ઘરમાં માત્ર એક તુલસીનો છોડ રાખવાથી મળે છે આ 12 લાભ, જે ભાગ્યે જ તમે જાણતા હશો

ધાર્મિક

હિંદુ ધર્મમાં તુલસીનો છોડ ખૂબ જ શુભ માનવામાં આવે છે અને આ છોડની પૂજા કરવાથી ઘરમાં સુખ-શાંતિ રહે છે. એટલું જ નહીં, જો તુલસીના પાનનું સેવન કરવામાં આવે તો શરીર ખૂબ સ્વસ્થ રહે છે અને અનેક રોગોથી શરીર સુરક્ષિત રહે છે. આજે અમે તમને તુલસીના છોડના 12 ફાયદાઓ વિશે જણાવવા જઈ રહ્યા છીએ. જેને જાણીને તમને પણ વિશ્વાસ આવી જશે કે માત્ર એક છોડને રાખવાથી કેટલો લાભ તમને મળશે.

શાસ્ત્રો અનુસાર તુલસીના પાનનું સેવન કરવાથી દેવી-દેવતાઓના આશીર્વાદ મળે છે અને શરીર અંદરથી પવિત્ર બને છે. આ સિવાય પેટ એકદમ સાફ રહે છે, ગળા સાથે જોડાયેલી બિમારીથી પણ રક્ષણ મળે છે અને ફેફસાં સાફ છે.

તુલસીના પાણીથી સ્નાન કરવાથી તીર્થોમાં સ્નાન કરવા જેટલું જ ફળ મળે છે. આ સિવાય એવું પણ માનવામાં આવે છે કે આ પાણીથી સ્નાન કરવાથી પાપોનો નાશ થાય છે અને શરીર બહારથી પણ સંપૂર્ણ પવિત્ર બને છે. જે લોકો તુલસીનાં પાન સ્નાનનાં પાણીમાં નાખીને સ્નાન કરે છે, તે બધા યજ્ઞમાં બેસવાને યોગ્ય બની જાય છે.

તુલસીના પાણીથી સ્નાન કરવાથી ત્વચાના રોગો સામે પણ રક્ષણ મળે છે. ત્વચાના રોગ થાય ત્યારે તુલસીના કેટલાક પાન લઈને તેને પીસી લો. પછી તેમાં પાણીમાં નાંખો અને પાણીને ઉકાળો. જ્યારે પાણી લીલું થઈ જાય ત્યારે ગેસ બંધ કરીને તેને ગાળી લો અને તેને નહાવાના પાણીમાં મિક્સ કરો. દરરોજ આ પાણીથી સ્નાન કરવાથી ત્વચા સંબંધિત રોગોથી છુટકારો મળશે.

ઘરમાં વાસ્તુ દોષ હોવાને કારણે પરિવારના સભ્યોનું જીવન દુ:ખથી ભરેલું રહે છે અને ઘરમાં હંમેશા ઝઘડાનું વાતાવરણ રહે છે. જો તમારા ઘરમાં પણ વાસ્તુ દોષ છે અને પરિવારના સભ્યો વચ્ચે હંમેશા ઝઘડો થતો રહે છે, તો પછી તમારા ઘરે તુલસીનો છોડ લાવો. આ છોડને આંગણામાં વાવો અને દરરોજ તેની પૂજા કરો. આ કરવાથી ઘરનો વાસ્તુ દોષ દૂર થશે અને પરિવારમાં શાંતિ રહેશે.

શાસ્ત્રો મુજબ જે લોકો રોજ તુલસીની પૂજા કરે છે અને છોડને જળ અર્પણ કરે છે. તેમને ઈચ્છિત ચીજ મળે છે અને ભગવાન વિષ્ણુના આશીર્વાદ મળે છે. જે ઘરમાં દરરોજ તુલસીની પૂજા કરવામાં આવે છે ત્યાં સુખ, સમૃદ્ધિ અને સૌભાગ્ય રહે છે.

તુલસીનો છોડ ઘરમાં હોવાથી ઘરમાં ક્યારેય પૈસાની અછત આવતી નથી. તેથી આર્થિક સમસ્યાઓની બાબતમાં, તમારે તમારા ઘરમાં તુલસીનો છોડ રાખવો જોઈએ અને દરરોજ સાંજે છોડની સામે દીવો પ્રગટાવવો જોઈએ. આ ઉપાય કરવાથી ઘરમાં પૈસાની અછત થશે નહીં.

દરરોજ દહીંની સાથે ખાંડ અને તુલસીના પાનનું સેવન કરવું શ્રેષ્ઠ માનવામાં આવે છે. દહીં સાથે તુલસીનું સેવન કરવાથી ઘણા આયુર્વેદિક ફાયદા મળે છે. તેથી, તમારે દરરોજ દહીં, ખાંડ અને તુલસીના પાનનું સેવન કરવું જોઈએ. તેનું સેવન કરવાથી શરીર હંમેશાં શક્તિશાળી રહેશે અને માનસિક તણાવ પણ નહીં આવે.

ભગવાન વિષ્ણુના આશીર્વાદ મેળવવા માટે, તેમને દર ગુરૂવારે તુલસીના પાન અર્પણ કરો. શરદી થાય ત્યારે મધ અને આદું સાથે તુલસીના પાનનું સેવન કરવાથી શરદી દૂર થાય છે. તાવ આવે ત્યારે તુલસીની ચા પીવાથી રાહત મળે છે. કેટલાક લોકો દૂધમાં પણ તુલસીના પાન નાખીને તેનું સેવન કરે છે.

ગ્રહણ દરમિયાન ખોરાક દૂષિત ન થાય તેના માટે તમે તેમાં તુલસીના પાન નાખો. આ કરવાથી ખોરાક શુદ્ધ રહે છે અને ગ્રહણની કોઈ અસર તેના પર પડતી નથી. ગ્રહણ પછી તુલસીના પાણીથી સ્નાન કરવામાં આવે તો શરીર પણ શુદ્ધ બને છે.

Leave a Reply

Your email address will not be published.