અમિતાભ બચ્ચન આ નામ હિન્દી સિનેમાના ઈતિહાસમાં સુવર્ણ અક્ષરે લખાઈ ચુક્યું છે. જ્યારે પણ વાત સિનેમાની થાય છે ત્યારે અમિતાભ બચ્ચનનું નામ હાથની પહેલી આંગળી પર હોય છે. દેશમાં ભાગ્યે જ કોઈ એવી વ્યક્તિ હશે જે અમિતાભને ઓળખતા નહિં હોય. અમિતાભના ચાહકો માત્ર ભારતમાં જ નથી પરંતુ દુનિયાના દરેક ખૂણે જોવા મળશે.
અમિતાભ બચ્ચન કોઈ ઓળખના મોહતાજ નથી. અમિતાભ બચ્ચન માત્ર એક નામ જ નથી પરંતુ પોતાનામાં એક બ્રાન્ડ છે. જ્યારે તેમના નામની સાથે ‘શદીના મહાનાયક’ શબ્દ જોડાય છે, ત્યારે તેમના વિશે આ શબ્દ બધું જ કહી જાય છે. હિન્દી સિનેમાના સૌથી સફળ, ચર્ચિત અને લોકપ્રિય કલાકાર અમિતાભને જ માનવામાં આવે છે.
દેશ અને દુનિયા તેમને ‘સદીના મહાનાયક’, બોલિવૂડના શહેનશાહ, એંગ્રીયંગ મેન અને બિગ બી જેવા પ્રતિષ્ઠિત નામથી ઓળખે છે. અમિતાભે પોતાના નામ અને કામના જલવા દુનિયાભરમાં ફેલાવ્યા છે. અમિતાભને મહાન અને દિગ્ગઝ બનાવવામાં માત્ર તેમની શ્રેષ્ઠ અને અતુલ્ય એક્ટિંગનું જ યોગદાન નથી પરંતુ તેમને આ ખાસ અને મહત્વપૂર્ણ સ્થાન અપાવવામાં અન્ય ઘણી ચીજોએ મહત્વપૂર્ણ યોગદાન આપ્યું છે.
અમિતાભ બચ્ચને જમીનથી આકાશ સુધીની અદ્ભુત સફર કરી છે. ક્યારેક તેમને તેના કદના કારણે, ક્યારેક લુકને કારણે અને ક્યારેક તેના ઉંચા અવાજને કારણે રિજેક્ટ કરવામાં આવ્યા હતા. જોકે બિગ બી મક્કમ રહ્યા, અડગ રહ્યા. પહેલા તે કોલકાતામાં કોલસાની ખાણમાં કામ કરતા હતા, પછી તેમણે ફિલ્મોમાં વોઈસ નેરેટર તરીકે કામ કર્યું અને ફિલ્મ ‘ભુવન શોમ’માં તેમનો અવાજ સાંભળવા મળ્યો.
બિગ બીએ હિન્દી સિનેમામાં એક અભિનેતા તરીકે પોતાની કારકિર્દીની શરૂઆત ફિલ્મ ‘સાત હિન્દુસ્તાની’થી કરી હતી. આ ફિલ્મ વર્ષ 1969માં આવી હતી. બિગ બીની પહેલી ફિલ્મ બોક્સ ઓફિસ પર ખાસ કમાલ ન કરી શકી. શરૂઆતના કેટલાક વર્ષો સુધી તેમને સંઘર્ષ કરવો પડ્યો અને વર્ષ 1973માં આવેલી ફિલ્મ ‘જંજીર’થી તે રાતોરાત પ્રખ્યાત થઈ ગયા.
‘ઝંજીર’ ફિલ્મની ચર્ચા આજે પણ ખૂબ જ થાય છે. ત્યાર પછી બિગ બીએ દીવાર, શોલે, રોટી કપડા ઔર મકાન, અમર અકબર એન્થોની, ડોન, કાલા પથ્થર, શાન, કાલિયા, લાવારિસ, સિલસિલા, શરાબી, કુલી જેવી ફિલ્મોથી સિનેમા પ્રેમીઓને ચોંકાવી દીધા અને તે હિન્દી સિનેમાના સુપરસ્ટાર બની ગયા. ત્યાર પછી પણ બિગ બીએ ઘણી સફળ ફિલ્મો આપી અને આજે પણ તે સતત ફિલ્મો કરી રહ્યા છે.
પોતાની 53 વર્ષની લાંબી ફિલ્મી કારકિર્દીમાં અમિતાભ બચ્ચને ઘણું બધું મેળવ્યું છે. ખૂબ નામ અને ખ્યાતિ કમાવવાની સાથે જ બિગ બીએ અપાર સંપત્તિ પણ બનાવી છે. તેમની પાસે ઘણા લક્ઝરી ઘર છે, અબજો રૂપિયાની સંપત્તિ, કરોડોની કિંમતની ઘણી લક્ઝરી કાર છે.
જણાવી દઈએ કે અમિતાભ બચ્ચન હિન્દી સિનેમાના બીજા સૌથી અમીર અભિનેતા છે. પ્રાપ્ત મીડિયા રિપોર્ટ્સ મુજબ બિગ બી લગભગ 3 હજાર કરોડની સંપત્તિના માલિક છે. તેમની કમાણી ફિલ્મો ઉપરાંત ટીવી શો અને જાહેરાતોથી પણ થાય છે. 79 વર્ષના થઈ ચુકેલા બિગ બી દર મહિને 5 કરોડ રૂપિયાની કમાણી કરે છે.
સાથે જ એક વર્ષમાં બિગ બી 60 કરોડ રૂપિયાની કમાણી કરે છે. બિગ બી આ ઉંમરમાં પણ સતત ફિલ્મો, જાહેરાતો અને ટીવી શો હોસ્ટ કરી રહ્યા છે. તે એક ફિલ્મ કરવા માટે 6 કરોડ રૂપિયા ચાર્જ કરે છે જ્યારે તેમને એક બ્રાન્ડ એન્ડોર્સમેન્ટ માટે 5 કરોડ રૂપિયા મળે છે. સાથે જ ‘શહેનશાહ’ પોતાના ટીવી શો ‘કૌન બનેગા કરોડપતિ’ની સીઝનથી કરોડોમાં કમાણી કરે છે.
બિગ બી પાસે એક-બે નહીં પરંતુ પાંચ ઘર છે. તેની પાસે ચાર લક્ઝરી અને ખૂબ જ સુંદર બંગલા છે જે મુંબઈમાં જ છે, સાથે જ તેમની પાસે એક લક્ઝુરિયસ ડુપ્લેક્સ પણ છે. જણાવી દઈએ કે બિગ બીએ આ ડુપ્લેક્સ વર્ષ 2021માં જ ખરીદ્યું છે, જેની કિંમત 31 કરોડ રૂપિયા હોવાનું જણાવવામાં આવે છે. તેમના બંગલાના નામ જનક, જલસા, પ્રતિક્ષા, વત્સ અને અમ્મુ છે. આ બધાની કિંમત અબજોમાં છે.
બિગ બીને લક્ઝરી કારનો પણ ખૂબ શોખ છે. તેમના કાર કલેક્શનમાં 11 કાર છે. બિગ બી પાસે લેક્સસ, રોલ્સ રોયસ, BMW, મર્સિડીઝ જેવી મોંઘી કંપનીઓની લક્ઝરી અને સુંદર કાર છે. આ કારની કિંમત કરોડોમાં છે. સાથે જ તમને જણાવી દઈએ કે બિગ બીની કમાણીનું માધ્યમ રોકાણ પણ છે.
