આ 6 બોલિવૂડ સ્ટાર્સ, બોલિવૂડમાં સુપરસ્ટાર બનતા પહેલા ટીવીની આ સિરિયલોમાં કરી ચુક્યા છે કામ

બોલિવુડ

બોલિવૂડમાં નામ કમાવવા માટે ઘણો સમય લાગે છે. ઘણા સ્ટાર્સ તો એવા છે જેમણે સફળતા માટે પોતાની આખી જિંદગી પસાર કરી નાખી છે, પરંતુ ઘણી મહેનત અને પ્રયત્નો કરવા છતાં પણ તેઓ સફળતા મેળવી શક્યા નથી. ટીવી સિરિયલ અને ફિલ્મ ઇન્ડસ્ટ્રીમાં જમીન-આસમાનનો તફાવત છે, બંનેમાં એક જ સમાનતા છે કે બંને તેમના દર્શકોને સંપૂર્ણ રીતે મનોરંજન આપે છે. આ ઇન્ડસ્ટ્રીમાં કેટલાક એવા સ્ટાર્સ છે જેમણે બોલીવુડ ફિલ્મોમાં કામ કરતા પહેલા ટીવી સિરિયલોથી કારકિર્દીની શરૂઆત કરી છે. ટીવી સીરીયલથી પોતાનું નામ બનાવ્યા પછી તે સ્ટાર્સે બોલિવૂડમાં એન્ટ્રી કરી હતી. આજની આ પોસ્ટમાં, અમે તમને કેટલાક એવા સ્ટાર્સ વિશે જણાવવા જઈ રહ્યા છીએ જેમના મૂળ ટીવી સિરિયલથી સંબંધિત છે અને પછી નામ બનાવીને તેઓએ બોલિવૂડમાં પ્રવેશ કર્યો હતો.

આયુષ્માન ખુરાના: આજે આયુષ્માન ખુરનાને કોણ નથી જાણતું, બોલીવુડમાં આવ્યા પછી આયુષ્માનને બેક ટૂ બેક સુપરહિટ ફિલ્મો આપી છે. આયુષ્માન બોલિવૂડ ઇન્ડસ્ટ્રીના નવા સુપરસ્ટારના લિસ્ટમાં શામેલ થઈ ગયો છે. આયુષ્માને બાલા, ડ્રીમ ગર્લ, આર્ટિકલ 15, બધાઇ હો, અને અંધાધૂન જેવી સુપરહિટ ફિલ્મો કરી છે. આયુષમાન ખુરાના વર્ષ 2002 માં ચેનલ વીના એક શો પોપસ્ટર્સમાં જોવા મળ્યો હતો, તે સમયે આયુષ્માન ખુરાના માત્ર 17 વર્ષનો હતો. આયુષ્માન ખુરનાએ 20 વર્ષની ઉંમરે એમટીવી રોડીઝમાં ઓડિશન આપ્યું હતું.આ પછી, આયુષ્માને તેના અભ્યાસ પર ધ્યાન કેન્દ્રિત કર્યું અને ગ્રેજ્યુએશન અને પોસ્ટ ગ્રેજ્યુએશન પૂર્ણ કર્યું. અભ્યાસ કર્યા પછી, આયુષ્માને તેની કારકિર્દીની શરૂઆત રેડિયો ચેનલ પર આરજે તરીકે કરી. આયુષ્માનની પહેલી બોલીવુડ ફિલ્મ વિકી ડોનર હતી, આ ફિલ્મ દર્શકોને ખૂબ પસંદ આવી હતી અને ત્યારથી લઈને આજ સુધી આયુષ્માન તેના ચાહકો માટે સુપરહિટ ફિલ્મો આપી રહ્યો છે.

શાહરૂખ ખાન: બોલિવૂડમાં રોમાંસ કિંગ તરીકે જાણીતો છે શાહરૂખ ખાન. આજે, બહુ ઓછા લોકો જાણતા હશે કે શાહરૂખ ખાને તેની કારકિર્દીની શરૂઆત ટીવી સીરિયલથી કરી હતી. 1988 માં શાહરૂખ ખાન ટીવી શો “દિલ દરિયા” માં જોવા મળ્યો હતો. પ્રોડક્શન હાઉસની તકનીકી અડચણોને કારણે શાહરૂખનો ટીવી શો “ફૌજી” 1989 માં પ્રસારિત થયો હતો. એ જ રીતે, શાહરૂખે વધુ બે ટીવી સિરિયલોમાં કામ કર્યું, ત્યારપછી તે દર્શકોના દિલ પર રાજ કરવા લાગ્યો. લોકોના પ્રેમ પછી શાહરૂખે ફિલ્મોમાં પગ મૂક્યો અને તે તેમાં ખૂબ સફળ રહ્યો.

યામી ગૌતમ: યામી ગૌતમ ટીવી પર વારંવાર ચાલતી ફેર એંડ લવલી એડમાં જોવા મળે છે. આ એડથી યામી ગૌતમે કરોડો લોકોના દિલમાં સ્થાન બનાવ્યું છે. સમાચારો અનુસાર, યામી જ્યારે 20 વર્ષની હતી ત્યારે બોલીવુડમાં પોતાનું નસીબ અજમાવવા મુંબઇ આવી હતી. મુંબઇ આવ્યા પછી, યામી ગૌતમે તેની કારકિર્દીની શરૂઆત ટીવી શો “ચાંદ કે પાર ચલો” થી કરી હતી.આ સિવાય યામીએ ‘યે પ્યાર ના હોગા કમ અને ‘મીઠી છોરી નંબર 1’ જેવા ટીવી શોમાં પણ કામ કર્યું હતું. યામીની પહેલી બોલીવુડ ફિલ્મ ‘વિકી ડોનર’ હતી. આ સિવાય યામીએ ‘બદલાપુર’, ‘ઉરી ધ સર્જિકલ સ્ટ્રાઈક’ અને ‘કાબિલ’ જેવી સુપરહિટ ફિલ્મો કરીને બોલીવુડમાં પોતાનું સ્થાન બનાવ્યું છે.

વિદ્યા બાલન: વિદ્યા બાલનની પહેલી બોલિવૂડ ફિલ્મ ‘પરિણીતી’ હતી. તમને ભાગ્યે જ ખબર હશે કે વિદ્યા બાલન ફિલ્મોમાં આવતા પહેલા ટીવી શોમાં કામ કરી ચૂકી છે. વિદ્યા જ્યારે 16 વર્ષની હતી ત્યારે તેણે એકતા કપૂરનો ટીવી શો ‘હમ પાંચ’ માં કામ કર્યું હતું અને આજે વિદ્યા બાલન બોલિવૂડની પ્રખ્યાત એક્ટ્ર્રેસ છે.

ઇરફાન ખાન: ઇરફાન ખાને માત્ર બોલિવૂડ જ નહીં પરંતુ હોલીવુડની ફિલ્મોમાં પણ કામ કર્યું છે અને તેના કામની બધે જ પ્રશંસા થાય છે. ઇરફાન ખાને પોતાની સફળતાનો ધ્વજ હોલીવુડમાં પણ લહેરાવ્યો છે. ફિલ્મોમાં આવતા પહેલા ઇરફાન ખાને ટીવી શો ‘ચાણક્ય’, ‘ભારત એક ખોજ’, ‘સારા જહાં હમારા’, ‘બનેગી અપની બાત’ અને આવા બીજા ઘણા ટીવી શોમાં કામ કર્યું છે. ઇરફાન ખાને તેની બોલિવૂડ ફિલ્મ કારકીર્દિની શરૂઆત વર્ષ 2005 માં બનેલી ફિલ્મ ‘રોગ’ થી કરી હતી. આ પછી, ઇરફાન સફળતાની સીડી ચડતો ગયો.

પુલકિત સમ્રાટ: એક ઇન્ટરવ્યૂમાં પુલકિતે જણાવ્યું હતું કે તે વર્ષ 2005 માં મુંબઈ આવ્યો હતો અને વર્ષ 2006 માં તેણે ટીવી શો ‘સાસ ભી કભી બહુ થી’માં કામ કર્યું હતું. શોને જોઈન કર્યાના આગળના વર્ષે જ, 2007 માં તેણે ટીવી સિરિયલમાં કામ કરવાનું છોડી દીધું હતું. શોમાં કામ બંધ કર્યા પછી, પુલકિતે સીધું જ વર્ષ 2012 માં આવેલી ફિલ્મ ‘બિટ્ટુ બોસ’માં કામ કર્યું અને આ તેની બોલિવૂડની પહેલી ફિલ્મ હતી. આ પછી પુલકિતે ‘ફુકરે’ જેવી કોમેડી ફિલ્મોથી દર્શકોનું દિલ જીત્યું.

1 thought on “આ 6 બોલિવૂડ સ્ટાર્સ, બોલિવૂડમાં સુપરસ્ટાર બનતા પહેલા ટીવીની આ સિરિયલોમાં કરી ચુક્યા છે કામ

  1. I simply could not depart your site prior to suggesting that I extremely enjoyed the usual info an individual provide for your visitors? Is gonna be back incessantly to inspect new posts

Leave a Reply

Your email address will not be published.