કહેવાય છે કે શોખ મોટી ચીજ હોય છે. દરેક વ્યક્તિને કોઈને કોઈ ચીજનો શોખ હોય છે. તે શોખ પૂરો કરીને તેને ખૂબ ખુશી મળે છે. ઘણા લોકોને સોનું પહેરવાનો પણ ખૂબ શોખ હોય છે. ખાસ કરીને મહિલાઓ લગ્ન કે કોઈપણ પ્રસંગમાં સોનું પહેરવું પસંદ કરે છે. પરંતુ આજે અમે તમને એવા કાકાનો પરિચય કરાવવા જઈ રહ્યા છીએ જે સોનાના એટલા શોખીન છે કે તેઓ બે કિલો સોનું પહેરે છે. નવાઈની વાત એ છે કે તે આ સોનું દરરોજ પહેરે છે.
જો તમે દરરોજ બે કિલો સોનું પહેરવાની વાતથી આશ્ચર્યચકિત થઈ ગયા છો, તો થોડી રાહ જુઓ. હજુ સ્ટોરીમાં ટ્વિસ્ટ બાકી છે. આ કાકા દરરોજ બે કિલો સોનું કુલ્ફી વેચવા માટે પહેરે છે. તમે દરેકએ ખૂબ કુલ્ફી ખાધી હશે. આ દરમિયાન ઘણા કુલ્ફીવાળાને પણ મળ્યા હશો. પરંતુ બે કિલો સોનું પહેરીને કુલ્ફી વેચનાર આ પહેલા ભાગ્યે જ જોવા મળ્યો હશે.
2 કિલો સોનું પહેરીને કુલ્ફી વેચે છે કાકા: કુલ્ફી વેચતા આ અનોખા કાકા મધ્યપ્રદેશના ઈન્દોર શહેરના છે. તેમનું નામ બંટી યાદવ છે. તેમની ઈન્દોરની પ્રખ્યાત ફૂડ સ્ટ્રીટ સરાફા માર્કેટમાં કુલ્ફીની દુકાન છે. તે ઈન્દોરમાં ખૂબ પ્રખ્યાત છે. બંટી અંકલ દરરોજ ઘરની બહાર નીકળતા પહેલા શરીરના જુદા જુદા ભાગોમાં લગભગ બે કિલો સોનું પહેરે છે. પછી સોનાથી ભરેલા આ હાથથી તેઓ ગ્રાહકોને કુલ્ફી આપે છે.
બંટી યાદવની કુલ્ફી ટેસ્ટમાં પણ જબરદસ્ત હોય છે. લોકો તેને ખાવા માટે દૂર-દૂરથી આવે છે. લોકો અવારનવાર કુલ્ફી ખાતી વખતે કાકા સાથે સેલ્ફી પણ લે છે. કુલ્ફીથી વધુ રસ લોકોને સોનાથી ભરેલા આ અંકલ સાથે સેલ્ફી લેવામાં હોય છે. કેટલાક ફૂડ બ્લોગર્સે અંકલનો એક વીડિયો પણ બનાવ્યો, પછી તે સોશિયલ મીડિયા પર વાયરલ થઈ ગયો.
અહીંથી આવ્યું આટલું સોનું: બે કિલો સોનું એ ખૂબ મોટી વાત છે. જ્યારે અંકલને પૂછવામાં આવ્યું કે તેમની પાસે આટલું સોનું ક્યાંથી આવ્યું તો તેમણે જણાવ્યું કે તેમના મિત્રોએ આ સોનું તેમને ગિફ્ટ કર્યું છે. આ રીતે તેમની પાસે ઘણું બધું સોનું થઈ ગયું. એટલા માટે તે તેને તિજોરીમાં રાખવાને બદલે તેની દુકાન પર પહેરીને આવવાનું પસંદ કરે છે. તેને સોનું પહેરવાનો પણ ખૂબ શોખ છે.
એક કુલ્ફીવાળાને આટલું સોનું પહેરેલા જોઈને લોકો આશ્ચર્યચકિત થઈ ગયા છે. તેમને સમજમાં આવી રહ્યું નથી કે કુલ્ફી વેચીને પણ આટલી કમાણી થઈ જાય છે. જોકે આટલું સોનું તો ઘણી મહિલાઓ પાર્ટીમાં નથી પહેરતી. આ કાકાને જોઈને ઘણા લોકોને દિવંગત સિંગર બપ્પી લહરી યાદ આવી ગયા.
