સલમાન-રણવીરથી લઈને શિલ્પા સુધી, પોલિસ કમિશ્નરની પુત્રીના લગ્નમાં સેલેબ્સ એ જમાવ્યો રંગ, જુવો તસવીરો

બોલિવુડ

તાજેતરમાં જ મુંબઈમાં એક લગ્નમાં બોલિવૂડના ઘણા સ્ટાર્સ જોવા મળ્યા. જ્યારે આ લગ્ન કોઈ બોલિવૂડ સાથે જોડાયેલી હસ્તીના ન હતા. તાજેતરમાં જ મુંબઈ પોલીસ કમિશનરની પુત્રીના લગ્ન થયા. આ લગ્નમાં બોલિવૂડથી સલમાન ખાન, રણવીર સિંહ અને શિલ્પા શેટ્ટી જેવા બોલિવૂડ સ્ટાર્સે હાજરી આપી હતી.

જણાવી દઈએ કે તાજેતરમાં જ મુંબઈ પોલીસ કમિશનર વિવેક ફનસાલકરની પુત્રી મૈત્રેયી ફનસાલકર લગ્નના બંધનમાં બંધાઈ છે. તેમના લગ્નના રિસેપ્શનમાં બોલિવૂડના કેટલાક મોટા અને પ્રખ્યાત કલાકારો પહોંચ્યા હતા. આ દરમિયાન અભિનેતા સલમાન ખાન સ્ટેજ પર પહોંચ્યા હતા અને તેમણે દૂલ્હા અને દૂલ્હન સાથે તસવીરો પણ ક્લિક કરાવી.

અભિનેતા સલમાન ખાનની તસવીર સોશિયલ મીડિયા પર ખૂબ જ વાયરલ થઈ રહી છે, જેમાં તે દુલ્હન મૈત્રેયી ફનસાલકર અને દૂલ્હા સાથે જોવા મળી રહ્યા છે. દુલ્હન મૈત્રેયી ફનસાલકરે સલમાન ખાનનો હાથ પકડ્યો હતો. સલમાને સ્ટેજ પરના તમામ લોકો સાથે તસવીરો ક્લિક કરી હતી. આ દરમિયાન અભિનેતા બ્લેક સૂટમાં ખૂબ જ હેન્ડસમ લાગી રહ્યા હતા.

રણવીર સિંહે પણ જમાવ્યો રંગ: વિવેક ફનસાલકરની પુત્રીના લગ્નમાં અભિનેતા રણવિર સિંહે પણ રંગ જમાવ્યો. આ લગ્નમાં પણ તે પોતાના ચિર પરિચિત અંદાજમાં જોવા મળ્યા. લગ્ન રિસેપ્શનમાં રણવીર સિંહ પિંક પેન્ટ, વ્હાઈટ ઈશરત અને મલ્ટીકલર કોટમાં જોવા મળ્યા હતા. રણવીરે આ દરમિયાન ટોપી પણ પહેરી હતી અને તેણે સ્ટેજ પરથી જ પરફોર્મન્સ પણ આપ્યું હતું.

લાલ સાડીમાં પહોંચી શિલ્પા શેટ્ટી: બોલિવૂડમાંથી આ લગ્નમાં સલમાન ખાન અને રણવીર સિંહ ઉપરાંત શિલ્પા શેટ્ટીએ પણ ભાગ લીધો હતો. મૈત્રેયી ફનસાલકરના લગ્નના રિસેપ્શનમાં શિલ્પા શેટ્ટી લાલ સાડીમાં ખૂબ જ સુંદર લાગી રહી હતી. તે હંમેશાની જેમ ખૂબ જ સુંદર લાગી રહી હતી.

હવે વાત કરીએ ત્રણેય કલાકારોના વર્ક ફ્રન્ટ વિશે. જો સલમાન ખાનના વર્ક ફ્રન્ટ પર નજર કરીએ તો સલમાન ખાનની વર્ષ 2023માં બે મોટી ફિલ્મો આવવાની છે. એક છે ટાઈગર 3 અને બીજી છે ‘કિસી કા ભાઈ કિસી કી જાન’. સલમાનના ચાહકો આ બંને ફિલ્મોની આતુરતાથી રાહ જોઈ રહ્યા છે.

સાથે જ રણવીર સિંહના વર્ક ફ્રન્ટની વાત કરીએ તો આ દિવસોમાં તે પોતાની આગામી ફિલ્મ ‘સર્કસ’ના પ્રમોશનમાં વ્યસ્ત છે. આ ફિલ્મનું નિર્દેશન રોહિત શેટ્ટીએ કર્યું છે. આ ફિલ્મ 23 ડિસેમ્બરે રિલીઝ થવાની છે. આ ફિલ્મમાં રણવીરની સાથે મુખ્ય ભૂમિકામાં પૂજા હેગડે, જેકલીન ફર્નાન્ડીઝ, વરુણ શર્મા વગેરે છે.

સાથે જ શિલ્પા શેટ્ટીના વર્ક ફ્રન્ટ વિશે વાત કરીએ તો તે વધુ એક્ટિવ નથી. જોકે અવારનવાર સમાચારોમાં રહેતી શિલ્પા છેલ્લે ફિલ્મ નિકમ્મામાં મોટા પડદા પર જોવા મળી હતી, પરંતુ શિલ્પાની આ ફિલ્મ ફ્લોપ રહી હતી.