અક્ષય કુમારને રાખડી બાંધવા ઈચ્છતી હતી કેટરિના કૈફ, પરંતુ અક્ષયે આ કારણે કરી હતી મનાઈ

બોલિવુડ

પોતાના સુંદર લુક અને એક્ટિંગના આધારે બોલીવુડ ઈંડસ્ટ્રીમાં એક મોટું નામ સ્થાપિત કરનાર અભિનેત્રીઓમાંથી એક છે કેટરિના કૈફ. તેમણે બોલીવુડ ફિલ્મ ઈંડસ્ટ્રીને ‘વેલકમ’, ‘દે દના દન’, ‘સિંહ ઈઝ કિંગ’ અને ‘તીસ માર ખાન’ જેવી સુપરહિટ ફિલ્મો આપી છે. આટલું જ નહીં આ ફિલ્મોમાં કેટરિના સાથે અક્ષય કુમાર મુખ્ય ભૂમિકામાં જોવા મળ્યા હતા. જણાવી દઈએ કે ફિલ્મ તીસ માર ખાનના સેટ પર કેટરિના કૈફ અક્ષય કુમારને રાખડી બાંધવા ઈચ્છતી હતી અને આ વાતનો ખુલાસો તેણે પોતે કર્યો હતો, તો ચાલો જાણીએ શું છે સમગ્ર બાબત.

જણાવી દઈએ કે એક મીડિયા રિપોર્ટ મુજબ વર્ષ 2016 માં કરણ જોહરના પ્રખ્યાત શો કોફી વિથ કરણમાં કેટરિનાએ જણાવ્યું હતું કે, “તે અભિનેતા અક્ષય કુમારને રાખડી બાંધવા ઈચ્છતી હતી. “તેમણે કહ્યું કે, ‘તીસ માર ખાન’ ફિલ્મના સેટ પર વિચારી રહી હતી કે કોઈ શા માટે નથી ઈચ્છતા કે તે તેમને રાખડી બાંધે. ત્યારે તેણે અક્ષય કુમારને કહ્યું કે તે તેને રાખડી બાંધવા ઈચ્છે છે. પરંતુ અભિનેતાએ આ વાત પર સ્પષ્ટ મનાઈ કરી હતી.”

આટલું જ નહીં કેટરિનાએ આગળ કહ્યું કે, “તેના પર અક્ષય કુમારે મને કહ્યું કે શા માટે તે થપ્પડ ખાવા ઈચ્છે છે?” અને તેમણે કહ્યું કે અક્ષય માટે તેમના મનમાં ખૂબ સમ્માન છે અને તે બંને એક સારા મિત્રો છે, તેથી તેને નથી લાગતું કે રાખડી બાંધવામાં કંઈ ખોટું છે. ત્યાર પછી કેટરિનાએ અર્જુન કપૂરને રાખી ભાઈ બનાવવા વિશે વિચાર્યું.

સાથે જ કેટરિના મુજબ, “હું તે જ રાત્રે મારા મિત્રના ઘરે જઈ રહી હતી અને તે સમયે હું થોડી પરેશાન હતી. ત્યારે મેં અર્જુનને જોયો, ત્યારે તે ખૂબ જ સ્વસ્થ હતો. ત્યારે જ મેં તેને પૂછ્યું કે શું તે તેને રાખડી બાંધી શકે છે? તેમણે આગળ જણાવ્યું કે, “આ સાંભળ્યા પછી, અર્જુન દરવાજાની બહાર ભાગી ગયો હતો અને બીજા દિવસે મે ફરીથી તેનો પીછો કર્યો પરંતુ તે ફરીથી ભાગી ગયો.”

આ ઉપરાંત ટીવી શો ‘ધ કપિલ શર્મા શો’ના હોસ્ટ કપિલ શર્માએ એકવાર કેટરિનાને પૂછ્યું હતું કે, ‘તીસ માર ખાનનું ગીત શીલા કી જવાની જ્યારે શૂટ થઈ રહ્યું હતું ત્યારે તમે અક્ષય કુમારને કહ્યું હતું કે હું તમને રાખડી બાંધવા ઈચ્છું છું. શું તમે રાખડીનો અર્થ જાણતા ન હતા અથવા તમને અક્ષય કુમારની નિર્દોષતાનો કોઈ અંદાજ ન હતો.” આ દરમિયાન શોમાં હાજર દરેક વ્યક્તિ કપિલ શર્માના આ સવાલ પર હસવા લાગે છે.

સાથે જ કેટરિના સ્માઈલ કરતા જવાબ આપે છે કે, “હું રાખડીનો બરાબર અર્થ જાણતી હતી. રક્ષાબંધનનો અર્થ હોય છે કે ભાઈ તમારું સંપૂર્ણ રીતે રક્ષણ કરે છે. અક્ષય કુમાર મારા ખૂબ જ સારા મિત્ર છે. તેઓ ઘણી જગ્યા પર મારું રક્ષણ કરે છે. તેથી જ મેં આવું કહ્યું હતું.” આવી સ્થિતિમાં કપિલ શર્મા કહે છે કે આવું જ મારી સાથે પણ થયું છે. શોની વચ્ચે સોનાક્ષી સિન્હાએ પણ મને આવું કરવા માટે કહ્યું અને તે મને રાખડી બાંધવા ઇચ્છતી હતી.

છેલ્લે જણાવી દઈએ કે કેટરિના કૈફ અને અક્ષય કુમાર તાજેતરમાં ફિલ્મ સૂર્યવંશીના પ્રમોશન માટે પહોંચ્યા હતા. અહીં કેટરીના કહે છે કે, હું અને અક્ષય લગભગ 10 વર્ષ પછી સિલ્વર પડદા પર સાથે જોવા મળશુ. આ દરમિયાન કપિલ તેને પૂછે છે કે તમે 10 વર્ષ પછી શા માટે સાથે કામ કરી રહ્યા છો? તેના જવાબમાં તે કહે છે કે, “ઘણી તક પર હું વ્યસ્ત હતી તો ઘણી તક પર અક્ષય કુમાર થોડા વ્યસ્ત હતા.” સાથે જ અક્ષય કુમાર કહે છે કે મે કેટરિના પાસે લગભગ 3 ફિલ્મો મોકલી હતી, પરંતુ તેમણે કોઈ જવાબ આપ્યો ન હતો.