આ દિવસોમાં લગ્નની સીઝન છે, દરેક જગ્યાએ લગ્નના સમાચાર સાંભળવા મળી રહ્યા છે. આવી સ્થિતિમાં બોલિવૂડ પણ લગ્નની બાબતમાં પાછળ નથી. આ દિવસોમાં બોલિવૂડમાં કેટરીના અને વિકી કૌશલના લગ્નની ચર્ચા દરેક જગ્યાએ થઈ રહી છે. પરંતુ હજુ સુધી આ કપલ અથવા તેમના પરિવાર તરફથી કોઈ ઓફિશિયલસત્તાવાર પુષ્ટિ કરવામાં આવી નથી. મીડિયામાં આવી રહેલા સમાચારો નું માનીએ તો સૂત્રોનું કહેવું છે કે બંનેએ પોતાના લગ્ન માટે રાજસ્થાનના સિક્સ સેન્સ બારવારા ફોર્ટ પસંદ કર્યો છે. આ ફોર્ટ ખૂબ ખર્ચાળ છે. આ ફોર્ટમાં એક રાત રોકાવાનું ભાડું 77 હજારની આસપાસ છે.
તમે આ ફોર્ટના ભાડા પરથી અંદાજ લગાવી શકો છો કે આ લગ્ન કેટલી લક્ઝુરિયસતાથી થવાના છે. જણાવી દઈએ કે એ વાતના પણ સમાચાર આવી રહ્યા છે કે, કેટ પોતાના લગ્નમાં જોધપુરની પ્રખ્યાત મહેંદી લગાવવાની છે, જેની કિંમત એક લાખ રૂપિયા છે. આ રીતે આ લગ્ન પણ કોઈ રોયલ લગ્નથી ઓછા નથી. જો કે ઇન્ડસ્ટ્રીમાં આ પહેલા લગ્ન નથી જે રોયલ સ્ટાઈલમાં થવા જઈ રહ્યા છે. બોલિવૂડ ઈન્ડસ્ટ્રીમાં એવી કપલનું લિસ્ટ ખૂબ લાંબુ છે જેમણે આ રીતે રોયલ સ્ટાઈલમાં લગ્ન કર્યા છે.
એશ્વર્યા રાય અને અભિષેક: એશ્વર્યા રાય અને અભિષેક બચ્ચન 2007માં લગ્નના બંધનમાં બંધાયા હતા. જો મીડિયા રિપોર્ટ્સનું માનીએ તો આ બંનેના લગ્નમાં 7 કરોડની આસપાસનો ખર્ચ આવ્યો હતો.
રાજ કુન્દ્રા અને શિલ્પા શેટ્ટી: બિઝનેસમેન રાજ કુન્દ્રા અને શિલ્પા શેટ્ટીના લગ્ન વર્ષ 2009માં થયા હતા. આ લગ્ન પણ ખૂબ જ રોયલ રીતે થયા હતા. શિલ્પા શેટ્ટીના લહેંગાથી લઈને તેની એન્ગેજમેન્ટ રિંગ સુધી મીડિયામાં ખૂબ ચર્ચા થઈ હતી. આ લગ્નમાં એવો દાવો કરવામાં આવ્યો હતો કે શિલ્પા શેટ્ટીની એન્ગેજમેન્ટ રિંગની કિંમત 3 કરોડ રૂપિયા હતી. આ વાત પરથી તમે અંદાજ લગાવી શકો છો કે તેમના લગ્ન કેટલા રોયલ રીતે થયા હશે.
પ્રિયંકા ચોપરા અને નિક જોનાસ: દેશી ગર્લ પ્રિયંકા ચોપરાએ નિક જોનાસ સાથે લગ્ન ઉમેદ ભવનમાં કર્યા હતા. તે સમયે ઉમેદ ભવનનું એક રાતનું બુકિંગ 64 લાખ રૂપિયામાં થયું હતું. આ લગ્ન સમારોહ 5 દિવસ સુધી ચાલ્યો હતો. કહેવાય છે કે પ્રિયંકાની એન્ગેજમેન્ટ રીંગની કિંમત 1.5 કરોડ હતી.
સોનમ કપૂર અને આનંદ આહૂજા: અનિલ કપૂરની પુત્રી સોનમ કપૂરે આનંદ આહુજા સાથે 2018માં લગ્ન કર્યા હતા. આ અભિનેત્રીની સગાઈની રિંગ 90 લાખ રૂપિયાની હતી, સાથે જ સોનમના લગ્નના લહેંગાની કિંમત 70 થી 90 લાખ રૂપિયા હતી.
કરીના કપૂર અને સૈફ અલી ખાન: બોલીવુડની બેબો ઉર્ફ કરીના કપૂરે સૈફ અલી ખાન સાથે લગ્ન કર્યા છે. કરીના કપૂરના લગ્નમાં તેના લહેંગાની કિંમત 50 લાખ હતી. આ સાથે જ તેમની જ્વેલરીની કિંમત 4 કરોડ રૂપિયા જણાવવામાં આવી હતી. કહેવાય છે કે આ કપલના લગ્નમાં 10 કરોડ રૂપિયાનો ખર્ચ કરવામાં આવ્યો હતો.
અનુષ્કા શર્મા અને વિરાટ કોહલી: વિરાટ કોહલી અને અનુષ્કા શર્માએ વિદેશમાં લગ્ન કર્યા હતા. બંનેએ ડેસ્ટિનેશન વેડિંગનો રસ્તો અપનાવ્યો હતો. આ બંનેના લગ્ન ઘણા કારણોસર ચર્ચામાં રહ્યા હતા. મીડિયા રિપોર્ટ્સ મુજબ આ કપલના લગ્નનું બજેટ લગભગ 100 કરોડ રૂપિયા હતું.
દીપિકા પાદુકોણ અને રણવીર સિંહ: દીપિકા પાદુકોણ અને રણવીર સિંહના લગ્નમાં કુલ 77 કરોડ રૂપિયાનો ખર્ચ કરવામાં આવ્યો હતો.
