બોલિવૂડ ઈન્ડસ્ટ્રીમાં સલમાન ખાનથી લઈને અમિતાભ બચ્ચન, શાહરૂખ ખાન, અક્ષય કુમાર જેવા તમામ દિગ્ગઝ સ્ટાર્સના દેશ અને દુનિયામાં લાખો-કરોડો ચાહકો છે. આવી સ્થિતિમાં આ સ્ટાર્સની સુરક્ષા એક મોટી જવાબદારી છે, જેને સંભાળવી સરળ કામ નથી. આ કારણસર, ફિલ્મ સ્ટાર્સ પોતાની સુરક્ષા માટે બોડીગાર્ડ્સ રાખે છે અને તે મોટી રકમ સેલેરી તરીકે આપે છે.
તાજેતરમાં જ એ સમાચાર આવ્યા હતા કે અભિનેતા સલમાન ખાનને જાનથી મારવાની ધમકી મળી છે. તેના પિતા સલીમ ખાનને એક પત્ર મળ્યો જેમાં લખ્યું હતું કે “સિધુ મુસેવાલા જેવી હાલત કરવામાં આવશે.” ત્યાર પછી બોલિવૂડ સ્ટાર્સની સુરક્ષા ચર્ચામાં આવી હતી. જ્યારે પણ સિને સ્ટાર્સ ઘરની બહાર નીકળે છે, તો ત્યારપછી તેમને ઘણા પ્રસંગો પર તેમના ચાહકોને મળવું પડે છે.
ઘણી વખત તો પબ્લિક પ્લેસ પર શૂટિંગ કરવું પડે છે. આ દરમિયાન, જે તેમની સુરક્ષાની વ્યવસ્થા કરે છે તે તેમનો બોડીગાર્ડ હોય છે. આજે અમે તમને આ લેખ દ્વારા બોલિવૂડ સ્ટાર્સના કેટલાક બોડીગાર્ડ્સ વિશે જણાવવા જઈ રહ્યા છીએ, જે તે જ સ્ટાર્સની જેમ પ્રખ્યાત છે અને તેમની સેલરી કેટલી છે? ચાલો જાણીએ.
સલમાન ખાનનો બોડીગાર્ડ શેરા: સલમાન ખાનનો બોડીગાર્ડ શેરા હંમેશા અભિનેતાની સાથે પડછાયાની જેમ જોવા મળે છે. બોડીગાર્ડની દુનિયામાં શેરા પણ કોઈ સેલિબ્રિટીથી ઓછો નથી. તમને જણાવી દઈએ કે સલમાન ખાનનો પર્સનલ બોડીગાર્ડ શેરા લગભગ 28 વર્ષથી તેની સાથે છે. શેરા પહેલા મિ. મુંબઈ જુનિયર હતો. તે 1998ના મિ. મહારાષ્ટ્ર જુનિયર સ્પર્ધાના ફાઇનલ લિસ્ટમાંથી એક રહ્યો છે.
હાલમાં શેરા સલમાન ખાનનો ફુલ ટાઈમ બોડીગાર્ડ છે, પરંતુ તે પહેલા શેરા માઈકલ જેક્સન, વિલ સ્મિથ, પેરિસ હિલ્ટન અને જેકી ચેન સહિત ઘણા ઈન્ટરનેશનલ સેલેબ્સનો બોડીગાર્ડ રહી ચૂક્યો છે. હવે તમને બોડીગાર્ડ શેરાનો 1 મહિનાનો પગાર જણાવીએ. રિપોર્ટ્સ મુજબ શેરા લગભગ 15 લાખ રૂપિયા એક મહિનાના પગાર તરીકે લે છે. વાર્ષિક પગારની વાત કરીએ તો તે બે કરોડ રૂપિયા છે.
શાહરૂખ ખાનનો બોડીગાર્ડ રવિ સિંહ: શાહરૂખ ખાનનો પર્સનલ બોડીગાર્ડ રવિ સિંહ ફિલ્મના પ્રમોશનથી લઈને જન્મદિવસ અને પબ્લિક અપીરિયંસ સુધી કિંગ ખાનની સુરક્ષાની જવાબદારી સંભાળે છે. રવિ સિંહ લગભગ 13 વર્ષથી કિંગ ખાનની સુરક્ષામાં છે. રવિ સિંહ માત્ર શાહરૂખ ખાનની સુરક્ષા જ નથી કરતા પરંતુ તેમના બાળકો આર્યન ખાન, સુહાના ખાન અને અબરામની સુરક્ષા માટે પણ રહે છે.
જ્યારે શાહરૂખ ખાનના પુત્ર આર્યન ખાન મુંબઈ ક્રૂઝ ડ્રગ્સ કેસમાં ફસાયો હતો, તે દરમિયાન રવિ સિંહ ખૂબ ચર્ચામાં આવ્યો હતો. જ્યારે આર્યન ખાન ડ્રગ કેસમાં જેલમાંથી બહાર આવ્યો ત્યારે રવિ સિંહ જ તેને કારમાં સુરક્ષિત રીતે બેસાડી મન્નત લઈ ગયો હતો. શાહરૂખ ખાનનો પર્સનલ બોડીગાર્ડ રવિ સિંહ તેની સુરક્ષા માટે મોટી રકમ લે છે. રિપોર્ટ્સ મુજબ શાહરૂખ ખાનનો બોડીગાર્ડ રવિ સિંહ વાર્ષિક 2.7 કરોડ રૂપિયા પગાર તરીકે લે છે.
અમિતાભ બચ્ચનનો બોડીગાર્ડ જિતેન્દ્ર શિંદે: સદીના મહાનાયક અમિતાભ બચ્ચનના બોડીગાર્ડનું નામ જિતેન્દ્ર શિંદે છે. બિગ બીની સુરક્ષામાં રહેવા ઉપરાંત જિતેન્દ્ર શિંદે પોતાની એક સિક્યોરિટી એજન્સી પણ ચલાવે છે. પરંતુ અમિતાભ બચ્ચનની બહારની મુસાફરી પર અવારનવાર તે પોતે જ સાથે જાય છે. આ માટે તેમને મોટી રકમ ચૂકવવામાં આવે છે. વર્ષ 2021ના એક રિપોર્ટ મુજબ જિતેન્દ્ર શિંદે વાર્ષિક 1.5 કરોડ રૂપિયાની કમાણી કરે છે.
અક્ષય કુમારનો બોડીગાર્ડ શ્રેયસ ઠેલે: બોલિવૂડ ઈન્ડસ્ટ્રીના ખિલાડી કુમાર કહેવાતા અભિનેતા અક્ષય કુમારના બોડીગાર્ડનું નામ શ્રેયસ ઠેલે છે. અક્ષય કુમાર ઉપરાંત શ્રેયસ ઠેલે તેના પુત્ર આરવને પણ સુરક્ષા આપે છે. વર્ષ 2021ના એક રિપોર્ટ મુજબ અક્ષય કુમાર પોતાના બોડીગાર્ડને વાર્ષિક 1.2 કરોડ રૂપિયા પગાર તરીકે આપે છે. આ મુજબ તેનો પગાર દર મહિને 10 લાખ રૂપિયા થાય છે.
આમિર ખાનનો બોડીગાર્ડ યુવરાજ ઘોરપડે: આમિર ખાનનો પર્સનલ બોડીગાર્ડ યુવરાજ ઘોરપડે હંમેશા તેની સાથે પડછાયાની જેમ રહે છે. બોલિવૂડના મિસ્ટર પરફેક્શનિસ્ટ કહેવાતા આમિર ખાનના બોડીગાર્ડ યુવરાજ ઘોરપડે વિશે મીડિયા રિપોર્ટ્સમાં કહેવાયું છે કે તેણે 16 વર્ષની ઉંમરમાં જ સ્કૂલ છોડી દીધી હતી અને એક સિક્યોરિટી એજન્સીમાં જોડાઈ ગયા હતા. પછી તે આમિર ખાનનો પર્સનલ બોડીગાર્ડ બન્યો. યુવરાજની સેલેરીની વાત કરીએ તો છેલ્લા 1 વર્ષના રિપોર્ટ મુજબ, યુવરાજ ઘોરપડે વાર્ષિક 2 કરોડ રૂપિયાની કમાણી કરે છે.
અનુષ્કા શર્માનો બોડીગાર્ડ પ્રકાશ સિંહ: બોલિવૂડની પ્રખ્યાત અભિનેત્રી અનુષ્કા શર્માના પર્સનલ બોડીગાર્ડનું નામ પ્રકાશ સિંહ છે. વિરાટ કોહલી સાથે અનુષ્કાના લગ્ન પહેલાથી જ પ્રકાશ સિંહ તેની સુરક્ષામાં છે. અનુષ્કા શર્મા તેના બોડીગાર્ડ પ્રકાશ સિંહને મોટી રકમ પગાર તરીકે આપે છે. રિપોર્ટ્સ મુજબ પ્રકાશ સિંહની વાર્ષિક સેલેરી 1.2 કરોડ રૂપિયા છે.
