કોમેડિયન ભારતી સિંહ ટીવીની લાફ્ટર ક્વીન ના નામથી પણ લોકપ્રિય છે. તેણે ઘણા શોમાં પોતાની કોમેડીથી દર્શકોના દિલ જીતી લીધા છે. આ દિવસોમાં તે ટીવીના રિયાલિટી શો ‘હુનરબાઝઃ દેશ કી શાન’માં હોસ્ટની ભૂમિકામાં જોવા મળી રહી છે. સાથે જ આ કામમાં તેનો સાથ તેના પતિ હર્ષ લિંબાચીયા પણ આપી રહ્યા છે.
‘હુનરબાઝઃ દેશ કી શાન’માં મિથુન ચક્રવર્તી, કરણ જોહર અને પરિણીતી ચોપરા જજની ભૂમિકા નિભાવી રહ્યા છે. જણાવી દઈએ કે ભારતી આ શો પહેલા પણ ટીવી પર હોસ્ટની ભૂમિકામાં જોવા મળી ચુકી છે. તે ઈન્ડિયાઝ ગોટ ટેલેન્ટની સીઝન 6માં પણ તે આ ભુમિકામાં જોવા મળી હતી. ઈન્ડિયાઝ ગોટ ટેલેન્ટની સીઝન 6 ના ગ્રેંડ ફિનાલેમાં, ભારતી સિંહે હિન્દી સિનેમાના દિગ્ગઝ અભિનેતા અનુપમ ખેર સાથે લગ્ન કરવાની ઈચ્છા વ્યક્ત કરી હતી.
જણાવી દઈએ કે કિરણ ખેર ઈન્ડિયાઝ ગોટ ટેલેન્ટમાં જજ તરીકે જોવા મળે છે. નવી સિઝનમાં પણ તે બાદશાહ, મનોજ મુંતશિર અને શિલ્પા શેટ્ટી સાથે જજની ખુરશી પર છે, જ્યારે તે પહેલાની સિઝનમાં પણ જજ રહી ચૂકી છે. જણાવી દઈએ કે કિરણ એક અભિનેત્રી હોવા ઉપરાંત ચંડીગઢથી ભારતીય જનતા પાર્ટીની સાંસદ પણ છે.
એક વખત ઈન્ડિયાઝ ગોટ ટેલેન્ટની સીઝન 6ની ફાઇનલમાં કિરણ ખેરના પતિ અને અભિનેતા અનુપમ ખેર પણ પહોંચ્યા હતા. ત્યારે કિરણની સામે જ અનુપમ ખેરને ભારતીએ પોતાના દિલની વાત કહી હતી. ભારતીએ ત્યારે મજાક-મજાકમાં કહ્યું હતું કે તે અનુપમ ખેર સાથે લગ્ન કરવા ઈચ્છતી હતી.
સોશિયલ મીડિયા પર એક વીડિયો ખૂબ વાયરલ થઈ રહ્યો છે જેમાં ભારતી સિંહ, કિરણ ખેર અને અનુપમ ખેર જોવા મળી રહ્યા છે. વીડિયોમાં તમે જોઈ અને સાંભળી શકો છો કે અનુપમ ભારતીને કહે છે, “તમે જે સેટ ઉપરાંત મને ફોન કરતા હતા તેનું શું?” તેની આગળ અનુપમ કહે છે કે, “ભારતી કહેતી હતી કે તમને ફોન કરવાનું તો એક બહાનું છે, હું તો ખરેખર તમને પ્રેમ કરું છું”.
અનુપમની વાત સાંભળતા જ ભારતી શરમાઈ જાય છે અને તે પોતાનું માથું શરમથી ઝુકાવી દે છે. આગળ અનુપમ કહે છે કે, “મેં સાંભળ્યું છે કે તમે લગ્ન કરી લીધા છે, પ્રેમ કર્યો છે”. તેના પર ભારતી કહે છે, “ના સર, 15 મિનિટ પહેલા જ લગ્ન થયા છે, જો તમે કહેશો તો હું તેને છૂટાછેડા આપી દઈશ”. આ સાંભળીને બધાજોર- જોરથી હસવા લાગે છે. સોશિયલ મીડિયા પર ચાહકો આ વીડિયોને ખૂબ પસંદ કરી રહ્યા છે.
