજા કરો અને તેમને જળ અર્પણ કરો. શુક્ર ગ્રહને પોતાની અનૂકુળ બનાવવા માટે શુક્રવારે સફેદ રંગની ચીજોનું દાન કરો. મંગળ ગ્રહની ખરાબ અસર તમારા જીવન પર ન પડે, તેના માટે મંગળવારે હનુમાનજીની પૂજા કરો. સાથે જ હનુમાનજીને લાલ રંગની ચીજો અર્પણ કરો.

Leave a Reply

Your email address will not be published.